Alkitab Mobile SABDA
[VER] : [MONGONDOW]     [PL]  [PB] 
 <<  Markus 4 >> 

1Kon singgai tobatuí ki Yesus bui notunduí kom bingkií in Danow Galilea. Nobayong totok intau in namangoi nolipung ko'i-Nia. Manangka intua Sia minayak ilimituí kom bonu in uangga inta no'iḷantak makow kon tubig, bo intau mita sinimindog kom bingki in Danow.

2Nobayong soaáḷ in sinunduí-Nya ta'e nomakeí im porumpama'an. Nana'a in totunduí-Nya ko'i monia.

3"Indongogaidon! Oyuíon mogogambor iḷumuai sim mogambor.

4Wakutu in sia nogambor oyuíon bibit noḷabuí kon daḷan. Bo no'iangoi in ḷagapan bo nodaitnya kina'an im bibit tatua.

5Oyuíon bibit inta noḷabuí kon tampat inta nobayong im batu bo butaínya tongaí topilik. Bibit tatua ḷagi nobiag sin noyakag im butaínya.

6Ta'e wakutu mata in singgai koḷantud-koḷantudon, biagnya mulaidon moḷaḷow poḷat no'ingkag bo minatoidon sin uakatnya diaí no'onang ing kinokanomannea.

7Oyuíon doman bibit inta noḷabuí kon yuaí-yuaík in diaít. Diaít mita tatua nobiag bo nonisií kom biag im bibit mita tatua nodapot i minatoi, sahingga diaí nokopomungai.

8Ta'e oyuíon doman bibit in noḷabuí kom butaí inta mopia. Bibit tatua nobiag, bo nobalií noḷoben bodongka nomungai, oyuíon kotoḷu nopuḷuí noguntuḷ ing kobayongea, oyuíon ing ko'onom nopuḷuh noguntuḷ bo oyuíon doman ing kogatut noguntuḷ ing kobayongea."

9Nopaḷut makow nongonguman kom porumpama'an tatua ki Yesus noguman, "Mo'ikow kobongoḷan, daí indongogai!"

10Naonda ing ki Yesus no'itontanií, intau mita inta nokidongog kon totunduí-Nya namangoi ko'i-Nia noyotakin murií-Nya mita mopuḷuh bodoyowaí tua. Mosia nopo'igum simbaí ki Yesus moginsilang kom mangale im porumpama'an tatua.

11Daí ki Yesus noguman ko'i monia nana'a, "Mo'ikow inogoiandon karunia monota'au kon onu inta no'ibuni soaáḷ naíonda ing ki Allah momarentah saḷaku Raja. Ta'e kon intau mita inta kon ḷuai sinunduí pinongin porumpama'an.

12simbaí 'Umpakah umuran mosia monarukira ta'e diaí kota'auan monia onu im mobalií, mosia umuran mokidongog, ta'e diaí momangale, na'aia mobalií simbaí mosia diaí moko'ontong bo momangale bo dika mamangoi ko'i Allah bo ampungan i Allah im mosia.'"

13Nopaḷut makow, ki Yesus noguman ko'i monia, "Aka diaí komangalean monimu im porumpama'an tatua, yo naíondabií ing komomangale monimu kom porumpama'an ibanea makow?

14Mogogambor tua in intau inta nopohabar magií-makow in habar nongkon i Allah.

15Bibit inta noḷabuí kon daḷan ibarat intau inta nokodongog kon habar soaáḷ naíonda ing ki Allah momarentah. Naonda in sia nokodongog, Ibilis namangoi bo nogamaí kon onu inta aim pinomuḷa kom bonu ing ginanya.

16Bibit inta noḷabuí kon tampat inta nobayong im batu, ibarat intau mita inta nokodongog kon habar tatua, bo baḷuí sinarimanya takin sanang ing gina.

17Ta'e habar tatua diaí nonguakat kom bunu ing gina monia, sahingga in diaí no'onggot im pinonahangannya. Naonda i mosia noyogintayow in roriga ande pomogutuían lantaran habar tatua, baḷuí im mosia nonaḷaímai kon onu inta aim pinirisaya monia.

18Bibit inta noḷabuí kon yuaí-yuaík in diaít, tua ibarat intau mita inta nokidongog kon habar tatua,

19ta'e mohawatir kon soaáḷ kobobiag monia bo mo'ibog mo'oyuíon totok. Ibog doman monia kom bayongan yagi-yagi tumu'ot doman kong gina monia. Tuamai habar nongkon i Allah inta kom bonu ing gina monia sisi'onnya sahingga diaí momungai.

20Bo bibit inta noḷabuí kom butaí inta mopia, tua in ibarat intau mita inta nokidongog kon habar tatua bo sinarimanya. Mosia nomungai nodatog. Oyuíon in toḷu nopuḷuh, oyuíon in onom nopuḷuh, bo oyuíon doman im mogatut noguntuḷ ing kobarong im bungainya."

21No'idudui kon tua noguman bui ing ki Yesus nana'a, "Pernah degaí intau im mopoyongkit makow in togaí bo tungkubanea in tampayang ande baya'anea ukaton kolimonag im pososiugan? Paka yo diaí baya'anea ukaton kon tampat pogogukatan kon togaí tatua?

22Diaíbií im mo'ibuni in diaí ko'ontongan; bo diaíbií doman in no'ibuni in diaí kota'auan.

23Tuamai, aka kobongoḷan yo pokidingog!"

24Guman i Yesus bui, "Tarukira onu inta dinongog monimu na'a! Ukuran inta pakeíon monimu kon intau ibanea, tua im pakeíon i Allah pogukur ko'i monimu, sedang bo duganganpa doman ing kobayongea.

25Sin kon intau inta oyuíondon ko'inia, ogoian lebe kobayongon; ta'e kon intau inta diaí ing ko'inia, yo onuka in topilik ko'inia gamaíanbií doman."

26Ki Yesus nongingguput bui kon o'uman-Nya, "Aka ki Allah momarentah saḷaku Raja, ka'ada'an-Nya mota'au popo'umpama naonda bo intau inta nogambor kom bibit kong gobaínya.

27Doḷom sia mosiug, singgai mobangon. Bibit tatua monguakat bo mobiag koḷantud-koḷantud. Ta'e naíonda ing kinobobali intua diaíbií kota'auan intau tatua.

28Butaíbií tatua im mopoḷuai in hasilnya; muna in tanganya, onda intua ḷumondut bodongka momatu im bungainya.

29Bo aka bungai ing gandum tatua moḷutuídon daí pangkoiandon yangkiton in intau tatua sin wakutunyadon monolisií kom bungainya."

30Ki Yesus bui noliboí, "Aka ki Allah momarentah saḷaku Raja, yo onu im mota'au popobandingan naton? Onu in contoh inta mota'au baliíon naton dodoyonan poginsilangan kon tua?

31Aka ki Allah momarentah, yo ka'ada'an-Nya naíonda bo porumpama'an tana'a: Tobatuí batoḷ in sesawi ginamaí in intau tobatuí bo pinomuḷanya kom butaí. Batoḷ in sesawi na'a im batoḷbií inta paling mo'intok nongkon bayangan batoḷ kon dunia na'a.

32Ta'e aka mobiagdon, yo moḷobe-ḷobenbií in sia nongkon bayongan pinomuḷa ibanea. Tanganya mita mongobambar, sahingga ḷagapan mita mata'au mamangoi monompugad kon tua bo ko'oliungannya."

33Natua im pinototunduí i Yesus kon intau mita. Sia nomakeí im porumpama'an mita natua komangoi ing komangalean monia.

34Ki Yesus umuran nomakeí im porumpama'an aka motunduí kon intau mita tatua. Ta'e aka kom murií-Nya mita, yo daiton-Nyabií insilangan.

35Kon singgaipa doman tatua, kon dodai in singgai no'ungkoḷomdon; ki Yesus noguman kom murií-Nya mita, "Koligai kita ḷumeag mopoaíkow ḷoḷan in danow."

36Daí ki Yesus sinumakoidon kon uangga takin murií-Nya mita bo nonaḷaímaidon kon intau mobayong kom bingkií in Danow. Uangga mita ibanea kon tua doman. Onda intua ki Yesus bo murií-Nya mita iḷumeagdon.

37Diaí no'onggot kom binaya'an monia, namangoidon tompot moropot. Bokoḷ namangoidon nondangat kon uangga, bo tubig mo'ibonu domandon kon uangga, sahingga ing gogioídon mopuling tubig in uangga tatua.

38Dodai intua ki Yesus nosiug kon dotaí in tumi uangga. Sia nonguḷun kon oḷunan bo noḷoḷot. Murií-Nya mita namangoi noguḷung ko'i-Nia takin noguman, "Pak Guru, diaídon degaí paraduḷion i Pak Guru in na'a? Mobodito ing kita!"

39Daí nobangondon ki Yesus bo nongguak kon tompot tatua poḷat noguman kon danow tatua, "Kibio-bioímaidon, ko'oyongdon!" Daí tompot nogogaidon, bo danow noḷonongdon totok.

40Bo ki Yesus noliboí kom murií-Nya mita, "Nongonu sim mo'ondokbií i mo'ikow? Nongonu sin diaíbií i mo'ikow mopirisaya ko'i-Nakoí?"

41Mosia no'ondok bo dongkadon nosiliboían, "Sabanarnya ki inebií in intau tana'a, sahingga tompot bo bokoḷ dumudui doman kon singog-Nya."



 <<  Markus 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel