1Ji ki su yetu si malaikat bi a mwa neya, sarewo ji yo bi sukjimnut sye kas subot ye yi nde yo, suk mwa gato ji ki ne yo ós nje nde. Sane bere ji anato tepsu sukbo gato yé gwa ba sye daret sor re, wo bi sukjimnut yo mo nde.
2Ji duno nje su Yefun Allah bi suktaru sisu ndo yo, ji jam sukdu mwa gato ye yi jam nde yo, ji jam suk mwa kom mo mit yo, ji onyar kem mo Yefun Allah anato ji nggiwa ji syogat banbo do, "Nan mu kem mo nat yi yo o et" yo, ji do nggiwa ben suk mwa ré, sarewo ji yo bi sukjimnut sye kas subot ye yi nde yo, ji ré yo ndo wa suk yo mo nde.
3Ji syo ji bi suk mwa nai ye gato yewa suk yo, ji bi ji nggwa wa yé gre mo bot, sarewo ji yo bi sukjimnut sye kas subot ye yi nde yo, suk gato ji ben ne yo ós nje nde, wokgan yo dom nde.
4Ye gato bi sukjimnut sye kas subot ye yi, an ben an bi suk-i sato ré: an yo maskwa kekro nde; an ben an bi suk-i ne njep; an yo maskwa ket ye yi mo sukndo gato ye yi ku wai kadit an ne nde; an un an dakai gum nde; an yo bes an nggwa kok nde;
5an yo misyar ye yi bi sukdu-i nde, wo an nutbot; an yo wergat ye yi benbot an bi sukdu-i nde; an maskwa dek nde; an grem sukmaskwa mo an mit nde.
6Ye gato bi sukjimnut sye kas subot ye yi, an yo iwa os ibit nde, wo an iwa os gato ndo sor;
7an yo kibot sukibit gato ye yi ben ne nde, an nutbot ye yi su sukjimnut gato ndo; an kwabom kam mo ye yi do, bere ye ne ben bi suk-i tepsu Yefun Allah mit mone tó, an yo misyar ye yi nde, wo an bi sukjimnut sye kas subot ye yi pe sor.
8Men bi sukjimnut sye kas subot ye yi sor kom mo kapyo mato kapyo. Su ré yé deyo duno nje su Yefun Allah bi suktaru, sarewo kam yo tak, bere yé yo duno nje su suktaru ne o nde. Su ré yé deyo jam ki suk su a yi gato án dakai jam nde, sarewo kam yo tak, bere yé yo ben sane o nde. Su ré yé deyo jam suk mwa, sarewo kam yo tak, bere sukjimnut gane or kadit men yetu re.
9Su ré men jam suk mwa yo kom mo mit kai nde. Sane dom men ki sukdu gato Yefun Allah tarubot men kom mo mit kai nde.
10Sarewo kam yo tak, bere Yefun Allah ben men jam suk mwa ne sino kom mo mit, kwa yo gwet mo nde. Sane su kam ne sukdu gato men duno yu su ne men yo mitmo o nde.
11Tomgatu, ji ka tepsu pa wokgan, ji ki suk tepsu pa wokgan, ji bi sukjimnut tepsu pa wokgan, ji nutbot suk tepsu pa wokgan. Ré ne ji tepsu yenggras it, sane ji yo ben suk tepsu pa wokgan o nde.
12Sane dom Yefun bi suk-i gato men jam su ré anato tepsu men me men gen mo cermin gato yo ndo nde, sane men me men gen yo rer teker nde, wo kapyo tak bere men jam Yefun bi suk-i ne rer mone tó. Su ré men jam suk ne napyo sor re, wo kapyo tak, bere men jam suk mwa ne sino rer kom mo mit kai, tepsu Yefun Allah jam suk mwa ne sino subot ji dakai.
13Sane su ré yo, men benbot suk gri sato ré do, men onyar kem mo Yefun Allah; men kwabom kam mo Yefun do, bere men si Yefun Allah kem ndo su yu sor; si men bi sukjimnut sye kas subot ye yi sor. Men benbot kwa gri ré petok sor. Kadit kwa gri ne, kwa gato sye wai anato men bi sukjimnut sye kas subot ye yi.
<< 1 Korintus 13 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel