Alkitab Mobile SABDA
[VER] : [MONGONDOW]     [PL]  [PB] 
 <<  Ibrani 9 >> 

1Dodandian inta muna oyuíonbií in atorang po'o-ibadah bo oyuíon doman in tampat po'o-ibadaían inta pinomia in intau.

2Kong kemah tatua inaidan domandon in tobatuí ruangan inta sinagoian "Ruangan Mosuci." Kon tua oyuíon in tampat pototuduan kon togaí, bo oyuíon doman meja bo roti inta pinosumbah ko'i Allah.

3Kon dotaí im bonunya, inta kon tumimai ing gorden induanya, oyuíon in ruangan inta sinangoian "Ruangan Totok Mosuci."

4Kom bonu in ruangan tatua oyuíon in tobatuí meja pototubaían kon sosumbah, meja inta pinomia nongkon buḷawan. Oyuíon doman im poti Dodandian inta komintan inolitan im buḷawan. Kom bonu im poti tatua oyuíon ing kuyon buḷawan inta binonuan im manna, tungkud i Harun inta ain nomolimping, bo batu doyowa inta pinomaisan kom parentah i Allah inta mopuḷuluh.

5Kon tuduh im poti tatua oyuíon ing kerub doyowa, tuata im mahaḷuk kokolikipan inta nobalií lambang koaíngoian i Allah. Kolikip im mahaḷuk doyowa tatua no'ibukaí makow kon tuduh in taḷob poti tatua, tobatuí tampat pongongampungan kon dosa. Ta'e tua mita diaí ko'insilangan batu-batuíon tana'a makow.

6Natuata, sinompia komintan intua. Pomuḷoi in singgai imang mita tumuot kom bonu ing kemah tatua kon tampat inta kom muna totok, bo mopobayak in oaíidan monia kon tua.

7Bo inta mota'au tumu'ot kon ruangan inta paling moaíkow tua in tongaíbií imang inta totok moḷoben. Sia tumu'ot mogaid kon oaíidannya komintan in totaong. Sia tumu'ot kon tampat tatua takin kodia-dia in duguí inta posumbah ko'i Allah saḷaku sosumbah inta potobusnya kon dosanya tontanií bo dosa mita in umat i Allah inta diaí sinu'od pinomia.

8Roho i Allah nopo'ontongdon kino tarang pinongin atorang tatua, kon solama kemah dotaí im muna mo'isindogpa makow, daḷan tumu'ot kom bonu in ruangan inta paling mosuci tatua diaípa nobukat.

9Na'a nobalií lambang kon sempo in tana'a; mangalenya kon sosumbah mita bo kurban mita mahaḷuk inta pinosumbah ko'i Allah, diaíbií mokosompurna kong gina intau inta nodia kon sosumbah.

10Sin upacara mita tatua in tongaíbií soaáḷ koka'anon bo o'inumon bo noyagi-yagimaidon upacara pondaritan. Bayongan tua tongaíbií atorang mita in intau inta pakeíon modapot wakutunya ki Allah monombagu kon dunia na'a.

11Ta'e ki Kristus ain namangoi saḷaku Imang Moḷoben nongkon soaáḷ mita mopia inta aindon oyuíon. Sia sinumu'otdon bo ain nopobayak in oaíidan-Nya saḷaku Imang Moḷoben kom bonu ing kemah moḷoben bo inta totok nosempurna. Kemah tatua in de'emanbií pinomia in intau; mangalenya de'emanbií nongkon dunia inta tongaí doman pinomia na'a.

12Ki Kristus sinumu'ot kon Ruangan Totok Mosuci kong kemah tatua tongaíbií komintan, diaí bidon mopobui-buimai. Dodai intua Sia diaíbií nodia kon duguí im bembeí koḷakian andeka duguí adií in sapi sim posumbah, ta'e duguí-Nyabií tontanií in dinia-Nya. Bo duguí-Nyabií tatua in nopobebas ko'i naton dapot ing kopaḷutannya.

13Duguí im bembeí bo duguí in sapi koḷakian takin ḷobud ing kurban ki adií in sapi, pinakeí nondarit kon intau mita inta nokotor podudui atorang in agama simbaí mobalií modarit im mosia.

14Daí aka duguí bo ḷobud mokodarit kon onu inta nokotor kon intau mita tatua, yo bambií kabií duguí i Kristus! Pinongin Roho inta diaí mato-matoi, ki Kristus ain noposumbah in awak-Nya tontanií ko'i Allah saḷaku kurban inta nosompurna. Tuabií in nondarit kong gina naton nongkon upacara mita inta diaí im baragunanya, simbaí kita umuran mosumbah ko'i Allah inta nobiag.

15Tuamai ki Kristus nobalií tonsigad kon tobatuí dodandian inta nobagu, simbaí intau inta inoiniídon i Allah motarimadon kom barakat mita mononoi inta aim pinodandi i Allah. Tua komintan mobaliíbií sin oyuíon im minatoi; Siata ing ki Kristus. Kinopatoian-Nya tatua in nopobebasbií kon intau mita nongkon taḷaí mita inta pinomia monia wakutu in dodandian inta muna pinakeípa

16Aka oyuíon in surat warisan, yo mustibií doman oyuíon im bukti kon intau inta nomia kon surat tatua minatoidon.

17Sin diaípabií mangaḷe in surat warisan tatua aka intau inta nomia kon surat tatua nobiagpa. surat tatua mota'au pakeíon aka minatoidon intau inta nomia kon surat tatua.

18Tuamai dodandian inta muna musti duguíon simbaí mo sah.

19Munapabií ing ki Musa nopota'au im bayongan hukum i Allah kon intau mita Israel. Onda intua sia nogamaí kon duguí adií in sapi bo duguí im bembeí koḷakian bo bina'ukannya in tubig. No'iduduimai kon tua pinisikannyadon im Buk inta pinomaisan kon hukum mita inta nongkon i Allah bo bayongan intau Israel. Sia nomisik kon tua takin hisop bo bubuḷ in domba inta nopuya totok im batangannya.

20Koyogot nopobayak in oaíidannya tatua sia nosingog nana'a, "Na'adon in duguí inta noposah kon dodandian nongkon i Allah inta musti duduian monimu."

21Natua doman im pinomia i Musa kong kemah i Tuhan bo kom bayongan pakakat inta pakeíonmai kom po'o-ibadaían, nodaitnya pinisikan in duguí tatua.

22Aka podudui kon hukum agama Yahudi, yo gogioí bayongan yagi-yagi daritanbií in duguí, bo dosa mita im mota'au ampungan ta'e musti duguíon.

23Bayongan yagi-yagi inta nobalií lambang kon onu inta kon soroga mustibií daritan natua. Ta'e aka kon soaáḷ mita inta kon soroga, paraḷuonbií in sosumbah inta lebe mopia.

24Sing ki Kristus in diaíbií sinumu'ot kon Ruangan Mosuci inta pinomia in intau, inta nobalií lambang in ruangan Mosuci inta totokea. Ki Kristusbií tontanií in sinumu'ot kon soroga; tana'a Sia minayak kon tayowon i Allah sin lantaran kopontingan naton.

25Aka Imang Moḷoben intau Yahudi yo pomuḷoibií in taong tumu'ot kon ruangan Totok Mosuci kom bonu im baḷoi Tuhan takin kodia-dia in duguí im mahaḷuk. Ta'e ki Kristus in diaíbií nopobui-buimai sinumu'ot sin moposumbah in awak-Nya tontanií.

26Sin aka natua daí tantuí mopobui-buibií domanmai Sia monahang kon roriga inta mulaipamai dunia na'a pinomia. Ta'e nonyata magií, tana'a kon singgai tumi na'a, Sia namangoi tongaíbií komintan bo noposarakan in awak-Nya tontanií sim potobus kom bayongan dosa naton.

27Bo sinantuí domandon i Allah, kon intau in tongaíbií komintan matoi, onda intua adilondon i Allah.

28Natua doman ing ki Kristus, tongaíbií komintan pinosumbah saḷaku kurban pinotobus kon dosa in intau mobayong. Sia im mamangoipabií bui, ta'e de'eman bidon mamangoi mogimpaḷut kom persoalan dosa, ta'e dongka bidon moposaḷamat kon intau mita inta mogoḷat makow kong koaíngoian-Nya bui.



 <<  Ibrani 9 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel