1No'iduduimai kon tua, inontongku kon ḷangit tobatuí soaáḷ inta mokoherang totok bo diaí im poliuan kon tua. Pitu im malaekat, bo pitu doman in roriga pangabisan. Na'adon im pangabisan totok ki Allah mopoḷuai in toruí-Nya.
2Nopaḷut makow kon tua aku'oi noko'ontong kon inta ko'ontongan naonda bo dagat kaca inta noyoba'uk in tuḷu. Aku'oi noko'ontong doman kon intau mita inta ain no'untung nongkon mahaḷuk bo patongea tatua, bo noko'untung domandon kon intau inta tangoinya ain sinon tanda'an in angka. Intau mita inta ain no'untung tatua sinimindog kom bingkií in dagat kaca bo kokada-kadai ing kecapi inta inogoi i Allah ko'i monia.
3Bo mosia nopomanyanyi im lagu i Musa, bobantung i Allah, bo lagu i Adií in Domba. Nana'a im manyanyi tatua, "O.. Tuhan, Allah Inta Totok Mokawasa, totu'u moḷoben bo mokoherang im bayongan inta inaidan-Mu! O..Raja im bayongan bangusa, totu'u moaídil bo mobanar im bayongan oaíid-Mu!
4Ki inebií in diaí mo'ondok ko'i-Nimu, Tuhan? Ki inebií in doií mopota'au ing kamulia'an-Mu? Tongaíbií Ikow i mosuci. Bayongan bangusa mamangoibií mosumbah ko'i-Nimu sin aid-Mu mita inta moaídil ain inontong im bayongan intau."
5Onda intua inontongku Baḷoi Tuhan kon soroga nobukat, bo kemah i Tuhan kom bonunya.
6Bo malaekat taya pitu takin roriga pitu tatua iḷumuai nongkon Baḷoi i Allah. Mosia nogiḷambung in ḷambung nobudoí inta moaáḷus totok bo mopo'uli-ulinag. Bo dodob monia pinakeían in sabuk inta pinomia nongkon buḷawan.
7Onda intua, tobatuí mahaḷuk inta nongkon sigad im mahaḷuk opat tatua nobogoi kom malaekat pitu tatua im palo pitu inta nongkon buḷawan bo inta nopuling in toruí i Allah, Ki Allah inta nobiag mononoi.
8Daí Baḷoi i Allah tatua nopulingdon im poyok kamulia'an bo kawasa i Allah. Bo solama roriga pitu inta dinia im malaekat tatua diaípa mopaḷut, yo diaíbií tobatuímai intau im mota'au tumu'ot kom Baḷoi Allah tatua.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel