Alkitab Mobile SABDA
[VER] : [SUNDA]     [PL]  [PB] 
 <<  Imamat 1 >> 

1Musa ku PANGERAN disaur ti jero Kemah Tepangan PANGERAN tuluy dipaparin aturan

2tina hal kurban pikeun urang Israil. Kieu: Lamun aya anu ngurbankeun sato, meunang sapi atawa domba atawa embe.

3Lamun anu rek dijieun kurban beuleuman teh sapi, kudu anu jalu sarta mulus. Jogokeun sapina hareupeun lawang Kemah Tepangan, sina kamanah ku PANGERAN.

4Tumpangkeun leungeun nu boga kurban kana sirah eta sapi, geus kitu kakara bakal katampi keur kurban pamupus dosa.

5Peuncit di dinya, getihna sanggakeun ka PANGERAN ku imam turunan Harun, kepret-kepret kana sakuriling altar anu aya di lawang Kemah.

6Kulitna sisit, awakna potongan.

7Imam kudu nyuluhan altar, sakalian ngahurungkeun suluhna.

8Sapi beunang motongan teh tumpangkeun luhureun seuneu katut sirah jeung gajihna.

9Jeroan jeung pingping tukang duanana ku nu boga kurban kudu dikumbah sing beresih, tuluy teundeun ku imam kana altar, hijikeun jeung baturna. Jadi kabeh kurbankeun. Ieu kurban kadaharan, anu bakal katampi ku PANGERAN nya eta seungitna.

10Lamun pikurbaneunana domba atawa embe, sarua keneh kudu jalu tur mulus.

11Peuncit gigireun altar sisi kaler, kepret-kepret getihna ku imam kana sakuriling altar.

12Awakna potongan ku nu boga kurban, sagala babagian katut sirah jeung gajihna teundeun ku imam kana altar.

13Jeroan jeung pingping tukang duanana sina dikumbah ku nu boga kurban, kakara haturkeun ku imam ka PANGERAN, beuleum kabeh dina altar. Anu bakal katampi ku PANGERAN nya eta seungitna.

14Lamun manuk, kudu manuk japati atawa tikukur.

15Eta manuk ku imam kudu dibawa kana altar, beuheungna palitekkeun, sirahna beuleum dina altar. Urutan getihna sina ngeclak kana biwir altar.

16Telih jeung eusina piceun alungkeun kana tempat lebu wetaneun altar.

17Cekel puhu jangjangna, sowehkeun dadana sina beulah, tapi jangjangna ulah nepi ka semplak. Beuleum dina altar. Anu bakal katampi ku PANGERAN nya eta seungitna.



 <<  Imamat 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel