1Nopaḷut makow intua, aku'oi noko'ontong kon tobatuí malaekat noponag nongkon soroga. Malaekat tatua kokada-kadai ing kokunsi in irang popatoi bo rante moḷoben.
2Bo dinomoknya in naga tatua inta uḷag guranga, inta Ibilis ande dimukud mora'at tatua bo sinokignya in rante tatua toribu notaong ing ko'onggotea.
3Onda intua pinogonagnya bui in naga tatua kon irang popatoi bodongka sinaḷobannya poḷat kinunsiaín, simbaí naga tatua diaídon monguboḷ kom bangusa mita ko wakutu in diaípa modait in wakutu toribu notaong. Mopaḷut makow in wakutu tatua sia bulianpa motoyong.
4Bo aku'oi noko'ontong kon ḷolituían mita pomomarenta'an tatua inogoian kawasa monantuí kon hukuman. Inontongku doman in dimukud in intau mita inta sinokorataí lantaran nopota'au in habar soaáḷ ki Yesus, bo lantaran nopoyaput ing koyow i Allah. Mosia tua in diaíbií nosumbah kom mahaḷuk tatua andeka patongnya bo doií doman sinanda'an kom pogot bo kon lima monia; daí mosia nobiag bui bo nomarentah saḷaku raja moyotakin i Kristus toribu notaong ing ko'onggotea.
5Na'adon im pertama-tamamai intau mita minatoi biniag bui. (Ta'e intau mita minatoi ibanea diaípabií biniag bui solama wakutu toribu notaong tatua.)
6Kosanangdon totok intau mita inta no'itakin biniag bui pertama tua. Mosia tua im patusbií mobalií kapunya'an i Allah. Sim popatoi induanya diaí bidon mongawasa ko'i monia. Mosia tua im mobalií imang mita i Allah bo i Kristus, bo mosia momarentah moyotakin i Kristus toribu notaong ing ko'onggotea.
7Naonda in toribu notaong tatua mopaḷutdon, Ibilis buliandon bui nongkon tampat pinohukuman ko'inia,
8bo sia maya-mayak makow monguboḷ kom bayongan bangusa inta no'i baya-bayak makow kon dunia na'a, tuata inta kong Gog bo Magog. Sipunon in Ibilis i mosia sim moparang, mobayong totok i mosia naonda bo bungaion kon dagat.
9Daí mosia irumangkap kom bayongan dunia bodongka nongopung kon perkemahan in umat i Allah bo kong kotaí inta kinotabi i Allah. Ta'e tuḷu noponag nongkon ḷangit bo nomokak ko'i monia.
10Onda intua Ibilis inta nonguboḷ ko'i monia tua, pinogambat kon yuaí-yuaík in tuḷu bo balerang. Tua in tampat pinoḷumbuían kom mahaḷuk bo intau mita inta de'eman totu'u nabi, bo roriga monia tua in diaíbií mogoga-gogai doḷom bo singgai.
11Nopaḷut makow kon tua, aku'oi noko'ontong kon tobatuí tampat pomomarenta'an inta nobudoí bo inta noḷoben bo Sia in ilimituí kon tua. ḷangit bo butaí no'inggamaí nongkon tayowon-Nya, sahingga in diaídon bui ko'ontongan.
12Bo aku'oi noko'ontong kon intau mita minatoi, guyanga-mongoaídií sinimindog kon tayowon tampat pomomarenta'an tatua.Bo tobatuí buk ibanea binukaídon, tuata im Buk Intau Nobiag. Onda intua hukuman pinoḷabuídon kon intau mita minatoi, podudui in oaíid monia podudui kon inta aim pinais kom bonu im buk mita tatua.
13Bo dagat noposarahkan domandon in intau mita inta kom bonunya. Popatoi bo dunianya noposarahkan doman in intau mita minatoi inta ko'i monia. Bo intau minatoi mita tatua komintan pinopoḷabuían in hukuman pinodudui kon oaíid monia.
14Onda intua popatoi bo dunianya pinogambat kom bonu in dagat in tuḷu. (Dagat in tuḷu tana'a ing kopatoian inta induanya.)
15Intau mita inta tangoi monia diaí pinais kom bonu im Buk Intau Nobiag, pogambat kom bonu in dagat tuḷu.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel