1Kaenga’e Panceptana ba’na pongpong ba’na gi’ ngodha, sabellunna ngadhebbi on-taon se ngeba sangsara. E bakto jareya ba’na tanto ngoca’ kantha reya, "Ta’ bajjra onggu tang odhi’ reya."
2Mon bakto jareya la napa’, matana ba’na la ta’ terrang, la ta’ pasda ka sonarra are, bulan ban bintang. Ondhem kandel se ngeba ojan, bakal terrosa noro’ bunte’ ba’na, ngara ba’na salanjangnga.
3Lengngenna ba’na ngetter ban ta’ bisa ajaga kasalameddan pole. Bettessa se thengtheng ta’ jekjek tadha’ kakowadanna sakale. Gigina la ta’ genna’ ta’ ekenneng pangael kakanan. Matana rabeng, pangabassa ta’ terrang.
4Rammena lorong ta’ saapa ekaedhing ka kopengnga, mosik ban panggilingan katon mar-samar monyena. Ba’na ta’ ngeddha patedhungnga, ngedhing monyena mano’ bai ba’na laju jaga.
5Ba’na tako’ ongga’a ka kennengngan se tenggi, mon ajalan kodu te-ngate. Obu’na la pote, mon ajalan sokona eeret. Ate la ta’ andhi’ karep ban pangaterro sakale. Sengko’ ban ba’na reya entara ka kennengngan se dhi-budhina, reng-oreng e salanjangnga lorong padha nanges sarta sossa.
6Rantay salaka bakal pegga’a ban asa-pesa; damar emmas bakal gaggara terros bella; talena temba pegga’ ban rosak; gendhi ancor car-kalacer sabalattrana.
7Badanna sengko’ ban ba’na bakal abaliya daddi abu ban tana. Nyaba se maodhi’ sengko’ ban ba’na bakal abaliya ka Allah. Salerana se apareng nyaba jareya ka sengko’ ban ba’na.
8Ca’na sengko’, jareya kabbi pajat tadha’ gunana, kabbi parcoma, tadha’ artena.
9Se Ahli Pekker jareya penter ban bicaksana, daddi eajarragi ka ommat sakabbinna pangataowanna. Bannya’ bangsalan se eajari, bendher enja’na laju eoji.
10Pangkotbah jareya nyare ca’-oca’ se alepor ate, ca’-oca’ se etoles reya jujur, ta’ lecek.
11Cacana oreng se penter reya akantha tongkedda oreng ngowan se tajem konco’na, tongket se eangguy ajaga dumbana. Kompolanna bangsalan ban babala’an, akantha pako se naccek koko. Jareya kabbi paparengnga Allah keya, se ngowan sengko’ ban ba’na, se settong tadha’ dhuwa’na.
12Na’, badha pole se kodu epekker ba’na kalaban te-ngate. Noles buku tadha’ marena, tabannya’ gallu ajar malesso badan ban sokma.
13Saellana kabbi bi’ sengko’ etembang, areya’ rengkessan se etemmo bi’ sengko’. Patako’ ka Allah, ban toro’ sakabbinna papakonna, sabab manossa ecepta’agi pera’ kaangguy kaparlowan jareya.
14Allah ngadilana sakabbinna lalakonna sengko’ ban ba’na, se juba’ ban se bagus, la’-mala’ keya sabarang se ta’ etangale oreng.
<< Pengkhotbah 12 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel