Ginompar ni si Juda pakon si Simeon
1Anak ni si Juda: Si Perez, si Hesron, si Karmi, si Hur pakon si Sobal.
2Si Reaya, anak ni si Sobal, ai ma bapa ni si Jahat, anjaha si Jahat ai ma bapa ni si Ahumai pakon si Lahad. Ai ma ginompar ni halak Sereati.
3Anjaha on do anak ni si Hur: Si Etam, si Jesreel, si Jisma ampa si Jidbas; anjaha si Haslelponi do goran ni botou ni sidea.
4Ambah ni ai si Penuel, bapa ni si Gedor, anjaha si Eser, bapa ni si Husa. Ai ma anak ni si Hur, bunga tubuh ni si Efrata, bapa ni si Betlehem.
5Ia si Ashur, bapa ni si Tekoa, dua do parinangonni, si Helea pakon si Naara.
6Itubuhkon si Naara do bani: Si Ahusam, si Heper, si Temmi, si Ahastari, ai ma anak ni si Naara.
7Anak ni si Helea: Si Seret, si Sohar pakon si Etnan.
8Si Koa ai ma bapa ni si Anub, si Hasobeba pakon ginompar ni si Aharhel, anak ni si Harum.
9Sangapan do si Jabes humbani saninani; ibahen inangni do goranni si Jabes, ai nini do: Borit tumang do huahap manubuhkonsi.
10Idilo si Jabes do goran ni Naibata ni halak Israel, nini, “Sai pasu-pasu Ham ma ahu anjaha pabolag Ham ma tanohku; anjaha sai itumpak tanganmu ma ahu, anjaha padaoh Ham ma hamagouan humbangku, anjaha ulang ma sogop sitaronon bangku.” Jadi ibere Naibata ma na pinangindoni ai.
11Si Kelub, sanina ni si Suha do bapa ni si Mehir, ai ma bapa ni si Eston.
12Si Eston do bapa ni si Betrapa, si Pasea pakon si Tehina bapa ni si Irnahas. Ai ma halak na hun Reka.
13Anak ni si Kenas: Si Otniel pakon si Seraya; anak ni si Otniel ai ma si Hatat pakon si Meonotai.
14Si Meonotai ai ma bapa ni si Opra; anjaha si Seraya ai ma bapa ni si Joab, bapa ni halak na marianan i habungan Tuhang, ai tuhang do sidea.
15Ia anak ni si Kaleb, anak ni si Jepunne, ai ma: Si Iru, si Ela pakon si Naham; anak ni si Ela si Kenas.
16Anak ni si Jehallelel: Si Sip, si Sipa, si Tirlya pakon si Asarel.
17Anak ni si Esra: Si Jeter, si Mered, si Eper pakon si Jalon. On ma anak ni si Bitiah, boru ni Parao, parinangon ni si Mered; boratan rumah ma ia anjaha itubuhkon ma si Miryam, si Sammai pakon si Jisba, bapa ni si Estamoa.
18Anjaha parinangonni, boru Jahudi ai, manubuhkon si Jered, bapa ni si Gedor; si Heber, bapa ni si Soko pakon si Jekutiel bapa ni si Sanoa.
19Anak ni parinangon ni si Hodia, botou ni si Naham, ai ma bapa ni si Kehila, halak Garmit pakon si Estemoa halak Maahati.
20Anak ni si Simon: Si Ammon, si Rinnah, si Benhanan pakon si Tilon. Anak ni si Jishi: Si Sohet pakon si Bensohet.
21Anak ni si Sela, anak ni si Juda ai: Si Er, bapa ni si Leka pakon si Lada, bapa ni si Maresa ampa ginompar ni halak sitonun hiou silopak na i Betasbea.
22Ambahni ai si Jokim pakon dalahi na i Koseba ampa si Joas pakon si Sarap, na ongga manrajai i Moab, dob ai mulak hu Betlehem, tapi barita na basaia mando ai.
23Sidea ai do sitopa hudon, na marianan i Netaim pakon Gedera; ijai do sidea marianan i lambung ni raja ai mangkorjahon horjani.
Ginompar ni si Simeon
24Anak ni si Simeon: Si Nemuel, si Jamin, si Jarib, si Sera pakon si Saul.
25Anak ni si Saul: Si Sallum; anak ni ai si Mibsam, bapa ni si Misma.
26anak ni si Misma: Si Hamuel; anak ni ai si Sakkur, bapa ni si Simei.
27Sapuluh onom halak do anak ni si Simei, anjaha onom do boruni, tapi seng sadia ramos anggo anggini ai, seng songon panggargar ni ginompar ni si Juda haganup ginompar ni sidea.
28Marianan do sidea i Berseba, Molada, Hazarsual,
29Bilha, Esem, Tolad,
30Bethuel, Horma, Ziklag,
31Betmarkabot, Hasarsusim, Bet-Birei pakon i Saharaim. Ai ma huta ni sidea das bani panorang ni Raja Daud.
32Anjaha dusun ni sidea ai ma: Etam, Ain, Rimmon, Tohen pakon Asan, lima huta,
33ampa ganup dusun ni sidea ai, inggot ni huta-huta ai das hu Baal. Ai ma huta ianan ni sidea pakon tarombo ni sidea.
34Anjaha si Mesobab, si Jamle, si Josa, anak ni si Amasia,
35si Joel, si Jehu, anak ni si Josibya, anak ni si Seraya, bapa ni si Asiel,
36Si Elioenai, si Jakoba, si Jesohaya, si Asaya, si Adiel, si Jesimiel, si Benaya,
37si Sisa anak ni si Sipi, anak ni si Allon, anak ni si Jedaya, anak ni si Simri, anak ni si Semaya,
38ganup sidea na dob ginoranan ai, raja do sidea i tongah-tongah ni pangkuni, anjaha gargar tumang do ginompar ni ompung ni sidea.
39Halani ai merap ma sidea das hu Geran, das hu hapoltakan ni pamah ai, laho mangindahi sampalan bani biri-biri ni sidea.
40Jadi jumpah sidea ma sampalan na lambutan anjaha na dear, anjaha lumbang do tanoh ai, sonang anjaha damei; ginompar ni si Ham do ijai marianan parlobei.
41Roh do sidea, ai ma na dob tarsurat goran ni sidea ai, bani panorang ni si Hiskia, raja ni Juda, iparseda ma lampo-lampo ni ginompar ni si Ham, anjaha iraseihon ma halak Maon, na jumpah ijai. Bois tumang do sidea ronsi sadari on, anjaha sidea do marianan ijai gantih ni sidea, ai sungkup do ijai panampalan bani biri-biri ni sidea.
42Bungkas do homa humbani sidea, humbani ginompar ni si Simeon, lima ratus halak laho hu dolog Seir, anjaha si Platia, si Nearya, si Repaya pakon si Usiel, anak ni si Ishi do pambobai ni sidea.
43Iboiskon sidea do sima-sima ni halak Amalek na maluah ai, anjaha ijai do sidea marianan ronsi sadari on.
<< 1 Tawarikh 4 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel