Ertoto ngarapken Dibata
1Masmur Daud.
2Ku Kam aku cicio o TUHAN ula pelepas aku kemalun. Kam kap Dibata si bujur, mindo aku, maka IkeliniNdu aku.
3Begiken min pertotonku pedas min Kam reh mulahi aku. Jadi min Kam deleng batu inganku cicio, kubungku si nteguh inganku terkawal.
4Kam kap ingan cebuni dingen bentengku, tegu-tegu dingen babai aku erkiteken GelarNdu.
5Tegu-tegu aku maka ula aku kena siding itogeng kalak man bangku. Ampang-ampangi aku maka ula aku kena cilaka.
6Kuendesken geluhku bas TanNdu, o TUHAN kam kap si ngkelini aku. Kam kap Dibata si Setia.
7Nembeh AteNdu kalak si nembah man dibata-dibata si palsu, tapi aku ernalem man BaNdu.
8Ersurak dingen meriah kuakap, sabap Kam tetap ngkelengi aku. IdahNdu kiniseranku, IetehNdu kesuhsahenku.
9La IpediatNdu aku itangkap musuh-musuhku, tapi iberendu aku lawes ku ja ateku.
10Mekuah min AteNdu aku o TUHAN, sabap aku i bas kiniseran. Besar matangku ndekahsa tangis, lanai lit sitik pe gegehku.
11Wari-wari geluhku kudalani i bas kepiceten, tangisku pegendek umur geluhku. Kote aku perban kiniseran-kiniseranku, seh maka nggo mumuk pe tulan-tulanku.
12Pergeluhku jadi pertawa-tawan man imbang-imbangku, teman-teman sada kesain megombang man bangku. Kerina kalak si nandai aku sengget ngidah aku, tupung kami simbel kiam ia kerina.
13Ipebalina aku ras barang si la terpake, dingen ilupakenna desken kalak mate.
14Kubegi imbang-imbangku erkusik-kusik, emaka kebiaren lit sekelewetku. Erpekat ia ngelawan aku isurakenna munuh aku.
15Tapi Kam kap pengarapenku, o TUHAN, Kam kap Dibatangku.
16Kidekah umur geluhku aku tetap i bas TanNdu pulahi aku i bas imbang-imbangku nari, i bas kalak si ngayak-ngayak aku.
17Perdiateken min aku suruh-SuruhenNdu, erkiteken KiniulinNdu erdandanken keleng AteNdu, kelini min aku.
18Erlebuh aku man BaNdu o TUHAN, ula pediat aku kemalun. Bahanlah maka juru me kalak jahat alu lanai ngerana lawes ia kubas doni kematen.
19Sompel min babah kalak perbual, si megombang dingen medorun si medorun kalak bujur.
20Andiko buena KiniulinNdu, si IsikapkenNdu man si pemuliaken Kam! Kerina kalak meteh kai si IlakokenNdu, man kalak si cilinggem kempak Kam.
21IbunikenNdu ia i bas adep-AdepenNdu, nandangi pertakin kalak jahat. IbunikenNdu ia i bas pemunin si sikap, nandangi imbang-imbangna si perancuk-ancuk.
22Pujilah TUHAN! Andiko belinna keleng ate si IcidahkenNa, tupung aku ikepung dingen iserang imbang.
23Mbiar aku tupung e, janahku rukur ningku, "Aku nggo ipelawes i bas adep-AdepenNdu nari. Tapi nggo IbegikenNdu pemindonku, tupung aku erlebuh mindo penampat."
24O kalak si patuh, kelengilah TUHAN! IpulahiNa kalak si patuh. Tapi kalak megombang iukum TUHAN bagi patutna. <31:25> - Piherken dingen tetapkenlah ukurndu, o kam kerina si erpengarapen man TUHAN!
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel