1Sim pomuḷoi imang moḷoben pinilií nongkon sigad in umat, binaliídon simpaḷ i Allah saḷaku toliu monia. Oaíidan imang tatua mobogoi in sosumbah ko'i Allah bo mobogoi ing kurban mita sim potobus kon taḷaí mita intau.
2Tongaí mobanyongpabií ing kalemahan in imang moḷoben tatua, manangka intua sia musti mokopoaáḷus kom potosingog ko'i monia inta diaí monota'au kon onu bo onu bo koíi monia inta ain no'itaḷaí kon daḷan.
3Lantaran sia bo nobayongpa doman ing kalemahannya daí mustibií doman sia mobogoi ing kurban, bo kurban tatua in de'emanbií tongaí potobus kon dosa mita in umat i Allah, ta'e dosanyabií doman tontanií.
4Diaíbií tobatuímai intau ing gumogina umalií Imang Moḷoben sin intau mobalií imang, aka mo'ibog ing ki Allah mogoinií ko'inia bo mokiaid in oaíidan tatua, naí ki Harun.
5Bo natua doman ing ki Kristus. Diaíbií in Sia inumalií tontanií Imang Moḷoben. Ki Allahbií in nopobalií ko'i-Nia sin nana'a in singog i Allah ko'i-Nia, "Ikow nion ki Adií-Ku; Singgai doman na'a Aku'oi mobalií ki Amaí-Mu."
6Kon ayat ibanea ki Allah nosingog doman nana'a, "Ikow nion Imang inta mononoi, naí ki Imang Melkisedek."
7Ko wakutu ing ki Yesus nobiagpa kon dunia na'a, Sia nosambayang bo nopoigum takin koaímu-amuy bo ko'omba-ombaḷ ko'i Allah inta mokosanggup moposaḷamat ko'i-Nia nongkon roriga im popatoi. Bo lantaran Sia umuran dinumudui kon onu ing kinoibog i Allah, daí inindongogan i Allah im pino'igum-Nya tua.
8Umpakah ki Yesus Adií i Allah, ta'e nobalajardon in Sia nokopotoindudui pinongin roriga inta aing kinorasa'an-Nya.
9Daí naonda in Sia binaliídon mopoposaḷamat inta nosempurna, Sia nobaliídon pangkoi ing kasaḷamatan inta mononoi kom bayongan intau inta umuran dumudui kom parentah-Nya.
10Bo ki Allahbií tontanií in nopobalií ko'i-Nia saḷaku Imang Moḷoben, naí ki Imang Melkisedek tua!
11Nobayongpabií im musti popota'au nami ko'i monimu in soaáḷ kadudukan i Yesus saḷaku Imang Moḷoben, ta'e moyoyiga totok im moginsilang kon tua sim moḷaḷoi totok im pororai monimu.
12Sabanarnya aka raionmai yo mo'ikow nion im baí mobalií bidon guru, ta'e nion im mustipabií mo'ikow mobalajar kon intau ibanea kon soaáḷ totunduí mita i Allah inta totok moponting. Mo'ikow diaípa mota'au moka'an kong ka'anon motogat, baí umuranpa po'inumon in susu.
13Intau inta monginumpa kon susu mangalenya kon tua adiípa mo'intok inta diaípa nonota'au kon onu inta no'itutui bo onu inta no'itaḷaí.
14Aka ka'anon notogat, tua in ogoi kon intau inta noguyangdon in raiannya bo inta nobayongdon ing kinobaya'an bo kinorasa'annya, sahingga mota'audon sia mopoyoposi kon onu inta mopia bo onu inta mora'at.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel