1Onu im pogumanku tana'a in totu'ubií, aku'oi diaíbií monguboḷ, sing ki Kristus nongawasadon ko'inakoí. Ginaku inta sinakinan in Roho i Allah, mopoyakin ko'inakoí doman kon singogku tua in totu'ubií.
2Totok moaíjar bo mororiga ing ginaku
3sim mo'ikow intau mita tobangsaku. Bo lantaran mo'ikow daí morelabií in aku'oi kutukon i Allah bo poyopisa'an nongkon i Kristus.
4Mosia tua intau inta pinilií bo binalií-Nyadon ki adií-Nya mita tontanií. Sia noponyatadon ing kawasa-Nya ko'i monia. Sia nomia kon dodandian takin i monia bo nobogoi in hukum agama. Pinoguman domandon i Allah ko'i monia in soaáḷ po'oibadah bo mosia notarima domandon kon dandi mita i Allah.
5Mosia ing katurunanbií doman im mogoguyang naton. Awak i Kristus na'a in nongkon bangusabií monia tua. Ta'e Siabií im moḷantu-ḷantud nongkon bayongan yagi-yagi. Dinayo-dayowdon ing ki Allah modapot ing kopaḷutannya! Amin.
6De'emanbií makusudku moguman kon dandi i Allah diaídon pakeíon; ta'e de'emanbií komintan intau Israel in umat inta pinilií i Allah.
7De'emanbií doman komintan katurunan i Abraham nobalií ki adií mita i Allah. Sing ki Alllah ain noguman ko'i Abraham nana'a, "Tongaíbií katurunan i Ishak in tangoion katurunanmu."
8Tua mangalenya, kong katurunan i Abraham inta nobalií adií mita i Allah in tongaíbií inta no'ilahir sim podudui in dandi i Allah; de'emanbií bayongan katurunannya.
9Sin nana'abií in dandi i Allah, "Ko wakutu inta ain sinantuí, Aku'oi mamangoi, bo ki Sara i moko'ulií kon tobatuí adií ḷoḷaki."
10Nana'a doman singog i Allah: Ki Ribka mopononggadií in adií ḷoḷaki doyowa nongkon tobatuí guyanga ḷoḷaki, ki Ishak in tangoinya, mogoguyang naton.
11Wakutu in adií doyowa tatua diaípa pinononggadií; sinantuídon muna i Allah ki ine im piliíon-Nya kon singgai mo'iduduimai. Onu im pinilií i Allah, de'emanbií no'idoyon kon onu inta komampuan aidan in intau, ta'e pinodoyonbií kon ibog i Allah tontanií. Sing kowakutu ing ki adií i Ribka doyowa tatua diaípa mota'au mogaid kon onu inta mopia ande inta mora'at,
12munadon pinoguman i Allah ko'i Ribka kon, "Inta guya-guyang mobantung kon inta ai-ai."
13Kom bonu im Buk Mosuci aim pinais nana'a, "Ki Yakub ing kotabi-Ku, ta'e ki Esau ing kodoií-Ku."
14Aka natua yo onu in singogon naton? Diaí moaídil degaí ing ki Allah? Ki Allah im moaídilbií!
15Sing ki Allah ain noguman ko'i Musa nana'a, "Aku'oi mopo'ontong im barakat kon intau inta ko'ibog-Ku popo'ontongan im barakat tatua, bo Aku'oi mopo'ontong in tabi-Ku kon intau inta ko'ibog-Ku popo'ontongan in tabi-Ku tatua."
16Daí tuamai kaputusan i Allah diaíbií no'idoyon kon ibog in intau ande kon ḷopií in intau, ta'e pinodoyonbií kong kasanangan ing gina-Nya kon intau inta pinilií-Nya tatua.
17Sing kom Buk Mosuci aim pinais doman nana'a, "Ki Allah noguman ko'i Piraun, raja im Mesir, 'Aku'oi mopobalií ko'inimu raja, simbaí popo'ontongan ing kawasa-Ku bo tangoimu mo'iwayadon kom bayongan dunia na'a.'"
18Daí ki Allah motabií kon intau inta kino ibog-Nya. Bo popotogaton-Nya ing gina intau tobatuí aka tua ing ko'ibog-Nya doman.
19Utat mita, mo'ikow im mogumanbií nana'a ko'inakoí, "Aka natua yo nongonu sing ki Allah im mo'ibogpabií mopotaḷaí in intau? Ki ine im mokoḷamboi kon ibog i Allah?"
20Ta'e,Utat! Ikow tongaíbií intau ilo-ilow, bo ikow in diaíbií mokobalií momayow ko'i Allah! Pot im bungan mota'au degaí im moliboí kon intau inta nomia ko'inia, "Nongonu sin inaidanmubií nana'a in aku'oi?"
21Intau inta mogogaid kom pot tatua oyuíonbií in haknya momia kon ḷamentong podudui in ibognya tontanií! Nongkon ḷamentong tobonsig mota'aunyabií pomia'an pot doyowa; tobatuí pomia'annya kopira'an bo tobatuí doman im pomia'annya diaí totok kopira'an.
22Naí doman tuata im pinomia i Allah. Sia mo'ibog mopoyaput in toruí-Nya bo mopo'ontong ing kawasa-Nya. Ta'e Sia mosabar moko'ontong ko'i monia inta musti hukumon sin ain nogaid kon onu inta mokosakií kong gina-Nya.
23Ki Allah im mo'ibog doman mopo'ontong ing kobiagan mopia ko'i naton inta kinotabi-Nya. Kita in sinadia-Nyadon motarima kong kobiagan mopia tatua.
24Kitabií na'a inta ain inoinií-Nya. De'emanbií tongaí intau in Yahudi ta'e bangusabií doman mita ibanea.
25Sing kom bonu im buk i Nabi Hosea, ki Allah noguman nana'a, "Intau mita inta de'eman umat-Ku, in tangoion-Kudon umat-Ku'. Bangusa inta diaí kotabi-Ku, tangoion-Kudon kinotabi-Ku.'
26Bo kon tampat inta pinonagoian kon intau, 'Mo'ikow de'eman umat-Ku,' kon tampat tatuata intau mita tangoiondon ki adií mita i Allah inta nobiag."
27Ki Nabi Yesaya nosingog nana'a kon soaáḷ intau Israel, "Umpakahbií kobayong intau Israel naí kobayong im bungaion kon dagat, ta'e tongaíbií topilik im mosaḷamat;
28sing ki Tuhan ḷagidon mopoḷabuí in hukuman kon tombonu in dunia na'a."
29Ki Yesaya noguman doman nana'a, "Aka kuma bo ki Allah inta Totok im Mokawasa diaí nonaḷaímai ko'i naton kong katurunan, yo pasti kita komintan aim bidon nobalií naí Sodom bo Gomora."
30Daí nana'a ing kasimpulannya: "Bangusa mita ibanea inta de'eman Yahudi diaíbií moramiji kombaí motompia bui in hubungan monia takin i Allah. Ta'e lantaran mosia mopirisaya, daí sinompiadon bui i Allah in hubungan monia takin-Nya.
31Ta'e aka intau in Yahudi umuran moramiji dumudui kon hukum in agama simbaí motompia bui in hubungan monia takin i Allah. Tongaí diaí mokodapot i mosia.
32Nongonu sin diaí mokodapot i mosia? Soaáḷnya moramiji i mosia, ta'e diaí pinodoyon monia kom pirisaya ko'i Allah, tongaíbií pinodoyon monia kon oaíid monia tontanií. Daí mosia noḷabuí kom batu inta kopopintudan."
33Kom Buk Mosuci aim pinais nana'a soaáḷ batu tatua, "Tarukiradon in na'a: Ain inukatan-Ku in Sion tobatuí batu inta mokopopisií kon intau mo'ipintud; tobatuí batu moḷoben inta mokopopisií kon intau mo'idompaḷak. Ta'e intau inta mopirisaya ko'i-Nia diaíbií pokopo'oyaían-Nyamai."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel