1Ki Melkisedek na'a raja nongkon Salem bo imang i Allah inta totok im moḷantud. Wakutu ing ki Abraham nobuidon nongkon pinoparangan bo nonaḷowdon kon raja mita, daí ki Melkisedek na'a namangoidon nonontomu bo nomarakat ko'inia.
2Daí ki Melkisedek inogoian i Abraham mopuḷuh noporsen nongkon bayongan inta no'uliínya kom pinoparangan. Tangoi Melkisedek na'a, mangalenya: "Raja Moaídil" muna-munamai; bo lantaran sia nongkon Salem daí tangoinya sinomangalean doman: "Raja Dodamean".
3Diaí ing katarangan mongo oyuíon ing ki amaí ande ki inaínya, ande mogoguyangnya. Diaí doman ing katarangan soaáḷ kinolahirannya andeka kinopatoiannya. Sia naídon onda bo ki Adií i Allah. Sia nobalií Imang inta mononoi.
4Daí ontongondon naton kon na'a kom moḷobenbií totok ing ki Melkisedek tua. Sia moḷoben, tuamai mogoguyang naton ki Abraham nobogoi im mopuḷuh noporsen ko'inia nongkon bayongan inta no'uliínya kom pinoparangan tatua inta totok mopia.
5Aka kon hukum in agama Yahudi, imang mita katurunan i Lewi mustibií mogamaí kom mopuḷuh noporsen nongkon bayongan inta no'ulií in umat inta ki utat monia, umpakahbií tumpaḷa katurunan i Abraham im mosia.
6Ki Melkisedek de'emanbií katurunan i Abraham, ta'e sia notarima doman kom mopuḷuh noporsen nongkon bayongan inta no'ulií i Abraham, bo nomarakat doman in sia ko'i Abraham, intau inta ain notarima kon dandi mita nongkon i Allah.
7Totu'u kon diaíbií mota'au bayowan, kon intaubií inta binarakatan im mo'ompa-ompaí nongkon intau inta nomarakat ko'inia.
8Imang mita inta motarimamai kom mopuḷuh noporsen nongkon onu inta no'ulií in umat, mosia tua intaubií doman inta mato-matoi. Ta'e podudui onu inta pinais kom Buk Mosuci, ki Melkisedek inta notarimadon kom mopuḷuh noporsen naí silai imang tua in intaubií inta umuran nobiag.
9Daí mota'aubií singogon kon ki Lewi inta katurunannya mita mogamaí domanmai kom mopuḷuh noporsen nongkon onu inta no'ulií in intau Israel mogubolibií doman kon silai tatua pongin i Abraham, wakutu ing ki Abraham nobogoi intua ko'i Melkisedek.
10Umpakahbií diaípa no'ilahir ing ki Lewi, ta'e mota'au bidon tangoion kon sia ing kom bonu bidon awak i Abraham mogoguyangnya tatua, wakutu ing ki Melkisedek noyodungkuḷ i Abraham.
11Wakutu imang mita intau in Lewi nobalií itoi, hukum agama Yahudi inogoi kon umat Israel, sing kon tungkuḷ intua imang mita intau in Lewi diaí mokotoindudui totok kon onu inta musti pomia'an monia, manangka intua musti oyuíon imang ibanea, inta naí tai Imang Melkisedek, bo mosia na'a in de'emanbií nongkon kolompok i Imang Harun.
12Daí aka ḷolituían in imang mita bo mobaḷu-baḷuibií; yo hukum in agama Yahudi im mustibií doman mobaḷu-baḷui.
13Imakusud na'a ing ki Tuhan naton, Sia nongkon sukubií ibanea, bo diaípabií kon dodai onda intau nongkon sukunya nogaid saḷaku imang.
14Kinota'auan bidon im bayongan imang kong ki Tuhan naton nongkon sukubií in Yahudi. Diaíbií dodai onda kino-tangoian i Musa in suku tatua wakutu in sia nongonguman kon soaáḷ imang mita.
15Onu inta ino'uman na'a nodugangdon nosilang, naonda in oyuíondon imang ibanea naí ki Melkisedek.
16Sia binalií imang de'emanbií pinodoyon kon atorang mita inta pinomia in intau, ta'e pinodoyobií kon kobobiagnya inta inogoian ing kawasa inta diaí modai-dait.
17Sing kom bonu im Buk Mosuci pinaisdon nana'a, "Ikow Imang inta umuran oyuíon, naí ki Imang Melkisedek."
18Daí masa in tana'a atorang inta nokoyongandon diaídon pinakeí, sin diaídon ing kakuatannya bo diaí domandon baraguna.
19Sin diaíbií tobatuímai mota'au sompurna'an in hukum agama Yahudi tua. Tuamai tana'a kita inogoiandon in harapan inta totu'u mopira; sahingga ing kita mota'audon dimiug ko'i Allah.
20Apadoman tua komintan siningog i Allah nongibot. Diaíbií in ibot natua kowakutu imang mita tatua binalií imang.
21Ta'e ki Yesus nobalií Imang pinakeíanbií in ibot, nana'a in singog i Allah ko'i-Nia: "Ki Tuhan nongibotdon bo diaíbií baḷuian-Nya onu inta ain siningog-Nya: 'Ikow nion Imang inta mononoi.'"
22Tuamai ki Yesus nobalií jaminan in tobatuí dodandian inta totu'u mopia.
23Tobatuí soaáḷ inta moponting: Imang mita ibanea im mobayongbií sim mosia tua i mato-matoipabií sahingga in diaídon mota'au mogingguput kon oaíidan monia.
24Ta'e lantaran ki Yesus in diaíbií mato-matoi, daí oaíidan-Nya saḷaku Imang diaíbií mopamping kon intau ibanea.
25Manangka intua ki Yesus umuranbií mota'au moposaḷamat kon intau mita inta namangoi ko'i Allah inta mongin i-Nia. Sin diaí in nobiag mononoi bo umuran mopoyaput im mintahang ko'i Allah sing kopontingan intau mita tatua.
26Daí ki Yesusbií tua in Imang Moḷoben inta paraḷuon naton. Sia tua in nodaritbií kom bayongan yagi-yagi, diaíbií in taḷaí andeka dosa onukadon ko'i-Nia. Sia im pino tondií nongkon intau mita inta dinosa, bo dinia pino'onik in tampat inta moḷantu-ḷantud nongkon ḷangit.
27Sia diaíbií notongkai in imang-imang moḷoben mita ibanea inta pomuḷoi in singgai musti moposumbah ing kurban sim potobus kom bayongan taḷaínya tontanií. Mopaḷut makow kon tua sia moposumbah doman ing kurban potobus kon dosa mita in umat. Ki Yesus tongaíbií komintan noposumbah ing kurban bo awak-Nyabií tontanií im pinosumbah-Nya saḷaku kurban.
28Hukum agama Yahudi nopobalií imang moḷoben kon intau diaí nosompurna. Ta'e onda intua, nongkon hukum agama tatua inaidan i Allah in dandi inta sinakinan in ibot kom baliíon-Nyabií, Imang Moḷoben ing ki Adií-Nya inta pinomia-Nya mopoposaḷamat inta mosompurna bo inta diaí mato-matoi.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel