Alkitab Mobile SABDA
[VER] : [MONGONDOW]     [PL]  [PB] 
 <<  Yakobus 5 >> 

1Utat mita, intau inta nobiag no'oyuíon! Indongogaidon in tongginaku na'a. Mo'ikow musti mongombaḷ bo mogamui sim mo'ikow ing koaíntuganbií in roriga!

2Kakaya'anmu nion ain nobongkog. Pakeangmu aing kina'an in anoi.

3Buḷawan bo perakmu aing kinokoḷoban komintan ing kaliotaí, kaliotaí tatua im mobalií saksi moḷawang ko'i monimu bo daitonnya ka'anon in awakmu naonda bo tuḷu. Mo'ikow ain nosipun kong kapunya'an kon singgai mita pangabisan.

4Diaí inubolian monimu ing gaji i intau mita inta nogaid kong gobaímu. Tana'a indongogaidon in amui monia! Intau mita inta nosipun kon hasil ing gobaímu, kinumarak nokituḷung bo karak monia tua aing kinodongogan i Allah, Tuhan inta Totok Mokawasa.

5Mo'ikow ain nobiag no'oyuíon totok bo kinorasa'andon monimu ing kasanangan dunia na'a. Mo'ikow naonda bo mokopoḷongoídon kon awak sin rata'an kon singgai porataan.

6Mo'ikow mohukum bo molimod kon intau mita inta diaí kotaḷaí, bo mosia diaí momaḷawang ko'i monimu.

7Tuamai, posabardon utatku mita, dapot ki Tuhan mamangoi. Indoiaidon naonda ing kososabar in intau monononggobaí mogoḷat modapot im butaínya mobogoi in hasil inta mobogoi ing ka'untungan ko'inia. Umuran mosabar in sia mogoḷat kon uyan sempo ing kototakan bo uyan sempo im pononobur.

8Mo'ikow musti mosabar doman bo moḷoben ing gina, sin singgai koaíngoian i Tuhan nodiugdon.

9Dona'ai umuran mongunsingog bo mosipotaḷaían, simbaí mo'ikow diaí hukumon i Allah. Torop! Hakim nodiugdon, nobasadiadon mamangoi.

10Utat mita, toropdon in nabi mita inta nosingog pinodoyon kon tangoi Tuhan. Mosia nosabar bo notabah ing kinoaíntugan yoyiga. Daí baliídon im mosia saḷaku contoh.

11Mosia sinangoi nosanang sin notabah im mosia. Dinongogdon monimu in soaáḷ kososabar i Ayub, bo kinota'auan monimu pangabisannya binarakatan i Tuhan in sia. Sin tabi i Tuhan totok moḷoben bo Sia mopia ing gina.

12Na'a in soaáḷ inta totok moponting: Dona'ai mongibot, pinomayak podoyon kon ḷangit ande podoyon kom butaí, andeka podoyon kon onukadon. Pogumandon "O..o" aka totu'u o..o, bo pogumandon "Diaí" aka diaí, simbaí diaí im mo'ikow popoḷabuían i Allah in hukuman.

13Aka kon sigad monimu oyuíon ing kinoaíntugan in roriga, yo musti in sia mosambayang. Aka oyuíon im moḷunganga, yo musti in sia momanyanyi modayow ko'i Allah.

14Aka oyuíon im motakit, yo musti in sia mogoinií kon itoi mita in jama'at. Bo itoi mita in jama'at tatua musti mosambayang kon intau inta notakit tatua bo poḷat mopoḷepo in ḷana podoyon kon tangoi i Tuhan.

15Aka sambayang monia pinoyaput takin noyakin, yo undamanbií i Tuhan intau inta notakit tatua, bo ampungan-Nya doman in dosa mita inta ain inaidannya.

16Tuamai mo'ikow musti mosi akuan kon taḷaí bo mosi sambayangan, simbaí undaman im mo'ikow. Sambayang in intau inta dinumudui kon ibog i Allah, moḷoben ing kawasanya.

17Ki Elia in tumpaḷa doman intau naí kita na'a. Sia nosambayang totu-totu'u nopo'igum simbaí diaí monguyan-nguyan, daí diaí doman nonguyan-nguyan solama toḷu notaong kapin.

18Onda intua sia nosambayang bui, daí ḷangit buidon nobogoi in uyan sahingga butaí nobogoidon in hasilnya doman.

19Utatku mita! Aka kon sigad monimu oyuíon in intau inta diaídon dinumudui kon totunduí nongkon i Allah, bo oyuíon in tobatuí intau ibanea nodia kon intau tatua nobui mangoi ko'i Allah,

20yo toropdon in ayat tana'a: Intau inta ain nodia mangoi bui ko'i Allah kon tobatuí intau baradosa, yo intau tatua ain noposaḷamat kon jiwa intau baradosa tatua nongkon kinopatoiannya bo nokopopisií kon nobarong dosa inampungan. Hormat nami, Yakobus



 <<  Yakobus 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel