Alkitab Mobile SABDA
[VER] : [MONGONDOW]     [PL]  [PB] 
 <<  Efesus 6 >> 

1Ule! Mo'ikow mongoaídií mita inta saḷaku dumodudui i Kristus, duduiaibií in tonggina ing guyangamu, sin natuabií ing kino ibog i Allah aidanmu.

2"Hormatbií ing ki amaí bo ki inaímu" tua im parentah inta tototk moponting nongkon i Allah, sin tua in noyotogot in dandi,

3nana'a: "Simbaí mosanang bo mo'umur ing kobiaganmu kon dunia na'a."

4Bo mo'ikow ule guyanga mita ḷoḷaki! Dika rupa-rupa'anmai monimu im mosia modapot in tumoruí. Nana'a in aidai: biag im mosia kotompia bo tunduí onu inta mopia bo tonggina'ai podudui inta kino ibog i Tuhan.

5Utatku mita inta nobalií ata! Duduiaibií onu inta pinoki aid i tuangmu inta kon dunia na'a. Aidai intua takin porasa'an hormat, motoindudui, bo gina inta totu-totu'u, naonda bo pogogaid monimu kon onu inta pinoki aid i Kristus tontanií.

6Tua inaidan monimu, de'emanbií tongaí kowakutu ing ko'onto-ontongnya makow, simbaí pujionnya im mo'ikow. Ta'e aidaibií monimu intua saḷaku ata i Kristus inta dinumudui kon ko'ibog i Allah takin gina motulid.

7Oaíidan inta inaidan monimu saḷaku ata, aidaibií intua takin sanang gina naonda bo ki Tuhan tontanií im binantungan monimu, de'emanbií tongaí intau.

8Pokotoropdon, pomuḷoi intau inta nobiag ata andeka intau inta nobebas, motarimabií kon tontuliínya nongkon i Tuhan kom bayongan inta mopia inta ain inaidannya.

9Bo mo'ikow utat mita inta nobalií tuang! Mokopopiabií kong gina ko'i atamu mita. Dona'aibií tantuí mopogogondok ko'i monia. Simbaí kota'auan monimu, kon ikow bo ki atamu mita tua tongaíbi tobatuí in Tuang monimu, Sia tuata ing ki Tuhan inta kon soroga. Sia in diaíbií mopoyoposi kon intau.

10Na'a in singogku pangabisan, pakeí in ropot inta no'ulií monimu nongkon kawasa i Tuhan, sim mo'ikow notobatuídon takin-Nya.

11Bo pakeí domandon to'uḷut im parang inta inogoi i Allah ko'i monimu, simbaí mo'ikow mokotahang monayow kom bayongan akaḷ in Ibilis inta diaí mopia.

12Sing kita im moparang de'emanbií moyogintayow in intau, ta'e moyogintayowbií ing kakuatan bayongan dimukud mora'at inta nongawasa kon singgai mora'at mita tana'a. Kita monayow kong kakuatan in roho mita mora'at inta nongawasa kon ḷangit.

13Manangka intua, tana'a, pakeídon to'uḷut im parang nongkon i Allah simbaí kon singgai mora'at na'a, mo'ikow mokosanggup monayow aka tubuon in saturu mita. Bo baí naonda im mo'ikow moparang dapot mopaḷut, yo umuranpa motorindog bo moropot im mo'ikow.

14Mo'ikow musti umuran mobasadia. Ginamu inta motoindudui ko'i Allah aidaidon naonda bo abit bo gina motulid aidaidon naonda bo ḷambungmu uatoi.

15Bo karela'anmu mopoyaput in Habar Mopia inta mokopoaíngoi kong kobiagan motompia, tua im baliídon sapatumu.

16Bo pomuḷoi makow pakeíbií im pirisayamu ko'i Tuhan saḷaku sonjata ponangkis; pirisaya monimu tua im mokopampingbií kom pana tuḷu inta nongkon mora'at.

17Gamaídon ing kasaḷamatan saḷaku topi baja, bo singog i Allah saḷaku pitow nongkon Roho i Allah.

18Aidai intua komintan takin mosambayang mopo'igum kon totuḷung i Allah. Posambayangdon pomuḷoi makow podudui ibog in Roho i Allah ko'i monimu. Umuran pobasadia im mo'ikow bo dika umundok. Tantuí sambayangai im bayongan umat i Allah.

19Bo sambayangai doman in aku'oi, simbaí wakutu in aku'oi mosingog ogoian i Allah in singog mita inta mo'itutui, bo baí mobarani totok in aku'oi mopota'au in onu inta no'ibunipa kon Habar Mopia tua.

20Lantaran Habar Mopia tuata, aku'oi nobalií totabaí bo tana'a im binonu kom ponjara. Sambayangaibií simbaí mobarani in aku'oi mosingog kon soaáḷ Habar Mopia tatua, naí inta patus singogonku.

21Ki Tikhikus, ki utat naton inta mosatia im mogogaid kon oaíidan i Tuhan, mopota'audon ko'i monimu kom bayongan yagi-yagi soaáḷ aku'oi, simbaí kota'auandon monimu ing ka'ada'anku bo oaíidanku.

22Tuamai sia pinotabaku namangoi ko'i monimu bo mopota'au ing ka'ada'an nami ko'i monimu komintan, simbaí umuran moḷoben ing gina monimu.

23Po'igumon makow ki Allah ki Amaí naton bo ki Tuhan Yesus Kristus mobogoi ing kasampatan kom bayongan jama'at motobatuí bo umuran mototabian bo umuran doman mopirisaya ko'i Kristus.

24Igumon doman makow barakatan i Allah im mo'ikow komintan inta motabi ko'i Tuhan naton inta ki Yesus Kristus takin tabi inta diaí mo'obo-obot. Hormat nami, Ki Paulus



 <<  Efesus 6 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran