1Wali ne’e mandoo masiporayang ewa to masipato naika ntau to pua’i to samba’a pangaya.
2Pasi ne’e kalingan mampalinggona tau to rata. Apa re’e tau tempo owi to nawaika i mPue Allah rasi apa saba sira mampalinggona tau to rata. Sira mampobuuka tau to napalinggona nsira etu ojo to lino semo pei si’a. Kamonsonya to napalinggona nsira etu, etu semo pomakau i mPue Allah yako ndate saruga. Wali see naka matao ane kita ne’e mangkalingan mampalinggona tau to rata.
3Pasi ne’e seja kalingan yunu ngkomi to ratarungku. Porayang sira ewa nuporani sa’e mamporayang komi ane ratarungku seja sindara-ndara pei sira. Pasi ne’e mangkalingan tau to nasesai nsa’e, apa komi re’e seja koro to maya nasesai nsa’e.
4Wali ane mangkonong katuwu ntau samboko, bae kojo batuanginya. Wali masipato samparia tau manga’angga katuwu ntau samboko etu. Pasi ne’e masala bara magoyal, apa palaong to etu ojo mampakarikasika katuwu ntau samboko etu. Wali samparia tau to masala pasi to magoyal paka danahuku i mPue Allah. Wali angga katuwu ntau samboko.
5Pasi ri raya ngkatuwu ngkomi, jagai kojo naka ne’e mamporayang doi. Pasi pakasanang raya ngkomi nempo bara ojo kesaa to re’e resi komi, apa i Pue Allah roomo manganto’o, “Aku taa ojo damangabiaka komi, pasi Aku taa damampiyaika yau komi.” Etu semo gombo i mPue Allah.
6Wali apa saba i Pue Allah taa mampiyaika kita, see naka kita maya maroso rayanta pasi see naka kita maya manganto’o, “I Pue semo to mangansawang aku, see naka aku taa meka rayangku mampobuuka palaong to danaika nto lino resi aku.”
7Wali ne’e kalingan yau penatua ngkomi to mamporataka komi tuntu i mPue Allah tempo ruyu. Pobuuka kojo lengko ngkatuwu nsira rataka tempo ngkapate nsira, pasi rapasiwajuka pangaya nsira. Apa sira mampotundeka komi mangkonong i Yesu Kerisitu, pasi
8i Yesu Kerisitu tare pombaliNya. Ewa wimba Ia tempo ruyu, ewaja see seja Ia ri tempo si’i pasi rataka ri singkasaenya.
9Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.
10Wali monso pu’u kita to mangaya re’e pampue to mampakalino dosa ngkita, pei pampue etu si’a pampue to rakoni. Pasi to pampue to tiroowa mapalaong nja’u tenda i mPue Allah, taa masipato sira mangkoni pampue ngkita etu.
11Pasi kamonsonya ewa see seja pampue to nakenika nto pampue to bae angganya i Pue Allah see Ia tamo damangkitanaka dosa ntau. Apa tempo etu raa binatang semo to ia mangkeni njo’u raya nsongi to mapasing kojo. Pei koro nu binatang etu rakeni ri sambali ntampa nakaroo nto Israel panewa ratunju yau. Wali pampue etu taa seja rakoni.
12Pasi ewa see seja pampue to nakeni i Yesu mangansompo dosa nto lino. Apa koro i Yesu rasesai ri sambali ngkota see Ia maya mangampake raaNya damangika see tau maya mawali i Pue Allah Puenya.
13Wali apa saba etu, ewa naika i Yesu buya rayaNya yau ri sambali ngkota danarunes ntau, anu kita buya seja rayanta ewa mangampago Ia njo’u sambali ngkota nempo kita narunes seja ntau sewaju ewa Ia seore.
14Apa ri lino si’i kita tare tampa to datakaroos rataka ri singkasaenya. Pei kita mangampeas kota to darata.
15Wali ane mangkonong pampue, kita re’e mangkenika i Pue Allah pampuenta yako pansawang i Yesu. Pei pampue ngkita etu, etu semo gombo ngkita mangabarong Ia pasi manganto’o, “Tarima matao, Pue Allah.”
16Wali ne’e kalingan mangika palaong to matao pasi mangansawang sa’e apa palaong to ewa wetu ewa pampue to mampakasanang raya i mPue Allah.
17Wali polaika penatua ngkomi pasi luluka songka nsira. Apa sira semo to mangararamaka katuwu ngkomi pasi sira semo to damamposonoka pampotanaka i mPue Allah mangkonong palaong nsira etu. Wali polaika sira see sira maya mangika palaong nsira ri kandende ndayanya. Apa ane komi taa mampolaika sira, sira damawo kojo rayanya mangika palaong nsira. Pasi apa saba komi taa mampolaika sira, see naka sira tamo bae karoso ndaya nsira mangansawang komi.
18Wali manasa kojo resi kami raya mami tare mangepe sala ri tango i mPue Allah. Apa kami sangkani rani mangika anu to masipato raika. Wali ne’e mangkalingan mampokaika kami.
19Pasi to bae kojo batuanginya resi aku komi makai-kai mamporapika resi i Pue Allah see tamo masae Ia damangawaika aku dayau muni resi komi.
20Pasi aku mampokaika komi seja. Aku makai-kai resi i Pue Allah to roomo mangawangu muni i Yesu, Pue ngkita, apa saba raaNya tempo Ia mate. Raa etu tondong parajanji to singkasaenya to naika i mPue Allah. Wali i Yesu mawalimo to Pangkampang to bae anggaNya pasi kita to mangaya raporapaka ewa domba to ikampangiNya. Wali aku makai-kai resi i Pue Allah, pu’u ngkarodo ndaya,
21see Ia damangawaika komi samparia to matao to parluu ngkomi damangika pamporaniNya. Pasi aku makai-kai see yako kuasa i Yesu Kerisitu, i Pue Allah damapalaong ri raya ngkita mangangika anu to mampakasanang Ia. Wali anu kita mangabarong Ia rataka ri singkasaenya. Amin.
22Wali a’i-a’i, aku mamporapika resi komi pakasanang raya ngkomi mangandonge paposiangku si’i. Apa sura to kutulisika komi si’i taa marade.
23Pasi aku rani mampaponsanika komi mangkonong a’i ngkita to samba’a pangaya, i Timotius. Ia roomo ralapa muni yako ri raya ntarungku si’i-si’i. Wali ane ia taa masae pei ratamo rire, aku dayau sindara-ndara pei ia damayunu resi komi.
24Wali to’oka samparia penatua ngkomi pasi samparia tau to i Pue Allah Puenya to nja’u lipu ngkomi aku taa mangkalingan sira. Pasi tau to yako Italia, sira rani aku manganto’oka komi sira taa seja mangkalingan komi.
25Wali aku makai-kai resi i Pue Allah see Ia damampaponsanika komi kanotoNya. Ungkanyamo ruyu gombongku si’i.
Download Audio MP3 (Ibrani 13):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel