Alkitab Mobile SABDA
[VER] : [TAA]     [PL]  [PB] 
 <<  1 Tesalonika 4 >> 

1Wali a’i-a’i, re’e wo’u to kami rani manganto’oka komi. Tempo kami re’e resi komi seore, tempo etu kami mampotundeka komi mangkonong lengko ngkatuwu to mampakasanang raya i mPue Allah. Pasi komi re’e mangika lengko ngkatuwu to ewa wetu. Wali kami mamporapika pasi mampaposiaka komi apa saba to naika i mPue Yesu see komi kanjo’unjo’u tiduga-dugang mangika lengko to ewa wetu.

2Apa komi mangansanimo paposia to kami mangawaika komi yako ri kuasa i mPue Yesu.

3Wali ewa si’i pamporani i mPue Allah resi kita. Ia rani kita mangika lengko ngkatuwu to masipato naika ntau to Ia Puenya. Ne’e kita magoyal pasi masala.

4Pasi kita to langkai ane marongo, anu kita mangika lengko to matao resi rongo ngkita samba’a pei samba’a. Ika lengko to masipato naika ntau to i Pue Allah Puenya, pasi to maya na’angga nsa’e.

5Ne’e kita mangalulu lengko to naika ntau to yusa to taa mangansani i Pue Allah. Apa tau etu ojo mangaluluka yau pamporani ngkoro nsira to maja’a resi to we’a.

6Wali ane mangkonong palaong to etu, ne’e re’e pasi samba’a kita to mangampake to we’a to si’a rongonya, bara mangika sala resi a’i ngkita to samba’a pangaya. Apa i Pue semo to mampakakonoka samparia palaong to ewa wetu, ewa kami roomo manganto’oka pasi mampatiendoka yami komi seore.

7Apa i Pue Allah taa mampokio kita damangika lengko to maja’a. Naka pei Ia mampokio kita see kita damangika lengko ngkatuwu to masipato naika ntau to Ia Puenya.

8Wali see naka i sema-sema tau to bo’onya mampodongeka gombo si’i, tau etu si’a mangampobo’o gombo nto lino. Ia mampobo’o gombo i mPue Allah to roomo mangawaika seja kita i Nosa Mapasing to yako resi Ia.

9Wali ane mangkonong pamporayang ngkomi resi pua’i to samba’a pangaya, nempo kami tamo mangantulisika komi mangkonong to etu. Apa komi roomo napotundeka i mPue Allah ewa wimba raika masiporayang.

10Pasi monso pu’u komi mamporayang samparia pua’i ngkita ri sambawo propinsi Makedonia. Pei kami mamporapika kojo resi komi see kanjo’u-njo’u tiduga-dugang pamporayang ngkomi etu.

11Pasi kami mamporapika seja see komi ne’e marotai katuwu ngkomi, pasi ne’e sangkani rani manganto’oka sa’e ewa wimba daraika palaong to si sira. Pei ika palaong ngkomija samba’a pei samba’a see damangarata anu to danupake ngkomi ewa to kami roomo mampaposiaka komi seore.

12Apa ane ewa wetu lengko ngkatuwu ngkomi, komi taa ojo marapi-rapi resi sa’e. Pasi ane ewa wetu lengko ngkatuwu ngkomi, komi damasipato na’angga ntau to taa mangaya i Pue.

13Wali a’i-a’i, kami rani komi manasa kojo mangkonong palaong to mawali resi tau to mangaya to namatemo, to raporapaka ewa tau to yore. Naka pei kami rani komi manasa see kamawo ndaya ngkomi taa dasewaju pei kamawo ndaya ntau to tare pansarumakanya.

14Apa kita mangaya i Yesu roomo namate yau pei mambangu muni yako ri kapateNya etu. Wali see naka kita mangaya seja, ane tau to mangaya i Yesu to namatemo, sira seja darawangu muni. Pasi tempo i Yesu dama’i muni, tempo etu tau to mangaya to namatemo etu, tonii nsira danawaika i mPue Allah ma’i seja sindara-ndara pei i Yesu.

15Wali gombo i mPue semo to kami manganto’oka komi si’i. Etu semo, kita to tuwuwa tempo danakama’i i mPue etu, kita taa damampatiruyu pei tau to namatemo yau damantomu i Pue.

16Apa tempo danakama’i i mPue etu, tempo etu kodi majoli daradonge loo to maroso dakaboo, sindara-ndara pei loo ngkepala mpomakau i mPue Allah pasi loo ntarompet i mPue Allah. Pasi tempo etu seja i Pue semo dama’i yako ndate saruga. Panewa tau to mangaya i Kerisitu to namatemo, sira darawangu ruyu.

17Panewa yako etu kita to tuwuwa datiokotaka sindarandara pei sira ri raya nu limu dasimparata pei i Pue ndate rao. Wali yako etu kita dasiwaka-waka pei i Pue rataka ri singkasaenya.

18Wali matao komi mangampake gombo etu masipakaroso raya samba’a pei samba’a.



Download Audio MP3 (1 Tesalonika 4):
Mobile (Low Quality) - CD (High Quality)

 <<  1 Tesalonika 4 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran