Pedang TUHAN
1Kata TUHAN seh man bangku nina,
2"O manusia si ermasap-masap, ngeranalah kerna Jerusalem. Ngeranalah kerna ingan-ingan kalak ersembah. Persingeti negeri Israel
3maka Aku, TUHAN, ngatakenca bagenda: Musuhndu kap Aku. Kusintak me pedangKu, jenari Kubunuh kam kerina subuk si mehuli bage pe si jahat.
4Kupergunaken pedangKu ngelawan kerina kalak i selatan nari terus ku utara.
5Kenca bage kerina kalak meteh maka Aku, TUHAN nggo nintak pedangKu i bas sembungna nari janah lanai Kusembungken mulihi."
6"O manusia si ermasap-masap, ndeherenglah kam tempa-tempa pusuhndu getem erdandanken aru ate. Ndeherenglah alu ceda ate i lebe-lebe jelma si nterem.
7Adi isungkun kalak kam ngkai maka kam ndehereng, kataken man bana maka kam ndehereng erkiteken berita si nandangi reh. Berita e mahanca pusuhna kerina dem alu kebiaren, tanna kote, bene ukurna, janah tiwenna nggirgir. Paksana nggo seh, janah kerina si e la banci la jadi," bage nina TUHAN si Erdolat.
8Kata TUHAN seh man bangku nina,
9"O manusia si ermasap-masap, ernubuatlah. Turiken maka Aku TUHAN ngatakenca man bangsa enda bagenda, 'Lit sada pedang, pedang si sangana igarut, igarut dingen igus-gusi seh entelap.
10Pedang e igarut lako munuh, igus-gusi seh erndilap bagi kilap. Lanai lit keriahen man bangsangKu, sabap kasa kai kata pertenget ras ukumen la diatena.
11Pedang e sangana igus-gusi, gelah sikap man paken. Igarus dingen igus-gusi seh ntelap, gelah itamaken i bas tan sekalak pemunuh.
12Serkolah alu ate ceda, o manusia si ermasap-masap, sabap pedang e ipake ngelawan bangsangKu. Kerina peminpin rikut ras bangsa e pe, itampul seh mate kerina. Emaka temtemlah bandu,
13sabap sangana Kuuji bangsangKu; janah adi la ia nggit jera, kerina si ndai la banci la jadi man bana.'"
14"Dage, o manusia si ermasap-masap, ernubuatlah. Tepukkenlah tanndu jadi sada tanda maka pedang e mulai nampuli kalak. Pedang e tuhu-tuhu sada pedang pemunuh, sada pedang si man kebiaren.
15Bene ukur bangsangKu ibahanna jenari guling ia. Kuancam kotana alu sada pedang si erndilap bagi kilap, si nggo sikap munuh.
16O pedang si ntelap, tampullah ku kawes ras ku kemuhen, tampullah ku ja saja atendu.
17Aku pe ertepuk ka gelah surut ateKu nembeh," bage nina TUHAN.
Pedang raja Babilon
18Kata TUHAN seh man bangku nina,
19"O manusia siermasap-masap, bahanlah capna dua dalan si banci ibentasi raja Babilon adi ia reh maba pedangna. Dalan si dua e benanana i bas sada negeri. Bahanlah papan penuduh dalan i bas persimpangen dalan e.
20Sada nuduhken man raja e dalan kempak ingan kalak Amon eme kota Rabba, janah sada nari nuju kempak kota Juda si erbenteng eme kota Jerusalem.
21Kenca bage tedis me raja Babilon i bas persimpangen dalan deherken papan penuduh ndai. Guna meteh dalan si apai si man ikutenken, ikocokna anak panahna; ertendung ia, ipepayona ate rubia-rubia si ipersembahkenna.
22Nehenlah! Tanna si kemuhen njemak anak panah si ercap "Jerusalem". Si e nuruh ia berkat janah nikapken perkakas guna ngerontasken tembok, nurakken surak-surak perang, namaken perkakas ndai i lebe-lebe pintu-pintu gerbang, erbahan benteng ras engkali parik-parik.
23Kalak Jerusalem la tek kerna si enda erkiteken perpadanen si ibahanna. Tapi nubuat enda ibahan lako ngingetken kerna dosa-dosana janah mpersingeti maka itaban me ia.
24Enda me katangKu, Aku TUHAN si Erdolat. Dosa-dosandu nggo tangkas. Kerina kalak metehsa uga belinna salahndu. I bas kerina perbahanenndu icidahkenndu kejahatenndu. Kam iukum, janah iendesken me kam ku bas tan musuh.
25Janah kam o pengulu-pengulu Israel si jahat dingen keliamen! Wari pengukumenndu nggo reh.
26Aku, TUHAN si Erdolat nggo melasken katangKu. Tatanglah mahkotandu ras bulangndu. Nandangi sambar me kerina. Angkatkenlah kalak musil jadi penguasa. Dabuhkenlah kalak si genduari sangana erkuasa.
27Runtuh, runtuh! Tuhu Kuruntuhken me kota e. Tapi si enda langa jadi, langa reh kalak si nggo Kupilih lako ngukum kota e. Kenca ia reh pagi, Kubereken man bana kota e."
Pedang ras kalak Amon
28"O manusia si ermasap-masap, ernubuatlah. Momokenlah man Amon katangKu enda, Aku TUHAN si Erdolat, sabap megombang ia man Israel. Kataken man bana bagenda, 'Pedang nggo sikap guna engkernepken; nggo igus-gusi seh erkilat bagi kilap, lako munuh.
29O kalak Amon pengenehenen si iidahndu la tuhu, janah nubuat si ibahanndu bual kap. Kam jahat dingen la terpake. Warindu nggo seh, wari pengukumenndu nggo reh. Itampul pedang eme kerahungndu.
30Sembungkenlah pedangndu, o kalak Amon. Kam Kuukum i bas negeri inganndu ijadiken dingen inganndu tubuh.
31Kucurcurken me rawangKu si gara man bandu. Kuendesken me kam man kalak si la meteh mekuah, si cerdik lako engkerapken kalak.
32Ikernepken me kam alu api. Darehndu mambur i bas negerindu jine, janah lanai ise pe nginget kam pagi.'" Bagenda nina TUHAN.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel