Paul Wod bout Marry Bidness
1Now den, A gwine deal wid dem ting oona done write bout een oona letta. Dis yah wa A say. Ef a man ain git marry, dat good.
2Bot cause dey so much da lib loose life all roun, ebry man oughta hab e own wife an ebry ooman oughta hab e own husban.
3De man wa marry oughta sattify e wife. Same fashion, de marry ooman oughta sattify e husban.
4De wife ain hab no right fa say no ta e husban. E husban kin hab de las wod wen e come ta dat. Same way so, de husban ain hab no right fa say no ta e wife. E wife kin hab de last wod wen e come ta dat.
5Mus dohn hole back yasef fom one noda, cep wen oona gree togeda fa do dat jes fa a wile so dat oona kin spen de time fa pray ta God. Soon as dat time oba, go back an be wid one noda de way husban an wife do. Dat way, oona ain gii Satan no room fa tempt oona cause oona ain able fa tek chaage ob oonasef.
6A ain say oona haffa do dis. A jes da tell oona how A tink e good fa do um.
7A wish all ob oona been jes like me. Bot ebrybody hab de own special gif fom God. One got dis kind, an noda got sompin diffunt.
8Now A say dis yah ta oona wa ain marry an ta de wida ooman dem. E good ef oona ain git marry, same like A ain marry.
9Bot ef oona ain able fa do dout somebody, oona oughta git marry. E betta fa git marry den fa bon.
10Now A say dis yah ta oona wa marry. Dis ain jes me da taak. Dis a chaage fom de Lawd. A marry ooman mus dohn lef e husban.
11Bot ef e do lef um, e mus dohn git marry gin. Odawise, e oughta go back ta e husban. An de husban mus dohn worce e wife.
12Now A say dis ta de odares ob oona. Dis yah fom me, e ain fom de Lawd. Ef a man wa bleebe hab wife wa ain bleebe pon de Lawd, an de wife gree fa keep on da lib wid um, de man mus dohn worce e wife.
13Same way so, ef a ooman wa bleebe hab husban wa ain bleebe, an de husban gree fa keep on da lib wid um, de ooman mus dohn worce e husban.
14Cause de husban wa ain bleebe done come fa be one wid e wife, so God gwine tek de husban like one ob e own. An cause de wife wa ain bleebe done come fa be one wid e husban, God gwine tek de wife like one ob e own. Ef dat ain been so, dey chullun ain gwine be fit fa God. Bot de way e stan, dey fit fa God.
15Bot ef de husban o de wife wa ain bleebe wahn fa lef um, leh um lef um. Wen dat happen, de husban o wife wa bleebe, e free fa go e own way. God call we fa hab peace.
16Wife, how ya gwine know ya ain gwine sabe ya husban? Husban, how ya gwine know ya ain gwine sabe ya wife?
De Way Oona Oughta Waak wid God
17Ebrybody oughta lib e life de same way dat de Lawd mek fa um, like e been wen God call um. Dis de chaage A gii een all de choch dem.
18Ef a man done been circumcise wen God call um, e ain oughta tek way de maak dat show e circumcise. Ef a man ain been circumcise wen God call um, e ain oughta hab um circumcise um.
19Ef a man circumcise o ef e ain circumcise, dat ain mean nottin. Wen ya da do wa God say, dat wa count mo den all.
20Ebrybody oughta keep on de same way e been wen God call um.
21Ef ya been a slabe wen God call ya, mus dohn leh dat trouble ya. Bot ef ya git de chance fa be free, tek um.
22Cause whosoneba been a slabe wen de Lawd call um, e de Lawd free poson. Same way so, whosoneba been a free poson wen de Lawd call um, e Christ slabe.
23God done buy oona. E done pay fa oona wen Christ dead pon de cross. So now oona e slabe. Mus dohn leh nottin ob dis wol mek oona come fa be slabe ob oda people.
24Me Christian bredren, ebry one ob oona oughta waak wid God de same way ya been wen God call ya.
Wod fa Dem wa Ain Marry
25Now A say dis yah bout dem wa ain marry yet. God ain gii me no rule bout um, bot A da tell oona wa A jedge fa be right. An God wa show mussy ta me, gii me sense, so dat wen A da taak, people kin bleebe wa A tell um.
26Cause ob de trouble time now, A tink e mo betta fa ebrybody fa stay same like e been.
27Ef ya hab a wife, ya ain oughta try fa git rid ob um. Ef ya ain marry, oona ain oughta go da look fa a wife.
28Bot ef a man wa ain marry, git marry, dat ain no sin. An ef a ooman wa ain know no man, git marry, dat ain no sin. Bot dem wa marry gwine hab a whole heapa trouble een dis life. A ain wahn oona fa haffa suffa dem trouble.
29Me Christian bredren, A mean fa say dat dey ain much time lef. Fom now on, leh de man dem wa hab wife lib same like dem wa ain hab no wife.
30Leh dem wa da weep an wail, lib like dey ain sad. Leh dem wa da rejaice lib like dey ain rejaice. An leh dem wa da buy ting lib like dey ain hab dem ting.
31Dem wa hab bidness wid ting een dis wol ain oughta spen all dey time pon um. Cause dis wol like we shim, e da pass way.
32A ain wahn oona fa hab no warry. A man wa ain marry, e consaan wid de Lawd wok, how e kin please de Lawd.
33Bot a marry man consaan esef wid ting ob dis wol, how e kin please e wife.
34So e hab two ting dat consaan um all de time. A widda ooman o a ooman wa ain neba know no man, dey consaan wid de Lawd wok, cause dey wahn fa mek all wa dey do an all wa dey tink be fa God. Bot a marry ooman consaan wid ting ob dis wol, how e kin please e husban.
35A da tell oona dis fa hep oona. A ain da try fa stop oona fom de ting oona wahn fa do. A wahn oona fa lib een de right way an dohn leh nottin stop oona da wok fa de Lawd wid all oona haat.
36Now A say dis yah bout de man wa gage fa marry a ooman bot e ain know wa fa do. Ef de man tink e ain da do wa right fa e ooman, ef e ain haadly able fa tek chaage ob esef, den dey oughta git marry, like e wahn fa do. Dat ain no sin.
37Bot ef e ain haffa, ef e able fa tek chaage ob esef an e done mek op e mind dat e ain gwine git marry ta de ooman, den dis man da do de right ting too.
38So den, de man wa git marry ta e ooman, e da do right. Bot de man wa ain git marry, e gwine do mo betta.
39A marry ooman ain free fom e husban long as e still da lib. Bot ef e husban done dead, de ooman free fa git marry ta wasoneba man e wahn, long as dat man blongst ta de Lawd.
40Bot A tink dat ooman gwine be mo heppy ef e stay same like e be now, mo den ef e git marry gin. An A bleebe dat God Sperit da hep me wen A say dis.
<< 1 Korintus 7 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel