Alkitab Mobile SABDA
[VER] : [TAA]     [PL]  [PB] 
 <<  1 Timotius 2 >> 

1Wali uyu-uyunya aku mamporapika kojo see tau to mangaya makai-kai resi i Pue Allah mampokaika samparia tau. Tempo makai-kai etu, matao ane mamporapi anu to raparluu, mamporapika see i Pue Allah mangansawang sa’e, pasi manganto’oka Ia tarima matao.

2Pasi ewa see seja pokai-kaika makolemakole pasi samparia tau to bose pangkanya, see kita datuwu masanang pasi taa marotai. Pasi anu kita mangika lengko to singkonong pei i Pue Allah pasi to masipato na’angga nsa’e.

3Wali pokai-kai to ewa wetu matao, pasi mampakasanang i Pue Allah, to Pansompo ngkita.

4Apa Ia rani samparia tau darapalaes pasi damangansani anu to monso mangkonong Ia.

5Apa ojo samba’aja i Pue Allah pasi ojo samba’aja to mamponsaruka kita to lino resi i Pue Allah. To mamponsaruka kita etu to lino seja, etu semo i Kerisitu Yesu.

6Wali i Kerisitu Ia room mangawaika koroNya ngkalio damangalapa yau samparia tau yako ri kuasa nu dosa. Wali ratamo temponya to napilis i mPue Allah, Ia mampakanasaka to lino Ia rani samparia tau darapalaes.

7Wali apa saba to etu see naka aku rapilis mawali pomakau i mPue Yesu. Aku napokau i mPue dayau resi tau to si’a to Yahudi damampakarebaka sira kareba matao. Pasi aku mampotundeka sira mangkonong pangaya pasi mampotundeka sira anu to monso mangkonong i Pue. Monso pu’u to kuto’o. Aku taa mawuti.

8Wali si’i pamporaningku ane mangkonong tempo tau to mangaya siromu bara imbare damakai-kai. Tempo etu to langkai semo to mangokotaka palenya pei makai-kai, pei ojo to langkai to lengkonya singkonong pei i Pue Allah. Taa matao sira makai-kai ane tongo ngkaja’a ndayanya pasi matingka.

9Pasi si’i wo’u pamporaningku mangkonong to we’a to mangaya. Wali aku rani sira mampasilonga koronya mangampake pake to masipato napake ntau we’a to mangaya, to matao lengkonya pasi to nakurang manta’amaka pamporani ndayanya to maja’a. Apa ane tau we’a to mangaya, si’a mangayumpi wayuanya bara mampake wayawa pei mutiara bara mampake baju to masuli olinya to bae batuanginya. To bae batuanginya resi tau we’a to manganto’o sira mangaya i Pue Allah, etu semo palaong nsira to matao. Wali ne’e tau we’a mayabi raika mampakagaya koronya.

10(2:9)

11Pei aku rani tau we’a ojo maroti pasi simpalai pei mampodongeka anu to rapoguru.

12Pasi aku taa mangabiaka to we’a mampoguru pei mangkuasang to langkai. Sira ojo damaroti.

13Wali ewa see daraika apa saba i Adam ipapowali ruyu panewa i Hawa.

14Pasi si’a i Adam to ratipu, etu semo to we’a to ratipu pei mawali tau madosa.

15Pei to we’a darapalaes seja tempo sira moana ane sira tare pandoonya mangaya i Kerisitu, pasi mamporayang sa’e, pasi mangika palaong to singkonong pei i Pue Allah, pasi ane sira manta’amaka pamporani ndayanya to maja’a.



Download Audio MP3 (1 Timotius 2):
Mobile (Low Quality) - CD (High Quality)

 <<  1 Timotius 2 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran