1Oné Ikonium rasul situt sua, ngo oné mbaru ngaji data Yahudis, toing ata nitu, wiga do kéta ata ciri imbis, isét Yahudi agu isét Yunani.
2Maik ata Yahudi ata toé tiba keréba di’a disé, reku ata toé Yahudi kudut rabos lisé asé-ka’é situt ca imbis.
3Hi Paulus agu hi Barnabas remo béhéng ka’éng nitud. Isé tombo ali rani nai latang te Mori Keraéng ata pandé mberes keréba latang te widang Diha ali téi oné isé kuasa latang te pandé gantang agu tanda lenget.
4Maik ata do oné béndar hitu biké pati laing suas, manga ata cecupumai ata Yahudis, manga kolé ata cecupumai rasul-rasul situ.
5Og kali pu’ungs isét toé Yahudi agu isét Yahudi cama-cama agu tu’a disé wuli wekid kudut ongga agu peké rasul-rasul situ le watu.
6Woko pecing nenggitu, itus kali ngod rasul-rasul situ oné sanggéd béndar tana Likaonia: Listra, Dérbé agu tana situt baling mai.
7Nitu kolés isé ba Keréba Di’a.
8Oné Listra manga cengata ata rona, ngai lonto kin ai les taung wa’in agu péko pu’ung du loasn, agu toé kéta manga lako dé’itn.
9Hia séngét hi Paulus hitut lari tombon. Lélo di’a-di’a li Paulus agu ita liha manga imbin agu ngancéng pandé inan.
10Itu kali mai taé di Paulus: “Hesé cedekh ga!” Ata hitu hidi-hadan hesén agu pu’ung lako nggere-salé, nggere-awo.
11Du ita hesen ata péko hitu lata do, isé situ ciék oné curup disét Likaonia: “Dewa- dewa poli wa’u oné bahi-réha ité ba tara de manusia.”
12Hi Barnabas caro lisé hi Zéus, agu hi Paulus caro lisé hi Hérmés, ai hia ata tombon.
13Itu kali main imam déwa Zéus, ata compangn be-pé’ang mai béndary, aru pisad japi laki agu ba wéla oné lewang béndar kudut te takung cama-cama agu ata do oné rasul-rasul situ.
14Dengé hitu, rasul-rasul situ, hi Barnabas agu hi Paulus, pandé beté taung bajud, itu kali ngo oné bahi-réha lawa do situ agu mai taéd:
15“Oé asé-ka’én, co’o tara pandé nenggitus méu?” Ami ho’o manusia bogm, cama ného méu. Tara manga cé’é ho’og ami, kudut ba Keréba Di’a latang te méu, kudut okés le méu pandé pina-naéng so’o agu holés nggere-oné Mori Keraéng hitut mosé, ata poli dédék awang agu lino, tacik agu sanggéd icin.
16Médé Mori Keraéng sondang sanggéd wa’u lorong salang de rud,
17maik Hia bom toé toto weki Run ali sanggéd pandé di’a, ali usang éta mai awang agu téing cekeng dani latang te méu ali mosé agu nombong raks.
18Koném nenggitu taé de rasul-rasul situ, isé toé ngancéng pampang lawa do situ te ba takung oné isé.
19Maik mais ata Yahudi oné mai Antiokhia agu Ikonium agu isé cocong lawa do situ wiga cecupu mai isés. Itu kali peké le watun lisé hi Paulus agu sorok nggere-pé’ang mai béndary, ai bet disé hia polig rowan.
20Maik du ata nungku situ hesé léok hias, to’o kolé hia, itu kali ngo kolé oné béndarn. Ného diangn ngo hia cama laing agu hi Barnabas nggere-oné Dérbé.
Kolé Nggere-oné Antiokhia
21Hi Paulus agu hi Barnabas ba Keréba Di’a oné béndar hitu agu do kéta ata ciri ata nungku. Itu kali kolé nggere-oné Listra, Ikonium agu Antiokhia.
22Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.
23Oné néténg-néténg weki serani situ, rasul-rasul situ wérét muing ata tu’a laingn latang te weki situ agu du poli ngaji agu puasa, téis lisé ata tu’a situ nggere-oné Mori Keraéng ai oné Hia isé imbid.
24Isé lako taung temu tana Pisidia agu cai oné Pamfilia.
25Nitu isé ba Keréba Di’a, oné Perga, poli hitu oné Atalia.
26Mai nitu maid, isé lajar nggere-oné Antiokhia; oné osang hitu danong isé tiba nabit de Mori Keraéng kudut pu’ung gori hitut poli lisé cemoln.
27Du caid nitu, isé bénta taung weki serani kudut nempung. Itu kali tombo taung sanggéd cao-ca situt pandé le Mori Keraéng lut isé, agu Hia poli céngka para latang te wa’u bana nggere-oné imbi.
28Nitu isé béhéng ka’éng cama-cama agu ata nungku situ.
<< Kisah Para Rasul 14 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel