Indik
1Ida Sang Hyang Widi Wasa ngandikayang Dane Musa,
2mangda dane ngrauhang pidabdab-pidabdabe puniki ring bangsa Israele sapuniki: Baktaangja minyak saitun sane tulen tur sane pinih becika buat nagingin lampu-lampune sane wenten ring Kemah Sucine, mangda lampu-lampune punika mrasidayang tetep kanyitin.
3Nyabran sore Dane Harun patut ngenyitin lampu-lampune punika tur manggayang ngendih kantos makasemengan ring ayun Ida Sang Hyang Widi Wasa, ring jaban korden panyelenge, ring ajeng Peti Prajanjiane, sane wenten ring Genahe Sane Maha Suci. Pidabdabe punika patut kamargiang ngantos rauh salami-laminipun.
4Dane Harun patut nabdab miwah ngetangang lampu-lampune sane wenten ring tatakan lampune sane malakar mas murni punika, mangda lampu-lampune punika tetep kanyitin ring Kemah Linggih Ida Sang Hyang Widi Wasa nyabran wengi.
Indik
5Rarisang semeton ngambil tepung roras kilogram, tumuli dadosangja roti roras bungkul.
6Raris genahang rotine punika ring mejane sane malapis antuk mas murni, sane wenten ring Kemah Linggih Ida Sang Hyang Widi Wasa. Rotine punika patut jejerang semeton dados kalih jejer, nemnem sane ajejer.
7Sabilang jejer rotine punika patut kadagingin menyan murni. Menyane punika makadados silur roti, samaliha makacihna mungguing rotine punika katurang dados aturan rayunan ring Ida Sang Hyang Widi Wasa.
8Nyabran rahina Sabat, kantos benjang pungkur patut tansah wenten roti sane kagenahang ring Kemah Linggih Ida Sang Hyang Widi Wasa. Indike punika dados tetegenan bangsa Israele kantos salami-laminipun.
9Rotine punika dados pikolih Dane Harun miwah katurunannyane. Dane patut ngajengang rotine punika ring genahe sane suci, santukan rotine punika dados pahan sane kalintang suci, saking rayunan sane katurang ring Ida Sang Hyang Widi Wasa, sane dados pikolih panditane.
Indik
10Ring pakemahan bangsa Israele, wenten anak muani adiri, sane bapan ipune wong Mesir miwah memenipune wong Israel. Memennyane punika mawasta Selomit, pianak Dibri saking suku Dan. Sedek rahina anu anake punika muyutan ngajak anak Israel. Daweg ipun muyutan punika, ipun mamisuh Ida Sang Hyang Widi Wasa. Duaning punika, ipun raris kejuk tumuli katurang ring ajeng Dane Musa.
11(24:10)
12Irika ipun katahan, buat nyantosang pangandikan Ida Sang Hyang Widi Wasa ngeniang indik sane patut katibakang marep ring anake punika.
13Ida Sang Hyang Widi Wasa tumuli masabda ring Dane Musa, kadi asapuniki:
14“Ajakja anake ento pesu, ka jabaan pakemahane. Sawatek anake ane suba ningeh ia mamisuh, patut ngungkulang limanne di tendas anake ento, makadadi saksi mungguing anake ento saja pelih. Sasubane keto, pasamuane makejang patut ngencurin anake ento aji batu kanti mati.
15Suud keto laut uar-uarang teken bangsa Israele, mungguing nyenja ane mamisuh Ida Sang Hyang Widi Wasa, ia patut ngemasin parisolahnyane,
16tur kukum mati. Nyenja, yadian ia anak Israel wiadin wong sunantara ane nongos di Israel, yen ia nemah Ida Sang Hyang Widi Wasa, ia patut kencurin aji batu kanti mati baan pasamuane makejang.
17Nyenja ngamatiang anak, ia patut kukum mati.
18Nyenja ngamatiang ubuhan anak lenan, ia patut masilihin. Ane dadi dasar, nah ento angkihan patut silurin baan angkihan.
19Yen ada anak mencanen anak lenan, kudiangaja anake ento, ia patut kawales patuh buka keto.
20Yen ia kanti ngelungang tulang, salah tunggal tulangnyane patut masih kaelung. Yen ia ngranayang anake ento buta matanne aneh, matan iane patut masih kabutaang aneh. Yen ia nglempag anak lenan kanti kecag giginne, ia patut kalempag apang kanti kecag salah tunggal giginne. Cacad ane buka kenkenja gaene marep teken anak lenan, ia patut nampi pangwales ane patuh buka keto.
21Nyenja ane ngamatiang ubuhan, ia patut masilihan, nanging nyenja ngamatiang jlema, ia patut kukum mati.
22Pidabdabe ene patut kanggon di pantaran kitane ajak makejang, yadian ia bangsa Israel wiadin wong sunantara ane nongos di pantaran kitane, sawireh Ulun ene Sang Hyang Widi Wasa, Widin kitane.”
23Sasampune Dane Musa mabaos kadi asapunika ring bangsa Israele, pasamuane tumuli ngajak anake sane sampun nemah Ida Sang Hyang Widi Wasa punika medal saking pakemahan, tumuli kencurin antuk batu ngantos padem. Kadi asapunika bangsa Israele ngamargiang pituduh Ida Sang Hyang Widi Wasa sane sampun sabdayang Ida ring Dane Musa.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel