1PANGERAN ngandika, "Mangsa eta, Yuda jeung Yerusalem ku Kami rek disina mukti deui.
2Kami rek ngumpulkeun bangsa-bangsa, rek digiring ka Lebak Pangadilan. Di dinya, sagala kalakuanana ka umat Kami rek diadilan. Maranehna geus ngacak-ngacak urang Israil, dibacacarkeun di nagri-nagri sejen, jeung geus ngabagi-bagi Israil, tanah Kami.
3Maranehna ngalung dadu, ngundi saha nu bakal meunang tawanan. Barudak awewe lalaki dijarual, dijieun budak beulian, duitna dipake lacur jeung meuli inuman.
4Rek dijieun kumaha Kami ku maraneh, eh Tirus, Sidon, jeung wilayah Pelisti sakuliahna? Maraneh rek males pulih ka Kami? Lamun enya kitu, Kami ge baris gancang ngabales deui ka maraneh.
5Maraneh geus ngarampasan perak jeung emas milik Kami, sarta ngakut harta kakayaan Kami ka kuil-kuil maraneh.
6Maraneh geus ngaboyong urang Yuda jeung urang Yerusalem, dijauhkeun ti nagrina sorangan sarta dijarual ka urang Yunani.
7Ayeuna ku Kami rek dicokot deui ti dinya, ti tempat dijualna. Kalakuan maraneh ka maranehna ku Kami rek dibales.
8Anak maraneh, awewe, lalaki, ku Kami rek dijual ka urang Yuda, sarta ku maranehna baris dijarual deui ka nu jauh, ka urang Syeba. Kami, PANGERAN, geus ngandika.
9Embarkeun kieu ka sakabeh bangsa: ‘Geura tatan-tatan perang, panggil prajurit-prajurit, kumpulkeun serdadu-serdadu, terus maju!
10Mata-mata wuluku jieunan pedang, peso-peso pangkas jieunan tumbak. Nu halengker oge kudu milu jurit.
11Eh bangsa-bangsa sakurilingna, masing gancang dararatang, karumpul di ditu di lebak.’" Nun PANGERAN, kintunkeun balad Gusti, sina narajang ka maranehna.
12"Eta bangsa-bangsa sina tatan-tatan, sina maruru ka Lebak Pangadilan. Di dinya Kami, PANGERAN, baris ngaadilan bangsa-bangsa nu araya di sakurilingeun umat Kami.
13Maranehna pohara jarahatna. Babad rubuh cara ngababad gandum dina usum panen, giles ancur cara ngagiles buah anggur anu mucung dina pameresan, nepi ka cai anggurna mudal.
14Mangrebu-rebu lobana nu araya di Lebak Pangadilan. Nya di dinya poena PANGERAN bakal gancang-gancang datang.
15Panonpoe jeung bulan jadi poek, bentang-bentang pareum cahayana."
16PANGERAN ngagaur ti Gunung Sion, gentra-Na ngageleger ti Yerusalem, bumi jeung langit aringgeung. Tapi umat-Na mah baris diraksa.
17"Maneh, Israil, mun geus kitu bakal nyaho, yen Kami teh PANGERAN, Allah maraneh, Kami jumeneng di Sion, gunung Kami anu suci. Yerusalem bakal jadi kota suci, moal karebut deui ku bangsa sejen.
18Mangsa eta, gunung-gunung bakal katutup ku kebon anggur, pasir-pasir pinuh ku ingon-ingon, di sakuliah Yuda bakal loba cai. Hiji walungan bakal ngocor ti Bait Allah PANGERAN nyaian Lebak Akasia.
19Ari Mesir bakal jadi gurun keusik, Edom bakal burakrakan taya jalmaan, lantaran maranehna geus narajang nagri Yuda, jeung maehan rahayat anu teu salah.
20Kami rek mangmaleskeun sakur anu geus diparaehan, nu maraehanana moal dihirupan.
21Tapi Yuda jeung Yerusalem salawasna bakal aya pangeusina, sarta Kami, PANGERAN, baris matuh di Gunung Sion."
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel