Momang Haé Ata
1Koném po aku ngancéng tombos sanggéd curup de manusia agu curup de malékat, maik émé aku toé momang haé atak, aku cama ného nggong hiot tolos agu runing ncihing ata toé manga betuan.
2Koném po aku manga widang latang te nubuat, agu pecing taung pété ceha agu paéng sanggéd pecing do, agu koném po aku paéng imbi ata jepekn latang te hésing poco, maik émé aku toé momang haé ata, aku toé manga belar laing.
3Koném po aku pati sanggéd cao-ca so’ot manga oné akud, ko condo wekig kudut tapay, maik émé toé momang haé ata, toé kéta manga betua koé cekoén.
4Momang hitu lembakn, momang hitu di’a nain, hia toé manga jogotn. Hia toé manga angos weki run agu toé manga mésé nain.
5Hia toé manga pandé ata toé jinggopn agu toé nuk kaut weki run. Hia toé manga do rabon agu toé manga na’a sala datan.
6Hia toé manga nisang nai ali pandé ata toé agil, maik ali pandé molor kali.
7Hia ta’ong sanggéd cao-ca, imbi sanggéd cao-ca, bengkes sanggéd cao-ca, ta’ong kudut tanggong sanggéd cao-ca.
8Momang hitu toé manga cemoln; pedé hitu ngancéng cemoly, mu’u luju agu lema emas ngancéng dopos, pecing do te moras-meresy, maik momang haé ata hitu toé manga cemoln.
9Ai pecing dité toé rapaks, agu pedé dité toé besikd.
10Maik émé cais situt besikd, mora taungs situt toé besikd.
11Du lari koég aku, aku curup agu nuk cama ného ata koék. Te ho’on du tu’ak ga, lego taungs laku gauk du koég situ.
12Ai te ho’on, ité lélo ca tara ata toé si’ang ného oné sereméng sabuk, maik tai ité te lélo dungkay wiga si’ang tu’ungy. Te ho’on aku toé baé di’ak, maik tai aku ciri baé di’a kéta, cama ného weki rug baé lata.
13Nenggitu dé cemoln, téké telu tarad kali ga; imbi, bengkes agu momang haé ata, maik ata céwé mésén oné-mai situt telu, momang haé ata.
<< 1 Korintus 13 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel