1Nasalainnana bangsa Israélié Maséré, ri laleng barisi siturué suku bangsana tungke-tungke ri yawa pappimpinna Musa sibawa Harun, léppangngi mennang ri siyagangngaré onrong.
2PUWANGNGE paréntangngi Musa untu’ mokii asenna tungke onrong iya naléppangiyé mennang.
3Nasalaiwi bangsa Israélié Maséré tanggala seppulona lima uleng séddi, siesso purana Paska mammulangngé. Ri yawa pallinrungenna PUWANGNGE nasalaiwi mennang kota Rameses, risabbing ri bangsa Maséré’é,
4iya mattengngangngé kuburu’i ana’-ana’ macowana mennang iya puraé nauno PUWANGNGE. Nasibawang pangkaukengngéro, napabuttiwi PUWANGNGE makkedaé lebbi watangngi naiya déwata-déwata Maséré’é.
5Nasalainnana bangsa Israélié Rameses, makkémani mennang ri Sukot.
6Nainappa mennang joppasi sibawa makkéma ri Etam, ri wirinna padang kessi’é.
7Polé kuwaro lisuni mennang ri Pi-Hahirot, ri seddé alauna Baal-Zéfon, nainappa makkéma ri seddéna Migdol.
8Nainappa mennang nasalai Pi-Hahirot, malléttoiwi tasi’é sibawa muttama ri padang kessi Etam; labe’nana tellungngesso mallaleng, makkémani mennang ri Mara.
9Polé kuwaro matteruni mennang sibawa makkéma ri Elim; kuwaro engka seppulo duwa mata uwai sibawa pituppulo pong karoma.
10Nainappa mennang nasalai Elim sibawa makkéma ri seddéna Séppang Suéz.
11Nainappa mennang makkéma ri padang kessi Sin, nainappa ri seddéna Dofka, purairo ri Alus, nainappa ri Rafidim, iyakiya kuwaro dé’gaga uwai rinung.
12(33:11)
13(33:11)
14(33:11)
15Polé ri Rafidim matteruni mennang ri Bulu Hor sibawa makkéma ri onrong-ngonrongngéwé: padang kessi Sinai, Kibrot-Taawa, "Kuburu Abuwajang," Hazérot, Ritma, Rimon-Pérés, Libna, Risa, Kehélata, Bulu Syafér, Harada, Makhélot, Tahat, Tarah, Mitka, Hasmona, Mosérot, Bené-Yaakan, Hor-Gidgad, Yotbata, Abrona, Ezion-Géber, padang kessi Zin, sibawa Bulu Hor, ripakkasésénna tana Edom.
16(33:15)
17(33:15)
18(33:15)
19(33:15)
20(33:15)
21(33:15)
22(33:15)
23(33:15)
24(33:15)
25(33:15)
26(33:15)
27(33:15)
28(33:15)
29(33:15)
30(33:15)
31(33:15)
32(33:15)
33(33:15)
34(33:15)
35(33:15)
36(33:15)
37(33:15)
38Nasaba paréntana PUWANGNGE, ménré’ni Imang Harun ri Bulu Hor. Kuwaniro maté ri tanggala séddinna uleng lima ri laleng taung mapatappuloé nasalainna umma Israélié Maséré. Wettunna maté, umuru’na Harun 123 taung.
39(33:38)
40Iyaro wettué arunna wanuwa Arad, ri Tana Négéb, Kanaan Yattang, lolongenni karéba makkedaé umma Israélié mattengnganni mattuju ri wanuwanna.
41Ri laleng allalengengngé polé ri Bulu Hor lao ri tanéténa Moab, makkémai tau Israélié ri onrong-ngonrongngéwé: Zalmona, Funon, Obot, ruttungenna Abarim ri daéra Moab, Dibon-Gad, Almon-Diblataim, Bulu Abarim seddéna Bulu Nébo, sibawa ri tanéténa Moab ri wirinna Salo Yordan, seddéna kota Yérikho, ri pallawangenna Bét-Yésimot sibawa Lompo Sitim.
42(33:41)
43(33:41)
44(33:41)
45(33:41)
46(33:41)
47(33:41)
48(33:41)
49(33:41)
50Ri tanéténa Moabro, ri wirinna Salo Yordan, seddéna kota Yérikho, PUWANGNGE mpéréngngi Musa
51iyaé parénta-paréntaé untu’ bangsa Israélié, "Rékko muwalléttoiwi Salo Yordan untu’ muttama ri wanuwa Kanaan,
52harusu’ko paddésu’i sininna pabbanuwana wanuwaéro. Paccappu manengngi barahalana mennang iya polé ri batué sibawa bessié enrengngé onrong-ngonrong assompanna mennang.
53Iyaro tanaé harusu’i musittai sibawa mutudangi, nasaba Uwabbéréyanni lao ri iko.
54Nainappa harusu’ko bagéngengngi mancaji appunnangeng manana sining appammu sibawa loteréiwi. Lao ri appang iya battowaé harusu’i muwéréng bagiyang iya battowaé, sibawa appang iya baiccu’é, bagiyang iya baiccu’é.
55Iyakiya rékko pabbanuwana iyaro wanuwaé dé’ mupaddésu’i, sining tau iya monroé kuwaro nasussaiko matu pada-pada kessi’é ri matammu iyaré’ga dorié ri ajému. Mennang ritu matti musuriko.
56Rékko dé’ mupaddésu’i mennang, maéloka paccappuko pada-pada iya Urancanaé lao ri mennang."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel