1Ri wettu apparéntanna Arung Yoyakim, Nébukadnézar arung Babél gasai sibawa caui Yéhuda. Telluttaung ittana Yoyakim tunru lao ri Nébukadnézar, iyakiya ri munri maronta’i.
2Nakiringngi PUWANGNGE garembolang-garembolang massenjataé polé ri bangsa Babél-é, Siriaé, Moab-é sibawa Amongngé untu’ méwai Yoyakim sibawa paccappui Yéhuda, situru sibawa aga iya puraé Napowada naolai sining nabié, ata-atan-Na.
3Mémeng gau’éro harusu’i kajajiyang, nasaba purai napowada PUWANGNGE makkedaé bangsa Yéhudaé ripalii matu polé ri wanuwa iya riwéréngngéngngi ri PUWANGNGE. Ripalii mennang nasaba sininna dosa iya napogau’é Arung Manasyé;
4utamana nasaba sininna abbunowang iya napogau’é lao risining tau iya dé’é napasala. Dé’ namaélo PUWANGNGE maddampengengngi Manasyé nasaba sining pangkaukennaro.
5Sininna daéraé, polé ri Salo Efrat lettu ri pakkasésénna Maséré ri tibang manorang iya muttama’é daéra paréntana arung Maséré, nakuwasaiwi arung Babél. Rimakkuwannanaro dé’na naengka namassu arung Maséré polé ri wanuwanna untu’ lao mammusu. Curita laingngé passalenna Arung Yoyakim riyokii ri laleng kitta Sejarana Arung-ngarunna Yéhuda. Maténana Yoyakim, ana’ worowanéna iya riyasengngé Yoyakhin mancaji arung sulléiwi.
6(24:5)
7(24:5)
8Umuru’na Yoyakhin wettunna mancaji arunna Yéhuda 18 taung, namapparéntai ri Yérusalém tellumpuleng ittana. Indo’na riyasengngi Néhusta ana’na Elnatan, polé ri Yérusalém.
9Pada-pada ambo’na, madosa towi Yoyakhin lao ri PUWANGNGE.
10Ri laleng wettu apparéntanna Yoyakhin, pasukang Babél iya napimpingngé parawira-parawirana Nébukadnézar, malluru gasai Yérusalém, sibawa keppungngi kotaéro.
11Wettunna rikeppung kotaéro, aléna Nébukadnézar lao ri Yérusalém,
12nainappa Arung Yoyakhin silaong indo’na, ana’-ana’na, parawira-parawirana enrengngé sining pegawé saorajaé manyarani lao ri Nébukadnézar. Nainappa ritawanni Yoyakhin. Kajajiyangngi gau’éro ri taung maaruwaé apparéntanna Nébukadnézar.
13Sininna pakkakkasa ulaweng iya naébbué Salomo untu’ Bolana PUWANGNGE, nasolangini Nébukadnézar. Nainappa sininna barang mangke’é iya engkaé ri Bolaéro sibawa saorajaé natiwii ri Babél. Iya manennaro kajajiyangngi situru sibawa aga iya puraé napowada PUWANGNGE ri yolona.
14Arung Yoyakhin, indo’na, sining bainéna, pegawé-pegawénna, sibawa pamimping-pamimpinna Yéhuda — iya manenna 7.000 tomariyolo — ritawang sibawa ritiwi ri Babél. Makkuwatoro sining pajjama-jama maccaé sibawa panré bessié singngéga 1.000 tau, iya manenna tau mawatang sibawa barani untu’ mammusu. Sining tau wija-wijanna arungngé, sibawa muwi sining tomariyoloé ritiwito ri appalirengngé — iya manenna engka 10.000 tau. Nawéki sininna pabbanuwana Yérusalém ritiwi; iya monroé banna ra’ya’ iya kaminang kasiyasié.
15(24:14)
16(24:14)
17Nainappa Nébukadnézar nakka Matanya, amuréna Yoyakhin, mancaji arunna Yéhuda, sibawa sulléiwi asenna mancaji Zédékia.
18Umuru’na Zédékia wettunna mancaji arunna Yéhuda 21 taung. Mapparéntai ri Yérusalém 11 taung ittana. Indo’na riyasengngi Hamutal, ana’ Yérémia polé ri kota Libna.
19Pada-pada Arung Yoyakhin, madosa towi Arung Zédékia lao ri PUWANGNGE.
20Macai senna’i PUWANGNGE lao ri pabbanuwana Yérusalém sibawa tau Yéhudaé angkanna dé’na Najampangiwi mennang.
<< 2 Raja-raja 24 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel