Alkitab Mobile SABDA
[VER] : [ABUN]     [PL]  [PB] 
 <<  2 Tesalonika 3 >> 

1Men bi nji, men bi nyanggon, men bi sukdu gato wari mo surat ré wa nin anare, nin ki suk su Yefun Allah wa men subere men ku os wa men mu ki sukdu subot men bi Yekwesu Yefun Yesus ne nai yé mwa mo peyo-peyo. Nin ki suk su Yefun subere sukdu frekbot yé mwa ne kekro. Nin ki suk su Yefun subere yé mwa ne mit iwa sukdu ne, tepsu tomgatu nin iwa sukdu ne.

2Nin ki suk su Yefun wa men subere Yefun Allah mewa men kadit ye gato ben sukot si ye gato ben sukibit nai men dom, we yé mwa ne sino onyar yo kem mo Yefun bi sukdu-i nde.

3Yetu ben sukibit, sarewo Yefun Allah sa, An benbot suk gato An tom ne. Bere An ben nin nggi. Bere An mewa nin kadit biris bi yekwesu re.

4Men kwabom kam mo Yefun Yesus do, sukduno gato men duno nin su ne, nin benbot su ré, ete bere nin benbot su kam sari ne ma petok sor.

5Yefun ete kak nin bi sukjimnut ne ko wai o subere nin jam sukdu sato ré do, Yefun Allah bi sukjimnut sye kas subot nin petok sor. Sane dom, Yesus Kristus ben nin nggi subere kapre nin ku sukye, nin yo misyar Yefun nde, wo nin nggiwa ben An bi suk-i petok sor.

6Men bi nji, men bi nyanggon, men bi Yekwesu Yesus Kristus ki sukdu nai men, sane men waii syaugat nin do, ye gato onyar kem mo Yefun do bambrai wa ben suk it yo, nin mu karowa ye ne nde. Ye gato onyar kem mo Yefun do bariwa benbot men bi sukduno-i it yo, nin mu karowa ye ne dom nde.

7Nin dakai jam do, nin ben suk nin konembot suk gato men ben ne ete ndo. Men si nin kem mone sa, men yo bambrai wa men ben suk nde.

8Men yo git ye yi bi sugit-i yi nde, wo men bi sugum wa sugit ne re. Sane men wergat men nggwa men samok noru nombrak wa men ben suk wa men ku suk gato men mitmo ne, subere men yo syimfar nin nde.

9Men da bi os wa men ndek suk mo nin, Sarewo men yo ndek suk kadit nin nde, wo men dakai ben suk subere men ku suk gato men yewa ne, subere men kadum os gato ndo wa nin waii benbot.

10Sane tomgato men si nin kem mone tó, men duno nin su sukduno kwa dik yo subot ye gato bambrai wa ben suk sato, ben nggwe e, nggo nu e ne sare do, "Ye to dakai bambrai wa ben suk it yo, men syo sugit nai an git nde."

11Men jam sukdu do, nin deyo bambrai wa ben suk mone. Kapre sukwokgan án yo ben dom nde, wo án iwa mu ki sukdaret bot nu sor re.

12Men bi Yekwesu Yesus Kristus ki sukdu nai men, sane yo men waii syaugat ye gato bambrai ne do, án dakai mu ki sukdaret bot nu o nde, wo án kem not, án ben suk án samok et, subere án ku suk gato án yewa ne.

13Men bi nji, men bi nyanggon, nin ben sukndo sor, nin bambrai wa nde.

14Nin mewa nin nggwa kadit nje gato bariwa jammo men bi sukduno mo surat ré, nin mu karowa án dom nde, subere án damen.

15Sarewo nin nut mo án do, án tepsu yeko wa nin nde, wo nin nut mo án tepsu nin bi nji ete nin ki suknapa wa án et.

16Men bi Yekwesu gato ós men kem ndo su yu, An dakai ete ben nin kem ndo su yu mo suk mwa ne sino petok sor. Yefun ete sisu nin sino sor.

17Ji, gato gum do Paulus, ji ki ndo mo nin sor. Ji dakai krom sukdu wari ré su ji syim. Ji anato krom sukdu su ji syim sato ré, subere nin jam rer do, ji anato bi sukdu-i mo surat ré sino.

18Men bi Yekwesu Yesus Kristus ete mewa nin sino sor. Ndo mo nin sor, kadit Paulus



 <<  2 Tesalonika 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel