1Pano di jumaa' di hao di Bohto Mahoa' Tesalonika ang mendahi petauanna Ambeta Puang Alataala anna Puang Yesus Kristus. Hao mai di kodi', Paulus, sibahaang ta Silas anna ta Timotius. Ke la malai ullambi'koa' behe anna kamasahkeang yaho mai di Puang Alataala.
2Si kipa'sambayang loloingkoa' anna ma'kuhhu'sumanga'ang dai' di olona Ambeta Puang Alataala ke kikalehai bung umba noa pembabemua' aka' kapampetahpa'ammua' dai' di Puang Yesus. Kikalehai toi pa'kalemummua' pano di tau senga' lambi' mengkähäng kahha'koa' undului, anna tontongkoa' hannu si'da-si'da dai' di Puang Yesus Kristus Dehatantaa'.
3(1:2)
4O solasohongki' ang nakalemui Puang Alataala, kiinsang kioatee napilleikoa' la mendahi petauanna.
5Aka' indee Kaheba Mapia ang kipalambi'ingkoa' tadia tula' kale, ampo' kitula' sibaha kakuasaanna Inaha Masero anna kiinsang si'da-si'da kioatee mepahannu aka' manahsa tahpa' liu. Anna ungnginsangnga' umba kipanoa tuho kiduluikoa' naonge yalingkang di alla'-alla'mua'.
6Anna umbelaa' umpensinnoaiang anna umpensinnoai Puang Yesus. Moinnakato anna ullambi'koa' kamadahhaang, ampo' tontong lolokoa' untahimbo manahpa Kaheba Mapia anna napunnoikoa' kakahsiang ang nabeakoa' Inaha Masero.
7Lambi' napohapangangkoa' ingkänna to mampetahpa' yaling di ingkänna Poropensi Akhaya anna Makedonia.
8Kiinsang indee aka' kaheba didiona Dehatanta Puang Yesus mengkalao yaling di alla'-alla'mua' samba pano di bohto senga', dai yaling supu di ingkänna Makedonia anna Akhaya, ampo' samba toe' pano di ongeang senga' kaheba didiona kapampetahpa'ammua' dai' di Puang Alataala lambi' dang mangki' kitula'ing didiona kaha-kaha yatoo.
9Aka' dia tubunne' sika mantula' umba umpanoa untahimboang anna umba noa umpengkebo'ikoa' dehata lino anna menombakoa' dai' di Puang Alataala To tahpa' ang tuho sapano-panona,
10anna ungngempeii kasuleanna sumule Änä'na yaho mai di suruka, dianto Puang Yesus ang puha napatuho sumule di hoi' mai di alla'na to mate. Dia supu mala ullahpa'ingkea' di hao mai di kakeaha'ang käyyänna Puang Alataala ang la melambi' ke dako'i.
<< 1 Tesalonika 1 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel