1Umuru’na Zédékia wettunna mancaji arunna Yéhuda duwappulo séddi taung. Mapparéntai ri Yérusalém seppulo séddi taung ittana. Indo’na riyasengngi Hamutal, ana’ Yérémia polé ri kota Libna.
2Pada-pada Arung Yoyakim, Arung Zédékia madosa towi lao ri PUWANGNGE.
3Macai senna’i PUWANGNGE lao ri pabbanuwana Yérusalém sibawa tau Yéhudaé angkanna Napaddésu’i mennang sibawa dé’na nalinrungiwi mennang. Maronta’i Zédékia lao ri Nébukadnézar arung Babél,
4rimakkuwannanaro Nébukadnézar sibawa sininna tentarana polé sibawa gasai Yérusalém ri tanggala seppulona uleng seppulo ri laleng taung maaséraé apparéntanna Zédékia. Patettonni mennang markas ri saliweng kota, patettong témbo’ akkeppungeng
5sibawa matteru keppungngi iyaro kotaé lettu ri taung maseppuloé séddi apparéntanna Zédékia.
6Ri tanggala asérana uleng eppa iyatoro taungngé, wettunna abala akkadérengngé makkuwamani serona angkanna dé’ sisenna nappunnai ra’ya’é anré,
7nalepponi balié témbo’na kotaé. Iyaro wennié, namuni mattengngangngi tau Babél-é keppungngi kotaéro, sininna tentarana Yéhuda larini mattuju ri Lompo Yordan. Laloi mennang ri laleng tammeng saorajaé, nainappa massu lalo ri pintu gerbang iya pasisumpungngéngngi iya duwa témbo’é ri onrongngéro.
8Iyakiya rilellungngi Arung Zédékia ri tentara Babél-é, sibawa tikkengngi ri tanéténa Yérikho. Lari manenni ana’ buwana salaiwi.
9Naritiwina Arung Zédékia lao ri Arung Nébukadnézar ri kota Ribla ri daéra Hamat, nainappa ripateppai pahukkungeng maté.
10Ri kotaéttonaro riyuno ana’-ana’na ri yolona matanna, sibawa sininna pajaba pamaréntana Yéhuda riyuno toni.
11Purairo ricukkéni matanna Zédékia, nainappa ribalenggu naritiwi lao ri Babél. Kuwaniro riputtama ri tarungkué, na dé’ naengka nassu polé kuwaro narapi wettunna maté.
12Ri tanggala seppulona uleng lima ri laleng taung maseppuloé aséra apparéntanna Nébukadnézar arung Babél, laoni ri Yérusalém séddi tau riyasengngé Nébuzaradan. Aléna iyanaritu pappangajana sibawa kapala pengawal paribadinna Nébukadnézar.
13Natununi Nébuzaradan Bolana PUWANGNGE, saorajana arungngé, sibawa bolana sininna tau mariyoloé ri Yérusalém.
14Nainappa sininna ana’ buwana ruttungngi témbo’-témbo’na kotaéro.
15Nainappa ra’ya’ iya engkaé mupa ri kotaé, iyanaritu sining pajjama-jama ahli iya nasésaé, sining tau kasiyasié, sibawa sining tau iya lariyé lao ri tau Babél-é, iya manenna ritiwini lao ri Babél ri Nébuzaradan.
16Iyakiya sibagiyang polé ri ra’ya’ iya kaminang kasiyasié sibawa dé’é nappunnai waramparang, nasalaiwi ri Yéhuda, sibawa nasuroi jamai palla anggoro’é sibawa sining dare’é.
17Alliri-alliri gessaé sibawa karéta-karétaé ri Bolana PUWANGNGE silaong kullang gessaé nareppa’ni tau Babél-é, nainappa natiwi sininna gessana lao ri wanuwanna mennang.
18Natiwi towi mennang barab-barangngéwé: passanru-sanru’é, onrong awunna mézbaé, pakkakkasa’na pajjennangengngé, mangko-mangko untu’ pattarimai dara olokolo iya rigéréé untu’ akkarobangeng, mangko-mangko untu’ mattunu dupa, sibawa sininna barang gessa laingngé iya ripaké untu’ upacara assompang.
19Barab-barang ulawengngé sibawa péra’é, muttama’ni mangko-mangko baiccu’é sibawa onrong baraé, mangko-mangko untu’ onrong dara olokolo iya rigéréé untu’ akkarobangeng, onrong awu, ajé pajjennangeng, mangko-mangko untu’ dupa, sibawa mangko-mangko untu’ tiri’i pakkasuwiyang uwai anggoro’é, iya manenna aléna Nébuzaradan malai.
20Barab-barang gessa iya naébbué Arung Salomo untu’ Bolana PUWANGNGE, iyanaritu iya duwa allirié, karéta-karétaé, kullangngé sibawa iya seppulo duwa saping iya tula’éngngi iyaro kullangngé, iya manenna makkuwamani tane’na, angkanna tenritimbang.
21Iya duwa alliri gessaéro pada: tungke-tungke tanréna 8 météré, lébuna 5,3 météré, na tengnga-tengngana lobbang. Umpe’na gessana 75 milli. Ri coppo’na tungke alliriéro engka ulu alliri sittanré 2,2 météré. Ri mattulilinna ulu-ulu alliriéro engka anengeng sibawa bélo-bélo buwa dalima, iya manenna polé towi ri gessaé.
22(52:21)
23Buwa dalimaé ri anengengngé ri tungke ulu alliriéro engka sératu, iyakiya banna aséra pulona enneng iya paitaé polé ri yawa.
24Ri lainnaéro, natikkengngi Nébuzaradan Imang Lompo Séraya, Zéfanya wakkélé’na, tellu tau panganrowang sumpanna Bolana PUWANGNGE,
25iya pitu pappangaja paribadinna arungngé iya engkaé mupa ri kotaé, pallimana, wakkélé pallima iya murusu’éngngi administrasinna tentaraé, sibawa enneng pulona tomaraja laingngé.
26Sininna tauwéro natiwii lao ri Nébukadnézar ri kota Ribla,
27ri daérana Hamat. Kuwaniro mennang risissa nainappa riyuno. Makkuwaniro sining tau Yéhudaé ritiwi polé ri wanuwanna mennang naritiwi ri appalirengngé;
28iya manenna engka 4.600 tau. Ritiwii mennang ri Nébukadnézar ri laleng makkonro-konrong pada-pada mangoloéwé: 3.023 tau ri taung mapitué apparéntanna, 832 tau polé ri Yérusalém ri taung maseppulona aruwa apparéntanna, sibawa 745 tau natiwi Nébuzaradan ri taung maduwappuloé tellu apparéntanna Nébukadnézar.
29(52:28)
30(52:28)
31Ri tanggala duwappulona lima uleng seppulo duwa ri laleng taung matelluppulona pitu purana Yoyakhin ritiwi ri appalirengngé, Ewil-Mérodakh mancaji arunna Babél. Iyatoro taungngé nappaitangngi paressé babuwana lao ri Yoyakhin, nanapaleppe’i polé ri tarungkué,
32enrengngé gaukengngi sibawa makessing. Nawérénni Yoyakhin tudangeng iya lebbi matanré naiya arung-ngarung laing iya ripaliétto lao ri Babél.
33Ripalaloi sulléiwi pakéyang tarungkunna na untu’ matteru gangka tuwona weddingngi manré ri saorajaé, sibawa esso-esso riwéréng dowi untu’ apparellung atuwo-tuwonna.
34(52:33)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel