1Wali kita to maroso pangayanta to tao-tao mangansabaraka sala ntau to mayu’u pangayanya. Ne’e kita ojo mampobuuka kasanang ndaya ngkita.
2Kasimbalinya yako etu, anu kita samba’a pei samba’a mangika palaong to mampakasanang raya nu yununta pasi to mangansawang ia, see ia damaroso seja pangayanya.
3Apa sakowa i Kerisitu, Ia taa seja mampobuuka kasanang ndaya to si Ia. Ia buya rayaNya nempo mangarata kasusa apa saba mangalulu i Pue Allah. Wali ewa si’i gomboNya to ratulis yami ri raya ntuntu i mPue Allah tempo owi, Ia manganto’o, “Gombo ntau to manganto’o maja’a i Pue Allah, gombo etu manganto’o Aku seja maja’a.” Etu semo gombo i ngKerisitu to ratulis tempo owi.
4Wali samparia tuntu i mPue Allah anu to ratulis tempo owi paka ratulis damangampotunde kita. Wali yako tuntu i mPue etu, see naka kita maya mangansabaraka kasusa pasi mawali maroso wo’u rayanta. Apa ane ewa wetu kita maya mangkongko kojo pansarumaka ngkita resi i Pue.
5Wali aku makai-kai resi i Pue Allah anu to mangawaika kita sabara pasi karoso ndayanta. Aku mamporapika resi Ia see Ia mangansawang komi see komi datuwu masingkatao samba’a pei samba’a mangalulu ewa wimba to naika i ngKerisitu Yesu.
6Ewa wetu matao raika see komi samba’a pampobuuka pasi samba’a gombo mangabarong i Pue Allah, Pa’a i Yesu Kerisitu, Pue ngkita.
7Wali, a’i-a’i, anu kita masanang rayanta mangantima pua’i ngkita samba’a pei samba’a ewa naika i ngKerisitu mangantima kita. Anu kita mangika ewa wetu see i Pue Allah darabarong.
8Ne’e rakalingan i Kerisitu nama’i mawali to papolaong nto Yahudi. Ia mangika ewa wetu mangabanang parajanji i mPue Allah resi bue-bue nto Yahudi tempo owi, see samparia tau manasa i Pue Allah taa mawuti.
9Pasi Ia ma’i seja see tau to si’a to Yahudi maya rapalaes pasi maya mangabarong i Pue Allah apa saba pamporayangiNya resi sira. Palaong etu singkonong pei gombo to ratulis ri raya ntuntu i mPue Allah. Re’e tau manganto’oka i Pue Allah, to’onya, “Wali aku damangabarong Komi sindara-ndara pei tau to si’a to Yahudi. Pasi aku damanyanyi nyanyi to mampakabae Komi.”
10Pasi re’e wo’u gombo to ratulis ri raya ntuntu i mPue to manganto’o, “O komi to si’a to Yahudi, pakasanang rayamu sindara-ndara pei tau to napilis i mPue Allah.”
11Pasi re’e wo’u gombo ratulis to manganto’o, “Barong i Pue, komi samparia to si’a to Yahudi. Barong Ia, samparia to lino!”
12Pasi re’e wo’u to natulis i Yesaya, to’onya, “Yako ri wiyaa i Isai damasuwu samba’a tau to damangkuasang tau to si’a to Yahudi. Ia semo to danasarumaka nsira.” Etu semo gombo to ratulis tempo owi.
13Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing.
14Wali a’i-a’ingku, aku si’i kunsani kojo komi bae kojo kanoto ngkomi samba’a pei samba’a, pasi komi mangansani kojo anu to rapoguru mangkonong pangaya resi i Pue Yesu. Pasi aku kunsani komi pande masipotunde, mampaposiaka raya ngkomi samba’a pei samba’a.
15Naka pei maroso gombongku ri raya nsurangku si’i, si’a apa saba aku bata-bata rayangku mangkonong komi. Naka pei maroso gombongku see mampatiendoka komi mangkonong anu to nunsani yami ngkomi etu. Aku mangantulis sura si’i apa etu semo palaong to nawaika i mPue Allah aku yako ri kanotoNya.
16Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.
17Wali, saba aku samba’a pei i Kerisitu Yesu, see naka masipato aku mangabarong mangkonong palaong to nikangku resi i Pue Allah etu.
18Apa ojo samba’aja palaong to nikangku to masipato aku mangabarong. Etu semo palaong to aku mangika yako kuasa i ngKerisitu. Apa Ia semo to mangansawang aku mampotundeka tau to si’a to Yahudi. Wali Ia semo to mangansawang see yako gombo to aku manganto’o pasi yako palaong to aku mangika see naka re’e seja sira to mampalaika i Pue Allah.
19Pasi yako ri kuasa i Nosa Mapasing see naka aku mangika palaong to taa rapobiasa. Palaong etu mawali tondong resi sira pasi mampakaipu raya nsira see naka sira mangaya. Wali yako ri kota Yerusalem rataka nja’u Ilirikum, ri ponto-ponto lipu ntau aku room mampakarebaka kareba matao mangkonong i Kerisitu.
20Wali pamporaningku semo mampakarebaka kareba matao nja’u lipu-lipu ntau to tawa mangandonge mangkonong i Kerisitu. Apa aku taa rani mampakarebaka tau to roomo napakarebaka nsa’e. Palaong etu ewa tau to mangawangu banua ri wawo mpondasi to naika ntau to yusa.
21Pei aku rani mangabanang gombo to ratulis ri raya ntuntu i mPue tempo owi. Gombo etu manganto’o, “Tau to tawa rapakarebaka mangkonong Ia, tau etu damangkita Ia. Pasi tau to tawa mangandonge mangkonong Ia, tau etu damangansani Ia.” Etu semo gombo to aku rani mangabanang.
22Wali palaongingku etu, etu semo to mandudu ngkani mangantalas aku tempo aku rani yau resi komi.
23Pei si’i-si’i tamo re’e lipu ntau to mosu ri lipu si’i to tawa rapakarebaka. Wali apa saba malagi nto’umo aku rani kojo yau resi komi,
24see naka aku mansongka liu mandoo resi komi tempo aku yau njo’u tana Spanyol. Aku masanang kojo damayunu-yunu nempo ojo sangkodi temponya resi komi, pasi roo see aku damasanang seja mangantima pansawang ngkomi tempo aku dapolas wo’u njo’u Spanyol.
25Pei tempo si’i aku dayau ruyu nto’u Yerusalem. Aku dayau damangangkeni sora to napasiromunaka ntau to mangaya nja’u Makedonia pasi nja’u Akhaya. Sira masanang kojo rayanya mampokatu sora mangansawang tau to masiasi nda’a oyo ntau to i Pue Allah Puenya nda’a Yerusalem.
26(15:25)
27Wali sira to si’a to Yahudi, sira masanang kojo rayanya mangansawang pua’inya to Yahudi, pasi masipato sira mangansawang apa sira kainda resi to Yahudi. Naka pei sira kainda resi to Yahudi apa yako resi to Yahudi semo sira mangarata kareba matao mangkonong i Yesu Kerisitu. Wali apa saba to Yahudi mangantilaka sira anu to mampakasanang tonii nsira, see naka masipato sira mangantilaka to Yahudi anu to mampakasanang raya nsira.
28Wali ojo karoonya aku mampakarataka tau Yerusalem sora to napasiromunaka ntau Makedonia pasi Akhaya etu, panewa aku dapolas njo’u Spanyol pei liu resi komi.
29Pasi aku kunsani, ane tempo aku rata mayunu resi komi, tempo etu bae kojo rasi to yako resi i Kerisitu to kita damangarata samba’a pei samba’a.
30Wali a’i-a’i, kita samba’a pei i Yesu Kerisitu, Pue ngkita, pasi kita masiporayang naika i Nosa Mapasing. Wali see naka kuporapika resi komi see komi mangansawang aku. Etu semo makoro nuika ngkomi makai-kai resi i Pue Allah mampokaika aku.
31Pokai-kai see aku taa danapoja’a ntau to taa mangaya nda’a propinsi Yudea. Pasi pokai-kai seja see tau to i Pue Allah puenya to nda’a Yerusalem masanang damangantima sora to dakupakarata resi sira.
32Pasi pokai-kai seja see ane singkonong pei pamporani i mPue Allah aku maya rata resi komi ri kasanang ndaya, pasi maya mawali maroso wo’u rayangku sindara-ndara pei komi.
33Wali aku mamporapika resi i Pue Allah anu mangawaika kita samparia karodo ndaya, see Ia dasiwaka pei komi samparia. Amin.
Download Audio MP3 (Roma 15):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel