Alkitab Mobile SABDA
[VER] : [ABUN]     [PL]  [PB] 
 <<  1 Korintus 8 >> 

1Ji bi sukdu subot sugit gato yé som sukdaret su ne. Yé ki do, "Men sino jam suk it." Sukdu ne sangge, sarewo suk mwa gato yé jam ne ben nje mit at. Án dakai bes án nggwa kok mone, wo ye gato bi sukjimnut sye kas subot ye yi bere ben suk gato ós nje sor.

2Ye to nut do án jam suk mwa ete án bes án nggwa kok mone yo, ye ne yo jam suk kom mo mit nde tó.

3Sarewo ye to bi sukjimnut sye kas subot Yefun Allah it yo, Yefun Allah bes ye ne tepsu An bi yesyim.

4Sane ji bi sukdu subot sugit gato yé som sukdaret su ne anare, men sino jam do, suk gato yé som daret mo bur ré iwedewe ne, suk ne bi suktinggi yo mo nde. Men sino jam o do, Yefun Allah yo mwa nde re, wo Yefun Allah ne dik sor.

5Kapre yé ki do yefun ne mwa si yé bi sukjimnut do, men yetu bi yesu ne mwa, deyo mo gu nim, deyo mo bur ré,

6sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

7Sukdu sane yé mwa jam nde re. Kadit nyim tuya yé deyo som sukdaret bu, yé nut do, suk gato yé som ne bi suktinggi mó. Sane su ré, yé ne nut do, án git sugit gato yé som sukdaret su ne it yo, tepsu án som suk ne mó tó, Yé ne bi sukjimnut mo mit yo nggi nde, sane án nut do án git sugit ne yo, án ben sukibit anane, ondewo,

8men do git sugit ne yo, suk ne yo tepsu sukye yawa mit wa men si Yefun Allah nde. Kapre men git o, men yo git nde o, sugit ne yo ben men karowa Yefun Allah nde, sugit ne yo ben men kem ko kadit Yefun Allah dom nde.

9Sane men mewa men nggwa, kadit men git sugit gato yé som sukdaret su ne, sawe bere ben ye gato bi sukjimnut mo mit yo nggi nde, ges mo os ibit, we án waii git sugit ne, orete ri ma án nut do suk gato án ben ne ibit, ete ben án bi sukjimnut mo án mit waiyu ndo nde.

10We sare, men yé gato jam rer subot sukdaret gato nyim ne jom yé ne do, suk ne yo bi suktinggi yo mo nde, ete men mu git sugit ne karowa suk ne, sane ye gato bi sukjimnut mo mit yo nggi nde ma me men mone yo, bere sa u ne? Sane bere án bi sukjimnut mwa, ete án waii git sugit ne, ete án som suk ne satu o re.

11Kadit suk gato men jam ete men benbot ne, anato tepsu men ben kidar men bi nji gato Kristus kwop wa ne ges mo os ibit, ete kom mo rut sa, ye ne ges mo bot gesyos.

12Men do ben sukibit sane nai men bi nji si men bi nyanggon dogato bi sukjimnut mo mit yo nggi nde yo, tepsu men ben siri kadit Kristus mit it anane.

13Ji do git sugit gato kak os wa ben ji bi nji brek satu mu mo os ibit it yo, sane bere ji yo git suge ku gane o nde, sawe ji ben kidar ji bi nji ne ges mo os ibit or re.



 <<  1 Korintus 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel