Indik
1Ida Sang Hyang Widi Wasa maicayang ring Dane Musa miwah Dane Harun, pidabdab sane inucap ring sor puniki,
2pabuat bangsa Israele. Yening wenten semara sane medal saking pranan anake lanang punika kawastanin leteh,
3yadian sane kabanggayang ngetel, wiadin sane kantun kampet.
4Pasarean sane kategakin wiadin kapulesin antuk anake punika, taler kawastanin leteh.
5Sapasiraja ngusud anak sane ngwedalang semara punika, ngusud pasareanipune, wiadin negak ring genah sane pecak tegakin ipun, wiadin sane kecuhin ipun, anake punika patut ngumbah panganggennyane tur manjus. Ipun leteh ngantos surup surya.
6(15:5)
7(15:5)
8(15:5)
9Kedapa wiadin korsi sane kategakin antuk anake sane ngwedalang semara punika kawastanin leteh.
10Sapasiraja ngusud wiadin ngambil barang sane pecak kategakin antuk anake sane ngwedalang semara punika, wiadin kusud antuk ipun, sadurung ipun masehin limanipune, anake punika leteh ngantos surup surya. Anake punika patut ngumbah panganggennyane raris manjus tur ipun leteh ngantos surup surya.
11(15:10)
12Payuk tanahe sane kusud antuk anake punika patut kencak, miwah jembung kayu sane gisi ipun patut kumbah.
13Yening anake sane ngamedalang semara punika seger, ipun patut nyantosang malih pitung rahina suenipun. Sasampune punika ipun patut ngumbah panganggennyane tur manjus ring toya anakane, kenginan ipun raris bresih manut sopacaraning agama.
14Ring rahina sane kaping kutusipun, ipun patut ngaturang paksi dara wiadin paksi kukur apacek ring sang pandita ring gapuran Kemah Linggih Ida Sang Hyang Widi Wasa.
15Sang pandita patut ngaturang paksine punika asiki buat aturan panyupat dosa, miwah sane asiki buat aturan maborbor. Kadi asapunika carannya ngamargiang upacara pabresihan buat anake punika.
16Yening wenten anak lanang sane labuh semarannyane, ipun patut manjusang deweknyane tur ipun leteh ngantos surup surya.
17Barang-barang sane malakar wastra wiadin blulang sane keni semara punika patut kumbah. Barange punika taler leteh ngantos surup surya.
18Sasampun wusan matemu semara, anake lanang miwah anake istri patut masiram. Ipun sareng kalih leteh rauh surup surya.
19Anak istri sane sebel di awak, ipun leteh pitung rahina suenipun. Sapasiraja ngusud anake istri punika ipun leteh ngantos surup surya.
20Saananing sane kategakin wiadin kapulesin rikala ipun sebel di awak, barang-barange punika kawastanin leteh.
21Sapasiraja ngusud genah pecak pesarean wiadin tegakan anake luh sane sebel di awak punika, anake punika patut ngumbah panganggennyane ngraris manjus, tur ipun leteh ngantos surup surya.
22(15:21)
23(15:21)
24Yening wenten anak muani sane matemu semara ngajak anak luh sane sebel di awak punika, anake muani punika taler leteh pitung rahina suenipun, samaliha pasarean sane pedemin ipun taler dados leteh.
25Yening wenten anak luh sane ngwedalang rah makudang-kudang rahina suenipun, sajawining ipun sebel di awak, wiadin ipun ngwedalang rah lintangan ring masanipune sebel di awak, anake luh punika leteh sakantun ipun ngwedalang rah punika, pateh sakadi daweg ipune sebel di awak.
26Genah sane kapulesin wiadin kategakin sakantun ipun ngwedalang rah, punika kawastanin leteh.
27Sapasiraja ngusud genahe punika, ipun taler dados leteh. Anake punika patut ngumbah panganggenipune tumuli manjus tur ipun leteh ngantos surup surya.
28Sasampune ipun wusan ngwedalang rah, anake luh punika patut nyantosang pitung rahina suenipun. Wusan punika wau ipun kawastanin bresih.
29Ring rahina sane kaping kutusipun, anake luh punika patut ngaturang paksi dara wiadin paksi kukur apacek ring sang pandita ring gapuran Kemah Linggih Ida Sang Hyang Widi Wasa.
30Sang pandita patut ngaturang paksine asiki pabuat aturan panyupat dosa, miwah sane asiki buat aturan maborbor, kadi asapunika patutnya dane ngamargiang upacara pabresihan buat anake luh punika.
31Ida Sang Hyang Widi Wasa ngandikayang Dane Musa, mangda dane mapakeling bangsa Israele, ngeniang indik kawentenanipun sajeroning leteh wiadin tan leteh, mangda ipun sampunang ngantos ngletehin Kemah Linggih Ida Sang Hyang Widi Wasa sane wenten ring pantaran pakemahan bangsane punika. Yening ipun ngletehin Kemah Linggih Ida Sang Hyang Widi Wasa punika, ipun pacang kapademang.
32Kadi asapunika pidabdab-pidabdab ngeniang indik anak muani sane ngwedalang semara, wiadin sane nglabuhang semara,
33indik anak luh sane sebel di awak miwah indik anak muani sane matemu semara ngajak anak luh sane sebel di awak.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel