1We know dat ef dis tent we lib een, we body yah een dis wol, git stroy, God got a place fa we fa lib een heaben. Dat a house wa God mek an e gwine las faeba.
2Fa true, wiles we da lib yah, we sad wid groanin, cause we wahn fa weah we we nyew cloes. We wahn fa be eenside we house een heaben.
3Cause wen we dey eenside we house een heaben, we ain neba gwine be dout nottin fa kiba we op.
4Wiles we still lib yah eenside dis tent, wa da we body, we groan wid we hebby burden we da tote. Dat ain fa say dat we wahn fa come outta we body dat we got een dis wol. Bot we wahn God fa pit we house fom heaben pon we, so dat life wa gwine las faeba gwine swalla op we body yah wa da dead.
5God de one wa done ready we fa dis nyew house, an e gii we e Holy Sperit fa mek we know fa true dat e got dat yah fa we.
6So den, cause we know dem ting yah, we ain neba gii op. We know dat all de time dat dis we body yah da we house, we ain gwine go yet fa lib een de house dat God da keep fa we.
7Dat so e stan, cause we lib by wa we bleebe. We ain lib jes by wa we da see wid we eye.
8A da tell oona, we ain neba gii op. An fa sho, we wahn fa go way fom dis body wa da we house yah, an go lib wid de Lawd.
9Bot weda we da lib een we body yah o way op een heaben, de ting we wahn mo den all da fa do dem ting wa gwine mek we Lawd sattify wid we.
10Cause we all gwine haffa stan op fo Christ jedgiment seat. E gwine jedge we, an ebrybody gwine git e payback fa wa e wok fa wen e been dey een dis life. Ef e done good e gwine git good payback. An ef e bad, e gwine git bad.
Shru Christ, God Mek All Ting Right Tween We an Um
11So den, we know wa e mean fa be scaid ob de Lawd, so we da try fa taak ta people fa win um oba ta de Lawd. God know we shru an shru, an A hope dat oona ondastan we een oona haat too.
12We ain da try fa tell oona gin dat we good. We da try fa gii oona good reason fa be heppy cause ob we. Den oona gwine be able fa ansa dem wa da brag bout wa people da do so dat oda people kin shim, steada bout wa dey eenside people haat.
13Ef e look like we ain got no sense, den dat fa sake ob God, ainty? Ef oona bleebe we got sense, dat fa sake ob oona.
14De lob ob Christ fa we da rule oba we, cause we know fa sho, dat one man done dead fa all people. An dat mean dat all people done dead wid um.
15E done dead fa all, so dat dem wa got life mus dohn lib no mo fa deysef. Dey oughta jes lib fa de one wa done dead an wa God mek lib gin fa dey sake.
16So we ain oughta jedge nobody no mo same like people da jedge um. Eben dough fo we beena jedge Christ like people da jedge oda people, we ain do dat no mo.
17Wen somebody come fa be one wid Christ, e a nyew poson. De ole way ob life wa e beena lib fo done done. E da lib a nyew way ob life now.
18God do all dis. Shru Jedus Christ, God mek all ting right tween we an um. An e gii we de wok fa go tell oda people how dey kin come ta um an leh God mek all ting right tween God an dem.
19Dat mean fa say dat God mek all ting right tween esef an people cause ob wa Christ done. God ain memba people sin ginst um no mo fa punish um. An e tell we fa go tell people how e mek all ting right tween God an dem.
20So den, Christ sen we fa tell oona dis. Wen we taak ta oona, e like God esef da taak. Fa sake ob Christ, we da beg oona. Come ta God an leh um mek all ting right tween esef an oona.
21Christ ain neba do no sin, bot fa we sake, God pit we sin dem pon Christ, so dat wen we one een um, all ting come fa be right tween God an we.
<< 2 Korintus 5 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel