Alkitab Mobile SABDA
[VER] : [ABUN]     [PL]  [PB] 
 <<  1 Korintus 2 >> 

1Ji bi nji, ji bi nyanggon, tomgato ji ba ku nin mone, ji ki subot os gato Yefun Allah fro wa men yetu ne sa, ji yo nuk ji bi sukdu-i tepsu yetu mo bur ré gato jam suk mwa nuk bi sukdu-i nde, ji yo ki su kwa gato kru dom nde,

2we ji sisu nin kem mone sa, ji nai sukjimnut dik sor sare do, ji ki sukdu subot Yesus Kristus sor re, ji ki sukdu subot tomgato yé mban An mo kwesukwin ne, ji yo ki subot suk yi neya nde.

3Ji ba ku nin mone sa, ji kaim rere, ji nyu, ji kaim kro ndo nde.

4Ji ki sukdu subot Yesus Kristus nai nin sa, ji duno nin, ji yo wergat nin tepsu ye gato jam suk mwa ne duno nje nde, wo ji ki ji bi sukdu-i ndaf yi sor, ji yo ki su kwa gato kru nde. Ji ki ji bi sukdu-i, ete nin me Yefun Allah Gen bi suktinggi ne bor mone, we sukdu ne pet mo nin mit re.

5Sane nin onyar kem mo sukdu ne kadit ji ki sukdu tepsu yetu bi sukjimnut gato ko ne nde, wo kadit Yefun Allah Gen bi suktinggi pet mo nin mit ne sor.

6Men da ki men bi sukdu-i tepsu ye gato bi sukjimnut gato ko nai ye gato onyar kem mo Yefun nam it ne dom. Sarewo men ki men bi sukdu-i tepsu ye gato jam suk mwa mo bur ré nde, men ki men bi sukdu-i tepsu yepasye gato jowa bur ré dom nde, yepasye ne kom mo rut bi suktinggi kom mo pe yo nde.

7Sarewo men ki men bi sukdu-i gato ma kadit Yefun Allah dakai bi sukjimnut-i gato ko ne sor. Sukdu ne suga nyim tuya yo bor wa yetu jam nde, wo Yefun Allah fro sukdu ne wa men suga bur ré yo mo nde tó, subere men duno nje su, ete yé mwa ne bes men gum kok mone re.

8Yepasye mwa gato jowa bur ré, ge dik yo jam sukdu ne mo nde. Yepasye ne jam sukdu ne sa, án yo gu men bi Yekwesu gato gum kok sye wai ne kwop mo kwesukwin nde.

9Sarewo ye krom mo Yefun Allah bi sukdu do, "Suk gato Yefun Allah fro wa ye gato bi sukjimnut sye kas subot An, anato ndo wai o re, men yetu yo me nde tó. Men yo jam sukdu subot suk ne dom nde. Men yetu bi sukjimnut yo kom mone dom nde."

10Wo men sa, men jam suk gato Yefun Allah fro ne, we Yefun Allah Gen dakai kadum nai men jam re. Yefun Allah Gen watbot suk mwa ne sor, Yefun Allah Gen jam Yefun Allah bi sukjimnut gato kru ne kom mo mit re.

11Je u anato jam yetu ge dik yo dakai bi sukjimnut-i mwa ne sino kom mo mit ne? Ye ne dakai sor ete jam. Sane Yefun Allah Gen sor ete jam Yefun Allah dakai bi sukjimnut-i mwa ne sino kom mo mit ne dom.

12Men jam suk mwa gato Yefun Allah dakai syo nai men yi kadit men yetu bi sukjimnut-i nde, wo An syo An Gen nai men subere men jam suk mwa gato Yefun Allah syo nai men dakai yi ne.

13Sane sukdu gato men ki ne ma kadit yetu gato jam suk mwa nde, wo sukdu ne ma kadit Yefun Allah Gen. Yefun Allah Gen duno men, An anato kadum sukdu nai men orete men waii duno nje su ne. Sukdu gato sangge ne, Yefun Allah Gen ós men ki rer nai nje.

14Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

15Wo yé gato jammo Yefun Allah Gen pe, án sa, nggiwa watbot sukdu mwa ne sino, bere án jam sukdu gato ndo kadit sukdu gato ibit ne. Sane ye yi yo nggiwa ki án gum ibit mo suk gato án ben ne nde.

16Yé krom mo Yefun Allah bi sukdu do, "Je u anato jam Yefun Allah bi sukjimnut-i ne subere an nggiwa duno Yefun Allah ne?" Yetu dakai yo nggi kom mo pe yo nde, wo men sa, bi sukjimnut-i tepsu Yesus Kristus bi sukjimnut-i re.



 <<  1 Korintus 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel