Alkitab Mobile SABDA
[VER] : [MONGONDOW]     [PL]  [PB] 
 <<  Roma 15 >> 

1Kita inta ain totu-totu'u moyakin kon onu inta pinirisaya naton, mustibií mosabar mokodongog kon onu inta kinodoií in intau inta diaípa totok moyakin. Dona'aibií ing kita tongaí moposanang ing gina naton tontanií.

2Mustibií ing kita moposanang doman kong gina i utat naton, sing kopia'an doman monia, baí koyakinan monia modugang doman moropot.

3Sing ki Kristuspa in diaíbií norai kong kopontingan-Nya tontanií. Kom bonu im Buk Mosuci pinais nana'a, "Bayongan hojatan inta pinonapud ko'ini-Mu ain no'iantug ko'inakoí."

4Bayongan inta pinais kom Buk Mosuci, tua makusudnya motunduíbií ko'inaton. Sin totunduí inta sinarima naton nongkon Buk Mosuci nokodugang kong kototahang bo kororopot ing gina naton, sahingga kita umuran moharap ko'i Allah.

5Po'igumon makow ki Allah inta nobogoi ing kasabaran bo ropot kon intau, umuran doman motuḷung ko'i monimu, simbaí mo'ikow mobiag motobatuí kong gina bo dumudui kon onu inta ain inaidan i Yesus Kristus.

6Sahingga mo'ikow motobatuí kong gina bo motobatuídon kon singog bo modayow ko'i Allah, ki Amaí i Tuhan naton ki Yesus Kristus.

7Manangka intua po'igumonku kone utat mita, mo'ikow musti umuran mositarima'an takin sanang ing gina, notongkai naí pinototarima i Kristus ko'i naton sin untuk kamulia'an i Allah.

8Torop in na'a, ki Kristus ain nobantung kon intau in Yahudi sim mopo'ontong kong ki Allah im mogaidbií kon onu inta aim pinodandi-Nya kom mogoguyang naton.

9Pinomia doman i Yesus im bangusa mita ibanea mopomulia ko'i Allah lantaran kopopia ing gina-Nya ko'i monia. Kom bonu im Buk Mosuci pinais nana'a, "Tuamai aku'oi modayow ko'i-Nimu kon sigad im bangusa mita, aku'oi im mopomanyanyibií in dodayowku podayow kon tangoi-Mu."

10Oyuíon doman pinais nana'a, "Kosanangdon ing gina monimu takin umat mita i Allah inta kinopiliían, ei.. bangusa mita!"

11Bo nana'a doman, "Dayowdon ing ki Allah, ei... bayongan bangusa, pomayakdon makow bayongan intau modayow ko'i-Nia!"

12Ki Nabi Yesaya noguman doman nana'a, "Nongkon katurunan i Isai mo'iangoibií in tobatuí intau inta momarentah kom bangusa mita; ko'i-Niabií tua im poharapan im bangusa mita tatua."

13Po'igumon makow ko'i Allah, inta tampat pohoharapan monimu, simbaí Sia mobogoi ko'i monimu ing gina mosanang bo kobiagan motompia sim mo'ikow mopirisaya ko'i-Nia. Po'igumon doman makow simbaí mo'ikow umuran kawasa'an in Roho i Allah, sahingga im modugangdon moḷoben in harapan monimu ko'i Allah.

14Utatku mita! Moyakinbií in aku'oi kon totokbií im mobayong inta mopia nion ko'i monimu. Mo'ikow nion in nonota'aubií doman kom bayongan yagi-yagi bo mokomampubií doman mositonggina'an.

15Ta'e kon soaáḷ mita ibanea, ogoiankupa im poringatan mo'ikow pongin surat tana'a, sing ki Allah ain noponotabi in oaíidan tana'a ko'inakoí.

16Binalií-Nyadon in aku'oi mogogaid kon oaíidan i Kristus sim pinotabaí minayak kon intau mita inta de'eman Yahudi. Bo aku'oi nogaidon naonda bo imang, inta nopoyaput in Habar Mopia nongkon i Allah, simbaí intau mita inta de'eman Yahudi mobalií tobatuí sosumbah ko'i Allah inta mota'au tarima'an-Nya. Po'igumondon makow baí baliíondon in Roho i Allah i mosia tobatuí sosumbah ko'i Allah tontanií.

17Lantaran aku'oi bo ain notobatuí i Kristus Yesus, daí mosanangdon totok ing ginaku, sim mota'audon in aku'oi mogaid kon oaíidan tatua ko'i Allah.

18Aku'oi in diaíbií mobarani i mosingog kon ibanea makow, kolikudbií in soaáḷ inta ain inaidan i Kristus inta pinotonsigad-Nya ko'inakoí; pinakeí-Nya in aku'oi modia kom bangusa mita ibanea (de'eman Yahudi) simbaí mosia mamangoi bo dumuduidon ko'i Allah. Tua pinomiaku de'emanbií tongaí singog ta'e takinbií doman aid,

19inta mokoherang totok kon intau bo diaí im poporupa'an. Tua mita nobalií sing kawasa in Roho i Allah. Habar Mopia soaáḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

20Kong ginaku na'a im mopota'au in Habar Mopia nongkon i Allah kon tampat inta intaunya mita diaípa nokodongog kon soaáḷ ki Kristus tua. Sin doiíbií in aku'oi moposindog in oaíidan kom pondasi mita inta ain pinomia in intau ibanea.

21Kom bonu im Buk Mosuci aim pinais nana'a, "Intau mita inta diaípa dodai onda notarima kon habar soaáḷ Sia, im moko'ontongbií; bo mosia inta diaípa dodai onda nokodongog, im momangale bidon."

22Tuamai mokakitdon oyuíon im mo'iḷamboi kon roncanaku mamangoi mokipodungkuḷ ko'i monimu.

23Ta'e tana'a oaíidanku kon daerah mita tatua ain nopaḷut. Kon taongannyadon ibogku mamangoi mokipodungkuḷ ko'i monimu.

24Igumonku makow aka kom binaya'anku mopobayak in Spanyol, yo mo'iandupa in aku'oi kon tampat monimu baí moyodungkuḷpa ing kita takin pia ing gina umpakah diaí mo'onggot. Mopaḷut makow kon tua haraponku mo'ikow mota'aupa motuḷung ko'inakoí mongingguput kom bobayaíanku mopobayak in Spayol.

25Ta'e tana'a makow, aku'oi mayakpa in Yerusalem sim mogatod kon totuḷung kon umat i Allah kon tua.

26Sin jama'at mita kom Makedonia bo kon Akhaya ain notobatuí kong gina bo nobogoi in totuḷung kon utat mita inta nobiag nobogaí kon sigad in umat i Allah kon Yerusalem.

27Totokbií in nosanang gina monia nonantuí kom mobogoi in totuḷung tatua. Totu'ubií kom patusbií im mosia motuḷung kon utat mita inta bogaí kon Yerusalem tua; sin nongkon intaubií mita in Yahudi tatuata sahingga intau mita inta de'eman Yahudi notarimadon kom barakat mita nongkon i Allah. Daí tuamai intau mita inta de'eman Yahudi tua im patusbií doman motuḷung mobogoi im barakat inta ko'ontongan tua kon intau mita in Yahudi.

28Aka mopaḷutkudon in oaíidan tana'a bo posarakankudon ko'i monia inta kon Yerusalem in totuḷung inta ain sinipunku tua, daí aku'oi mayakdon in Spanyol bo mongin kotaímu.

29Kota'auankubií kon aka aku'oi mamangoi ko'i monimu, pasti modiabií kom barakat mobayong inta nongkon i Kristus.

30Podoyon kon tangoi i Tuhan naton ki Yesus Kristus, bo podoyon kon tabi inta inogoi in Roho i Allah, igumonku totok simbaí mo'ikow moyotakinku mosambayang ko'i Allah.

31Sambayangaidon simbaí pilatandon i Allah in aku'oi nongkon kawasa in intau mita kon Yudea inta diaí mopirisaya bo baí oaíidanku modia kon totuḷung kon Yerusalem tarima'an in umat mita i Allah kon tua takin sanang ing gina.

32Simbaí aka ogoianpa i Allah ing kasampatan, daí mamangoipa in aku'oi ko'i monimu takin gina mosanang, bo mo'onowdon totok ing ginaku kon yuaí-yuaík monimu.

33Po'igumondon makow, ki Allah inta nobogoi ing kobiagan motompia kon intau, umuran moyotakin monimu komintan. Amin.



 <<  Roma 15 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran