Alkitab Mobile SABDA
[VER] : [NIAS]     [PL]  [PB] 
 <<  2 Korintus 9 >> 

1Sindruhunia, lõ moguna sa'ae usura zura khõmi sanandrõsa ba dolotolo nifa'ohe'õma ba mbanua Niha Keriso si so ba Yudea.

2Aboto ba dõdõgu wa no somasi manolo ami, ba no usunosuno ami ba mbanua Makedonia. No uw̃a'õ khõra, wa ira talifusõda si so ba Nakhaya i'otarai ndrõfi si lalõ no mama'anõ ira ba wame'e tolotolo. Ba fa'aterou dõdõmi andrõ no mõi famarou dõdõ zato khõra.

3Iada'e ufatenge Dito ba darua dalifusõ tanõ bõ'õ andrõ khõmi, ena'õ hadia zi no usunosuno ba khõmi bõi tobali fayafaya. Bõrõ da'õ, ena'õ no mama'anõ ami, no uw̃a'õ khõra wa no mama'anõ ami ba halõw̃õ dolotolo andre.

4Ba mangiwa sibai dõdõgu, ma so niha Makedonia si fao khõgu dania ba ginõtõ wangondrasigu ya'ami. Ba na la'ila wa lõ nasa sama'anõ ami, alai wa'ailama dania, bõrõ me no maw̃a'õ wa faduhu sibai dõdõma khõmi! Ba ya'ami gõi õsa zaila dania.

5Andrõ wa no uw̃a'õ tõdõgu moguna ufowaõwaõ dalifusõ andre khõmi, ba wo'urusi tolotolo si no mifabu'u andrõ. Ufalua da'õ, ena'õ na so ndra'odo dania, ba no awai mi'owuloi mbe'elõmi andrõ. Bõrõ zi manõ, oroma wa be'elõmi andrõ, mibe'e ia faoma fa'aohagõlõ, ba tenga bõrõ wa nifaso.

6Mitõngõni! Niha si lõ oya'oya mamazaewe tanõmõ, ha ma'ifu ibasi gõi mbua. Ba niha soya mamazaewe tanõmõ, da'õ zoya mamasi mbua dania.

7Balazi dõdõ zamõsana ba wame'e. Bõi ibe'e si fao fa'abu dõdõ, ba ma zui hulõ nifaso, bõrõ me I'omasi'õ Lowalangi niha same'e ba wa'aohagõlõ.

8Ba no abõlõ Lowalangi ba wame'e khõmi howuhowu irege fahõna, ena'õ oi so manõ khõmi hadia ia ni'oguna'õ; ba ena'õ so zi tõra khõmi, ba wolau si sõkhi, ba ba wamuala.

9Si mane si so ba Mbuku Ni'amoni'õ, "No Ifazaewe wame'e ba niha si numana; fa'asõkhi dõdõ-Nia lõ mamalõmalõ irugi zi lõ aetu."

10Lowalangi zame'e tanõmõ ba zanaru, ba õ ni'a soguna khõda. Lowalangi gõi zame'e ba sangoya'õ bua zinanõmi, ena'õ monõnõ mbua wa'obõwõmi andrõ.

11Bõrõ zi manõ, fahõna khõmi fefu hadia ia irege tola manõ mibe'e wanolo si fao fa'obõwõ. Ba nibe'emi andrõ nifaosafaosama, no mõi bõrõ wa ato niha sangandrõ saohagõlõ khõ Lowalangi.

12Me amuata si sõkhi si no mifalua andre tenga ha famõnõkhi zo'ambõta mbanua Niha Keriso manõ, no tobali bõrõ wa ato niha sangandrõ saohagõlõ khõ Lowalangi.

13Ba moroi ba wanolo ni'oroma'õmi andrõ, ba ato Niha Keriso ba Yudea zanuno Lowalangi, bõrõ me la'ila wa lõ farõi ami ba Duria Somuso Dõdõ andrõ sanandrõsa khõ Keriso, ni'o'õmi andrõ. Lasuno gõi Lowalangi bõrõ me sõkhi mbõwõmi ba wamuala khõra ba ba niha bõ'õ fefu, hadia ia zi so khõmi.

14Ba mangandrõ ira salahimi si fao tõdõ fangomasi'õ ya'ami, bõrõ Lowalangi si sõkhi sibai tõdõ andrõ khõmi.

15Ya tasuno Lowalangi ba mbuala-Nia andrõ, si tebai taw̃a'õ wa'ebua!



Download Audio MP3 (2 Korintus 9):
Mobile (Low Quality) - CD (High Quality)

 <<  2 Korintus 9 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel