1Nạung kạngerẹ i kamene nate tuhụ marohkẹ̌ ual᷊ingu i kamene marosa ringangu lụlawang titan Duata.
2Su tempo ene i kamene tụtol᷊e manga tundun dunia ini; mangal᷊ene i kamene tụtuhụ těmbonang u kawasam binangaeng mal᷊oahẹ̌, kụ kai rohkẹ̌ ete ini mang bědang měkẹ̌karadiahang su taumata lụlawang Duata.
3Kal᷊amona i kitẹ kěbị e měngkai mẹ̌sul᷊ung i sire; i kitẹ e měbẹ̌biahẹ̌ tụtuhụ kapulung kitẹ taumata, ringangu měbẹ̌batụ e patikụ kapulung gěsi ringangu tiněnnang kitẹ. Su tempo ene i kitẹ e kai taumata hinong makahombang dal᷊angehu Ruata lai kerẹewe lai i sire wal᷊ine.
4Kaiso apạe kasariane karal᷊ondo'n naungu Ruata! I Sie kerẹeng kakěndage si kitẹ,
5hakịu su tempong i kitẹ nạung bẹ̌dang kinapateěng u rohkẹ̌ e kahiạen pẹ̌sasal᷊ang kitẹ e, ute i Sie napẹ̌biah'i kitẹ e kapia ringang i Kristus. Kụ kẹ̌tabeng ual᷊ingu kapian naungu Ruata e i kamene apakasal᷊amat'i Sie.
6Ual᷊ingu i kitẹ e nasěmbaụ dingang i Kristus Yesus, Duata e měmiah'i kitẹ kapia ringang'E, tadeạu mapakaiang i kitẹ sěngkakaiang dingang'E su ral᷊ungu sorga.
7Duata e mẹ̌koạ kerene tadeạu su tempọ e ramahi kạděntane taumata e makasilo u kereapa kasěllahe kakěndagu Ruata. Kakěndagẹ̌ ene nilahẹu Ruata su kapian naung'E si kitẹ nilahẹ e si Kristus Yesus.
8Mawu Ruata e kụkěndag'i kamene, hakịu ene i Sie měngambang si kamene, watụ u i kamene mạngimang si Yesus. Kasasal᷊amat'i kamene e wal᷊inewe ual᷊ingu ěnạu munaranu sěmatang. Kaiso ual᷊ingu al᷊amatu Mawu. Kụ tawẹu sarang sěngkatau makal᷊esạu ene.
9(2:8)
10I kitẹ e kai riadikang u Mawu, niriadine su ral᷊ung i Yesus Kristus, Mawu e něluhudẹ̌ si kitẹ tadeạu i kitẹ mẹ̌koạbe hal᷊ẹ̌ mapapia nisadian'E waug'i kitẹ.
11Manga anạ u sěmbaụ bal᷊ine tau Yahudi! Pẹ̌tahěndungko kakakoạ i kamene nạung kangerẹ: I kamene nisěbạ, "taumata ta sasunateng", kahian tau Yahudi mẹ̌ngakum batangeng i sire taumatan sunatẹ̌ (timonane ute i sain seng piạ tatialane nikoạ u taumata su wadang i sire).
12Su tempo ene i kamene mamben tawe nasěmbaụ dingang i Kristus, i kamene e kai taumata raghị tawe nasowa pinilen Duata. I kamene tawe nasowa su ral᷊ungu kal᷊ahěmpukangu pẹ̌dariandi kinoạ u Ruata ringangu umat'E. I kamene nẹ̌biahẹ̌ su ral᷊ungu dunia ini e tawẹ harap'i kamene ringangu tawẹ Duatang kamene.
13Arawe ini ute, ual᷊ingu i kamene seng nasěmbaụ dingang i Kristus Yesus, i kamene nạungbe marau e seng niapakarani ual᷊ingu kapapohong i Kristus.
14U i Kristus sẹ̌sane e kai pẹ̌darameng kitẹ. I Sie napakasěmbaụ u tau Yahudi ringangu wal᷊ine Yahudi nakoạ bansa sěmbaụ. Darěndung nakasara si sire e, kai pẹ̌sasitori e seng nitěnehi Kristus su pananarakangu watangeng'E.
15Torat'u agamang Yahudi ringangu titane lawọ ringangu manga haghing tundu e seng nirẹ̌dasi Kristus tadeạu bansa rarua e makoạ sěmbaụ bansa'n taumata wuhu, niapakasěmbaụ dingang'E. Kerene ral᷊eng i Kristus nẹ̌koạ pẹ̌darame.
16Ual᷊ingu kapapohong'E sukalu pinẹ̌kěhusẹ̌, i Kristus napakasěmbaụ u bansa rarua e ringangu napẹ̌damen sire ringangu Mawu, hakịu nailangke pẹ̌sasědụ e.
17Kai ene hakịu i Kristus diměnta měhabaru Injilẹ̌ mạanun pẹ̌darame ene si kamene; baẹ si kamene wal᷊ine tau Yahudi kụ nạung kal᷊imona maraun Duata, baewe su tau Yahudi maranin Duata.
18Ual᷊ingu i Kristus e i kitẹ kěbị -- baẹ tau Yahudi baewe lai wal᷊ine Yahudi e -- ual᷊ingu Rohkẹ̌ u Ruata e man sěmbaụ e nakakaranin Duata i Amang.
19Batụu ene ute i kamene semben bal᷊inewe tau raghị arau taumatan likude. I kamene ini e kěbị seng lawọ kawanuan Duata. I kamene e kai ral᷊ohom bal᷊em Mawu Ruata e.
20I kamene lai nipararisị su wowon pondasi piněllọu manga rarolohange ringangu manga nabi, kụ i Kristus Yesus nakoạ batu pinẹ̌bukuange.
21U kai i Sie nělanging bal᷊e ene kụ nakoạ Bal᷊en Duata nitani waugu Mawu.
22U pẹ̌bawiahẹ̌ e nasěmbaụ dingang i Kristus, i kamene mal᷊aing pẹ̌pětikang sěngkapětị dingangu wal᷊ine, makoạ bal᷊e sěmbaụ baugu Ruata; kụ sene Ruata ringangu Rohkẹ̌'E mẹ̌tumanạ.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel