1Na'a ing ko'intoḷunyadon aku'oi namangoi nokipodungkuḷ ko'i monimu. Kom Buk Mosuci aim pinais nana'a, "Pomuḷoi im porkara musti saksian in doyowa ande toḷu in intau, bain tua porkara tatua mota'au akuíon kon totu'u."
2Intau mita inta tungkuḷ intua ain nogaid kon inta diaí mopia bo bayongan intau ibanea, kolipod munadon inogoianku im poringatan wakutu in namangoi nokipodungkuḷ induanya in aku'oi ko'i monimu. Bo tana'a makow, ko wakutu in noyogiyayuíanpa ing kita, aku'oi bui mobogoi im poringatan, kon aku'oi im mamangoidon bui ko'i monimu, yo diaíbií in tobatuímai kon sigad monia tua in diaí hukumon.
3Daí mo'ikow im moko'uliíbií kom bukti inta totok ing kino ibog monimu kom memang totu'ubií kong ki Kristusbií im mosingog pinongin i nakoí. Tongaí aka Sia bo mopoaíidon diaíbií tongaí dumondo'uḷug, ta'e popo'ontong-Nyabií ing kawasa-Nya kon yuaí-yuaík monimu.
4Totu'ubií, kon wakutu in Sia pinopopakuí kong kayu pinoyotalempang, Sia in diaíbií nokopongonu, ta'e tana'a im biniagdon bui i Allah in Sia takin kawasa-Nya. Kami in diaíbií doman moropot kom bonu ing kobiagan nami inta notobatuídon i Kristus, ta'e aka kami moyogintayowdon monimu, yo kami im mobalií bidon moropot moyotakin i Kristus lantaran kawasa i Allah.
5Tungkuḷaikah uji im pirisaya monimu mongo totu-totu'udon no'idoyon kom pirisaya ko'i Kristus! Taridiai kopia! Degaí mo'ikow diaípabií mopirisaya totok kong ki Kristus Yesus in oyuíondon kom bonu ing gina monimu! -- sin aka diaí natua yo mo'ikow in diaípabií monahang kon totungkuḷ.
6Haraponku makow im baí kota'auandon monimu kong kami na'a in de'emanbií intau mita inta diaí mokokotahang kon totungkuḷ.
7Kami umuran mopo'igum makow doaí simbaí mo'ikow diaí mogaid kon inta mora'at. De'emanbií mopo'ontong kon kami im monahangdon totok kon totungkuḷ, ta'e ibogon nami im baí mo'ikow umuran mota'au mogaid kon inta mopia -- umpakah ontongon monimu ing kami diaí mokotahang kon totungkuḷ.
8Kami in diaíbií mokopongonu kon soaáḷ mita inta diaí noyoka'an in inta mobanar. Soaáḷ inta mota'au aidan nami in tongaíbií dumudui kon onu inta mobanar tua.
9Mopiabií ing gina nami aka mo'ikowdon im moropo-ropot nongkon inami. Tuamai kami umuran mopo'igum in doaí ko'i Allah, simbaí mo'ikow mobalií mosempurna.
10Tuabií doman im makusudku nomais kon surat tana'a ko wakutu in noyogiyayuíanpa ing kita. Simbaí aka aku'oi bo mamangoidon kon yuaí-yuaík monimu, yo diaídon aku'oi mokoporogi in tumayow ko'i monimu, podudui ing kawasa inta inogoi i Tuhan ko'i nakoí sim ponompia ko'i monimu, de'emanbií pomoguya'at.
11Na'a in tongginaku pangabisan ko'i monimu utatku mita: mokoposanangdon kong gina bo poramijidon simbaí umuran mobiag mosempurna, umuran kong gina-gina makow in tongginaku mita na'a! Umuran motobatuí kong gina bo kon raian bo umuran mototabian. Sing ki Allah inta nobalií dodoyonan totabi bo kobiagan inta mopia, umuran kotaki-takin monimu.
12Posisalamandon mo'ikow, podoyon kon tabi saḷaku tumpaḷa umat i Allah.
13(13-12b) Bayongan umat i Allah nokipoyaput doman in salam monia ko'i monimu.
14(13-13) Totabi bo barakat i Tuhan Yesus Kristus bo i Allah takin kawasa in Roho Mokudus umuran kotaki-takin monimu komintan! Hormat nami, Ki Paulus
<< 2 Korintus 13 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel