Alkitab Mobile SABDA
[VER] : [TAA]     [PL]  [PB] 
 <<  2 Tesalonika 2 >> 

1Wali a’i-a’i, kami rani manganto’oka komi mangkonong kama’i i Yesu Kerisitu, Pue ngkita, pasi mangkonong temponya katiokotaka ngkita sindara-ndara dasimparata pei Ia. Wali ane mangkonong palaong to etu, kami mamporapika resi komi,

2see komi ne’e majoli masusa pampobuuka ngkomi. Pasi ne’e moru-moru raya ngkomi mangandonge kareba to manganto’o ratamo temponya i Pue mula maporenta ri lino. Ne’e mangaya kareba etu nempo nato’o ntau to mampoanika mamporata gombo i Nosa Mapasing, pasi nempo napotundeka ntau, pasi nempo nato’o ntau to mampoanika re’e sura yako resi kami to manganto’o ewa wetu.

3Wali nempo bara kesaa to nato’o ntau, ne’e natipu ntau etu. Kita mangansani taa monso gombo ntau etu apa kamonsonya tempo etu tawa darata ane tawa rata temponya boros tau tiokotaka yako ri lino si’i. Pasi temponya i Pue mula maporenta ri lino etu tawa darata ane tawa rapapokitaka resi to lino samba’a tau to mangewa kojo i Pue Allah, etu semo tau to taa maya taa darapakaja’aka yau.

4Wali tau to baraewa etu ia damangewa samparia to napue ntau pasi to nato’oka ntau Allah. Pasi ia damangokotaka koronya pei manganto’o, “Aku semo to baebae anggangku pei samparia to napue ntau.” Pasi ia damasua pei matunda ri raya banua i mPue Allah pasi damanganto’o, “Aku semo i Pue Allah.”

5Wali komi bara tawa mangkalingan gombo mami seore to mampakanasaka komi mangkonong palaong to damawali etu.

6Pasi komi mangansani mangkonong anu to manganta’amaka tau baraewa etu ri tempo si’i. Pasi ia tawa maya rapapokitaka resi tau ane tawa rata temponya.

7Kamonsonya tau baraewa etu re’emo mangika palaonginya ri lino, pei palaong etu rawuni apa ia tiroo rata’amaka. Pei ane ratamo temponya raoko yau Ia to manta’amaka,

8tempo etu semo tau maja’a etu darapapokitaka. Pei ojo karata i mPue Yesu, Ia damampopate yau tau maja’a etu Ia damangampake nosa to masuwu yako ri ngangaNya. Wali kayawa i mPue tempo danakarata etu damampakaja’aka yau kuasa ntau maja’a etu.

9Pei ane mangkonong palaong ntau maja’a etu tempo ia tawa rapakaja’aka yau, kamonsonya palaong etu palaong i ngKepala Measa semo. Ia damangampake samparia kuasa i ngKepala Measa pei damangika palaong to mawali tondong resi tau pasi palaong to taa rapobiasa to mampakaipu raya ntau apa ia rani mangantipu sira.

10Pasi tau baraewa etu damangika samparia jaya to maja’a mangantipu tau to darapakaja’aka yaumo. Pei naka pei sira darapakaja’aka yau apa saba sira bo’onya manga’angga kareba to monso to maya mangampalaes sira.

11Wali apa sira bo’onya manga’angga kareba to monso etu, see naka i Pue Allah damangika see sira tamo kojo nansani mampasisala anu to monso pasi anu to taa monso. See naka ojo wuti to naaya nsira.

12Pasi naka pei i Pue Allah damangika ewa wetu see samparia sira paka darahuku, etu semo tau to taa mangaya kareba to monso, pei to masanang mangika palaong to maja’a.

13Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

14(2:13)

15Wali a’i-a’i, ane ewa wetu, pakaroso pangaya ngkomi. Pasi kongko kojo paposia to roomo kami mamporata resi komi tempo kami mampotundeka komi seore pasi to kami mangantulisika komi ri raya nsura.

16Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

17Wali kami mamporapika resi Ia see Ia mampakaroso raya ngkomi pasi mampakaroso pangaya ngkomi see gana karoso ngkomi damanganto’o pasi damangika samparia anu to matao.



Download Audio MP3 (2 Tesalonika 2):
Mobile (Low Quality) - CD (High Quality)

 <<  2 Tesalonika 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel