Alkitab Mobile SABDA
[VER] : [BABA]     [PL]  [PB] 
 <<  Roma 6 >> 

1Kalau bgitu, apa-kah kita boleh bilang? Baik-kah kita lagi tinggal dalam dosa spaya anugrah boleh jadi lbeh?

2Jangan skali-kali. Kita ini yang sudah mati k-pada dosa, bagimana pula boleh kita lagi hidop dalam dosa?

3Atau t'ada-kah kamu tahu yang kita smoa yang sudah di-baptiskan k-dalam Isa Almaseh, sudah di-baptiskan k-dalam kmatian-nya?

4Sbab itu kita sudah di-tanamkan sama-sama dia oleh baptisan k-dalam kmatian: spaya sama sperti Almaseh sudah di-bangkitkan deri antara orang mati oleh kmulia'an Bapa, bgitu juga kita ini pun boleh bawa diri dalam bharu punya hidop.

5Kerna jikalau kita sudah jadi berhubong sama dia dalam chontoh kmatian-nya, bgitu juga kita nanti jadi berhubong dalam chontoh kbangkitan-nya pula.

6Sdang ini satu perkara kita tahu, ia'itu diri kita yang lama itu sudah di-salibkan sama-sama dia, spaya badan dosa boleh di-binasakan, dan jangan kita lagi jadi hamba k-pada dosa;

7kerna orang yang sudah mati sudah di-bnarkan deri-pada dosa.

8Ttapi jikalau kita sudah mati sama-sama Almaseh, kita perchaya kita nanti hidop pula sama-sama dia;

9sbab kita tahu sdang Almaseh sudah di-bangkitkan deri antara orang mati, dia t'ada nanti mati lagi; kmatian t'ada lagi ada prentah atas dia.

10Kerna dalam hal dia sudah mati, dia sudah mati k-pada dosa satu kali saja: ttapi dalam hal dia ada hidop, dia hidop k-pada Allah.

11Bgitu juga kamu ini pun, hitongkan-lah kamu punya diri mati k-pada dosa, ttapi hidop k-pada Allah dalam Isa Almaseh.

12Sbab itu, jangan dosa jadi raja dalam kamu punya badan yang kna mati itu, sampaikan kamu turut hawa-nafsu-nya:

13dan jangan pula srahkan kamu punya anggota k-pada dosa mnjadi snjata kjahatan; ttapi srahkan kamu punya diri k-pada Allah, sperti orang-orang yang sudah hidop deri antara orang mati, dan kamu punya anggota pula mnjadi snjata kbnaran k-pada Allah.

14Kerna dosa t'ada nanti pegang prentah atas kamu: kerna kamu bukan-nya di bawah hukum-taurit, ttapi di bawah anugrah.

15Jadi apa macham? baik-kah kita buat dosa sbab kita bukan-nya di bawah hukum-taurit ttapi di bawah anugrah? Jangan skali-kali.

16Bukan-kah kamu tahu yang jikalau kamu srahkan kamu punya diri mnjadi hamba orang mau turut prentah-nya, kamu jadi hamba k-pada itu orang yang prentah-nya kamu turut; ia'itu baik hamba k-pada dosa yang bawa mati, atau hamba k-pada turut-prentah yang bawa kbnaran?

17Ttapi shukor-lah k-pada Allah, yang sunggoh pun dhulu kamu ini mnjadi hamba k-pada dosa, ttapi kamu sudah turut dngan sunggoh hati sama itu chontoh pngajaran yang k-pada-nya kamu sudah di-srahkan,

18dan sdang sudah terlpas deri-pada dosa, kamu mnjadi hamba k-pada kbnaran.

19Sahya ini ada berchakap sperti orang punya chakap, deri sbab kamu punya tabi'at manusia yang lmah: kerna sperti dhulu kamu sudah srahkan kamu punya anggota jadi hamba k-pada kotor dan k-pada derhaka, sampaikan bawa derhaka, bgitu juga skarang srahkan-lah kamu punya anggota jadi hamba k-pada kbnaran, sampaikan bawa kkudusan.

20Kerna waktu kamu jadi dosa punya hamba, kamu bebas-lah deri-hal kbnaran.

21Apa-kah buah-nya yang kamu sudah dapat itu waktu dalam itu perkara-perkara yang skarang kamu ada malu? kerna smoa perkara-perkara itu ksudahan-nya mati.

22Ttapi skarang sdang kamu sudah di-bebaskan deri-pada dosa dan sudah mnjadi hamba k-pada Allah, kamu dapat buah-buahan yang bawa kkudusan, dan ksudahan-nya hidop yang kkal.

23Kerna dosa punya gaji ia'itu kmatian: ttapi Allah punya kurnia ia'itu hidop yang kkal dalam Tuhan kita Isa Almaseh.



 <<  Roma 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel