1Aloh aku hakotak hapan sepsimpan basa ain oloh kalunen, atawa basa malekat haream, tapi aku dia sinta kare oloh beken, maka kare kotakku te baya auh je hai tapi jaton rimae.
2Aloh aku tau manyampai barita bara Hatalla, tuntang harati kakare hal je handalem, tuntang katawan kare taloh handiai hayak paham percaya dengan Hatalla sampai olih mamindah bukit, tapi amon aku jaton sinta dengan kare oloh beken, maka aku jaton rimae en-en!
3Aloh aku mambagi kare ramongku hapa manenga sadakah akan kare oloh je belom susah, tuntang aku manyarah arepku akan indu parapah, tapi aku jaton sinta dengan kare oloh beken, maka taloh handiai te jaton gunae samasinde.
4Sinta te sabar tuntang bahalap atei. Ie dia ingalasot awi kahirin atei, dia basasumbar, dia balecak.
5Ie dia gantong ateie, dia kasar, dia mamaksa oloh beken uka manumon kanahuang ayue kabuat, dia kea murah tersinggung, tuntang dia mingkes kasingi huang ateie.
6Sinta te masi dengan kare oloh beken, dia rajin dengan gawi papa, ie baya rajin dengan taloh bahalap.
7Ie olih manyarenan kare taloh handiai tuntang handak percaya dengan taloh je pangkahalape akan oloh handiai; huang keadaan en bewei, sinta te dia puji nihau kaharape tuntang sabar mentai kare taloh handiai.
8Jaton puji aton katikae akan oloh mangat terai sinta sama arepe. Metoh toh aton oloh je pintar manyampai barita bara Hatalla, tapi rahian kareh ie terai manyampai barita te. Metoh toh aton oloh je pintar hakotak huang sepsimpan basa je bakahera-heran, tapi rahian kareh ie akan terai hakotak huang kare basa te. Metoh toh aton oloh je mangatawan are hal, tapi rahian kareh taloh je ingatawan ewen te akan ingalapean.
9Basa, pangatawan itah tuntang kaolih itah manyampai barita bara Hatalla, magon hindai tinduh-barasih.
10Rahian kareh akan sampai katikae Hatalla mawi taloh handiai te tinduh-barasih, tuntang je dia tinduh-barasih te akan nihau.
11Metoh aku magon anak korik, aku hakotak kilau anak korik, pangkemeku sama kilau anak korik tuntang aku manirok sama kilau anak korik. Toh aku jari bakas; hadatku je kilau anak korik te jari inganangku.
12Taloh je gitan itah wayah toh jete sama kilau kangkalingen je hawor intu saramin. Tapi rahian kareh itah akan mite balalu tarang. Toh aku hindai katawan taloh handiai, tapi rahian kareh aku akan katawan taloh handiai sama kilau Hatalla mangatawan taloh handiai tahiu arepku.
13Jadi, akan katika toh aton telo hal je musti tetep itah malaluse: percaya, bara kaharap tuntang hasinta sama arep. Je paling mambatang bara katateloe te iete masi tuntang sinta dengan kare oloh beken.
<< 1 Korintus 13 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel