1Yefun Allah Gen ki rer nai men do, kam sari ne ma, yé bok yo brek kadit Yefun bi os-i, bere yé ne bariwa Yefun Allah bi sukduno-i or re. Bere yé bok ne brek ma jammo sukduno sukkidar kadit biris bi rus-i sato yerom e, aboksye e, semda e ne.
2Yeguru gane gwat sukduno ne ma, yeguru ne kidar suk nggi, án bi sukjimnut gato ndo yo mo án mit yo mo nde.
3Yeguru ne duno nje do, yé fowa kra yu. Yeguru ne duno nje do, yé fowa git sugit wis bok yo. Yeguru ne ki do, men yetu fowa git sugit ne, sarewo Yefun Allah ut sugit mwa ne ndo sino wa men git. Men yé gato onyar kem mo Kristus, ete jam Yefun Allah bi sukduno-i gato sangge, men ki ndo mo Yefun wa sugit ne sa, men git sor, men yo fowa sugit ne nde.
4Suk mwa gato Yefun Allah ut ne ndo sino, sane men yo fowa sugit wis dik yo dom nde. Men ki ndo mo An wa sugit gato An ut ne, sane sa, men git sor, men yo fowa nde.
5Men git sor, we Yefun Allah ki do, sugit ne ndo sino. Sane dom, men ki ndo mo An wa sugit ne anato ben sugit ne ndo wa men git sor, men yo fowa nde.
6Nan duno nan bi nji, nan bi nyanggon, ye gato onyar kem mo Kristus ne su sukduno mwa gane yo, bere nan tepsu ye gato ben Yesus Kristus bi suk-i sisu ndo. Nan ben Kristus bi suk-i sisu ndo, nan sibot Yefun Allah bi sukdu gato men onyar kem mone kadit nan pa wokgan sor kom mo nan sye it anare, nan benbot sukduno gato ndo ne.
7Nan ki subot yenggras kam nyim bi sukdu suski ne nde. Sukdu ne yo ós men nde. Nan kibot sukdu ne o nde, wo nan wergat nan dakai subere nan ki subot sukdu gato ós nan subere nan nggiwa ben Yefun bi suk-i sor.
8Men wergat men dakai subere men kaim budat nggi wai o yo, da ndo, sarewo men wergat men dakai subere men nggiwa men ben Yefun Allah bi suk-i anato ndo wai kadit ne o re. Men nggiwa ben Yefun Allah bi suk-i, sane bere kak os ndo wa men su kam gato men kem mo bur ré si kam sari ne ma sino.
9Sukdu ne sangge, men nai ma, men grem kem pe mo men mit sor.
10Sane men samok, men wergat men dakai, men ben Yefun bi suk-i ne, we men kwabom kam mo Yefun Allah gato gesyos ne do, bere An nai men wé kadit sukye, bere An kak os wa men kem ndo to kapyo mato kapyo. Yefun Allah kak os ne wa yetu mwa ne sino mo bur ré. Wo ye gato onyar kem mo An anato ye gato kem ndo si An mo An bi nat-i ne.
11Nan duno yé mwa su sukduno mwa ne sino gato ma kadit Yefun Allah. Nan syogat yé mwa ne benbot sukduno mwa ne sino sor.
12Ye ki mo nan do, nan pa wokgan kamekre sor re yo, nan jambot sukdu sane nde, wo nan wergat nan dakai wa nan kadum os gato ndo wa ye gato onyar kem mo Yefun ne sibot sor. Nan ki nan bi sukdu-i ne sisu ndo. Nan ben nan bi suk-i ne ndo. Nan bi sukjimnut sye kas subot ye yi neya. Nan onyar kem mo Yesus Kristus. Nan bare sukibit gato ben nan ibit ne wé kadit nan, nan onyar kwo sor. Nan ben suk mwa sane, subere nan kadum os ndo wa yé mwa gato nan duno ne.
13Nan baca Yefun Allah bi sukdu sye mo yé mwa gwem. Nan duno nje, nan wergat nje subere án iwa án benbot sukdu gato nan duno án su ne. Nan ben suk sane su nan mit dik sor kom mo kam gato ji ba ku nan.
14Suktinggi gato Yefun Allah Gen syo nai nan sugato yekwesu mo nu ari sum ete ak syim mo nan ne, ete yenabi ki sukdu kadit Yefun Allah mone, nan ben suk su suktinggi ne, nan misyar nde.
15Nan benbot suk mwa gato ji krom ré sisu nan mit dik si nan onyar dik, subere yé mwa ne me do, nan sa, ben suk mwa ne ndo wai kadit nyim ne o re.
16Nan mewa nan nggwa kadit nan ben sukibit, wo nan ben suk gato ndo petok sor. Nan mewa nan nggwa kadit sukduno gato siri, wo nan jom sukduno gato sangge krat sor. Nan werwa ben suk gato ndo, nan werwa jom sukduno gato sangge petok sor, we nan ben sane it yo, bere nan kak os wa Yefun Allah nai nan si yé gato jammo nan bi sukdu-i ne sino wé kadit bot gesyos, ete nin sino kem ndo to kapyo mato kapyo.
<< 1 Timotius 4 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel