Alkitab Mobile SABDA
[VER] : [MONGONDOW]     [PL]  [PB] 
 <<  1 Korintus 12 >> 

1Pogumanku tana'a in soaáḷbií totabi inta inogoi in Roho i Allah. Ibogonku baí totokbií ing kota'auan monimu in soaáḷ tana'a.

2Toropdon, ko wakutu im mo'ikow diaípa nonota'au ko'i Tuhan, mo'ikow umuranpabií dinumudui kom berhala inta boboí.

3Manangka intua mustibií kota'auan monimu kon intau inta kinawasa'andon in Roho i Allah diaíbií mota'au mosingog, "Binaḷa-baḷa ing ki Yesus!" Naí doman tua, diaíbií doman in tobatuímai intau moguman, "Ki Yesus tua in Tuhanbií!" aka intau tatua bo diaí kinawasa'an in Roho i Allah.

4Norupa-rupamai in totabi Roho i Allah kon intau, ta'e inta nobogoi in tongaíbií Roho tobatuí tatua.

5Bo norupa-rupamai oaíidan pobantung ko'i Tuhan, ta'e ki Tuhan inta binantungan tua in Sia-Siakabií.

6Bo norupa-rupamai in cara pogogaid kon oaíidan i Tuhan, ta'e ki Allah inta nobogoi ing kakuatan mogaid kon oaíidan tatua Sia-Siakabií doman.

7Tongaí pomuḷoi intau inogoian bidon i Tuhan in totabi sim pakeíon moyotakin.

8Oyuíon intau noko'ulií kon totabi mosingog kon inta mopia, oyuíon doman noko'ulií kon totabi motunduí kon soaáḷ ki Allah.

9Kon intau tobatuí, Roho tatua nobogoi doman ing komampuan kon intau ibanea simbaí mopirisayadon totok ko'i Kristus; bo kon intau ibanea doman, Roho tatua nobogoi in totabi mongundam kon intau.

10Intau tobatuí inogoian totabi mogaid kon soaáḷ mita inta mokoherang, yo ibanea inogoian totabi mopota'au in roncana mita i Allah. Bo ibanea doman inogoian ing komampuan mota'au mopoyoposi onda in totabi inta nongkon Roho i Allah bo onda in de'eman. Oyuíon inogoian komampuan mosingog kom bonu im bahasa inta mokoherang, bo oyuíon doman inogoian ing komampuan moginsilang kom mangale in singog mita tatua.

11Tua komintan tongaíbií inaidan in Roho i Allah tobatuí tatua; pomuḷoi intau moko'uliíbií kon totabi noyo-noyoposimai poduduibií ibog in Roho tatua.

12Ki Kristus tua in naí bií onda bo awak in intau na'a. Awak na'a in tongaíbií tobatuí, ta'e nobarong in anggotanya. Ta'e umpakahbií nobarong in anggota awak tua, ta'e toaíwakanbií monag.

13Natua doman kita komintan, intau Yahudi ande de'eman, ata ande de'eman; kita komintan aim bidon binaptis in Roho inta kotangoianmai na'a, simbaí motobatuídon ing kita kon awak i Kristus bo mokorasa doman kon Roho inta notongkai doman tatua.

14Sin awak tatua in de'emanbií tongaí tobatuí in anggotanya, ta'e nobarongbií.

15Aka si'oḷ bo moguman, "Aku'oi in de'emanbií lima, tuamai aku'oi in diaíbií notobatuí in awak," yo degaí totou'u kon sia tua de'emanbií anggota in awak?

16Bo aka bongoḷan moguman, "Soaáḷnya aku'oi na'a in de'emanbií mata, tuamai de'emanbií anggota in awak aku'oi," yo degaí totou'u kom bongoḷan tua in de'emanbií anggota in awak?

17Aka kuma bo awak na'a komintan mata, yo naíondabií simbaí mokodongog in awak? Andeka awak na'a bo komintan bongoḷan, yo naíondabií baí mokobo in awak tatua?

18Kinota'auan bidon naton, kon tua komintan aim bidon sinampat i Allah kinotompia kon awak naton podudui in ibog-Nya.

19Aka tua komintan bo tongaíbií to anggota, yo diaíbií mota'au tangoian awak.

20Daí totou'u kon nobarongbií in anggota, ta'e tongaíbií to awakan monag.

21Manangka intua mata diaíbií mota'au moguman kon lima, nana'a, "Aku'oi in diaíbií moparaḷu ko'inimu!" andeka uḷu moguman kon si'oḷ, "Aku'oi in diaíbií moparaḷu ko'inimu!"

22Sin inta inanggap naton diaí baraguna, tuabií inta totok im paraḷuon naton;

23bo inta inanggap naton diaí koboli, tuatabií inta totok harga'an naton. Sin onda inta diaí mopia ontongon naton, yo tuatabií in totok tarukiraan naton.

24Onda inontong naton nopira, diaíbií tarukira'anmai naton. Tua komintan aim bidon sinampat i Allah kon awak naton kinotompia totok, sahingga onda ing kai naton diaí koboli tuatabií in totok koboli.

25Awak na'a in diaíbií nosila-silai; bo tumpaḷa mositarukira'an.

26Manangka intua aka anggota tobatuí bo mokorasa kon roriga, yo anggota ibanea im mokorasa doman kon roriga tatua; bo aka tobatuí anggota bo duiíon, yo gina in anggota ibanea in tumpaḷabií moḷunganga.

27Mo'ikow nion komintanbií awak i Kristus bo komintan doman anggota-Nya.

28Natua doman ing kon jama'at. Tampat im bayongan intau aim bidon sinantuí i Allah. Muna in rasul mita; nogindua in nabi mita, nogintoḷu ing guru mita bo intau mita inta nogaid kon mokoherang, onda intua intau mita inta inogoian in totabi mongundam bo motuḷung kon intau ande inta mobalií duduianmai, ande mosia inta inogoian totabi mosingog kom mokoherang.

29Mosia in de'emanbií komintan rasul, andeka nabi, andeka guru. Diaíbií komintan intau inogoian totabi mogaid kom bayongan inta mokoherang,

30andeka mogundam kon intau, andeka mosingog kom bonu im bahasa inta mokoherang, andeka moginsilang kom mangale im bahasa mita tatua.

31Tuamai poramiji totok im mo'ikow simbaí moko'ulií kon totabi inta totok moponting. Tunduíankubií in daḷan inta lebe mopia im mo'ikow mo'iduduimai.



 <<  1 Korintus 12 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel