1Anden yet harukmen domba umalik ino tom Sion punumu unduhukmu At walinggoho ap teng-teng angge teng nisanggowen (seratus empat puluh empat ribu orang) unduhuk lit welatuson arimano At unuk men Ikni unuk men inilahuwagma hahareg lit weregma yer isarikik.
2Yer isaruk lit hol harukmen Ele pohol filen ik hul aplohok tung turuk hag toho turuk lit ululu humon sipuk turuk hag toho uruk latisi. Ele ino pinggong kong turuk inaben kong turukmu enembinggong ele uruk hag toho urukmu hol harikik.
3Lehoma hur atukon Alukema unduhuk lit lebe ruruk angge uhan itano men iniknisi roho werehon arimano menen holeg lit weregma sini keron wiliptusareg yunggultuk latusa. Sini yunggultuk latuson ino ap misihen oho oluk am fug tegma we it ap teng-teng angge teng nisanggowen (seratus empat puluh empat ribu orang) kinangman windar eneptisiyon arimanowen eneg onoluk teg latusa.
4It arimano hiyap fahet til noruk lit unubam sabelep tag teg eleg angge hiyap ahun men nohoruk elehon hag toho wereg. It arimano domba umalik ino kema-kema larukmu Ombolim laruk latuson wereg. It arimano Allah men domba umalik men fahet ininggikmu angge atamon emberuk hag toho enebe Allah fahet umbukag ulug ap kinangmon sehelimuwen windar eneptisi.
5It arimano enembilik fam enele si ane uk fug angge wereg lit unubam siyag angge tag teg eleg.
6Anden yet harukmen malaikat misig pohol ke fililoho laruk lit ubam wene fanowon mondabi welaruhuwon weregma ap kinangma werehon o pumbuk obog toho werehon men ununggul unuk obog toho men enele wal taneg uruk inap men inibam wal taneg werehon men wene fanowon ino hiyag isil larukmu yet harikik.
7Malaikat inowen hiyag isil laruk lit ele hi roho uruk lit, "Allah fahet henekol toho wereg lit At wel turuk lamuhup. Ap minggir enebuhu sambil ino ketiya horog atuken Aren pohol men kinang men ik wiliptukon men yenggelehon men obog toho wal tibahon ino Ubam sembahyang uruk lamuhup," uruk latisi.
8Malaikat inowen ari urukmen pirenehon eke inam atisireg ombolim laruk lit, "O pin kuruk lit Babel pumbuk suwon ino aben o pin hi halog ane unusurusa. Babel inap arimanowen o pumbuk obog toho ik olokon pabi ane turuk ahik ino hinang isarusama narusareg nenek turuk latusa," ulug ele hi roho uruk latisi.
9Malaikat inowen ari urukmen hinahanehon eke inam atisireg onombolim laruk lit ele hi roho uruk lit, "Ap sa pak wimbi hahon ino men wirimangge ino men unubam sembahyang uruk lit enehangge inggikmu ano ilahuwagma ano emberukon
10at ino ik ahaluwe olokon Allah indimu olok haruk lit hinang isarukon nahu. Sig elehap turukon ik saplanggeyon hinang um fug angge we ik ahaluwe olokon ino Allah indimuwen olok haruk lit ik kubag fam hinang uruhu. Hinang uruhumu nahuwon ino malaikat fanowon men domba umalik ino enelukema at ino indok ubam umbuhupmu kinang ahe olokon ubam hililip turuk laruhu.
11It arimano unusuruk ahindok hubu ino hundig-hundig mondabi poholma laharuk laruhu. Pak wimbi hahon ino men wirimangge ino men unubam wenggel harukmu enehangge unubam werehon ari fahet likiya hupmu pale fuk fug angge unusurukmu enehap ouken nenek turuk lamuhup," irisi.
12Alem palimu werehon aru: Allahn komo enepfag ane hikit toho turuk lit inindimu Yesus fam tem toho wenggel harukon Allahn mumal eneptisiyon arimano inindi wirik toho unduhuk lit welamuhup.
13Anden hol harukmen ele pohol filen uruk lit, "Ketiya welaheyon famen ak teberuk lit Allah unuk fam war amuhubon enehiyeg toho welamuhubon fahet ari suwesingga fam haharin," ulug Hime fanowon inowen hiyag nutuk lit, "Fano ane turuk latuson fahet ayeg war isarukmu sat haruk lit lisag haruk latuson fahet fanoma kel taruk lamuhup. Ari tem toho uruk lahi," ulug hiyag nutukmu holtikik.
14Anden yet harukmen hina yanggowon undama ap kinangmon hahon heriyegma unggul hobog ili ruruk angge Unggul ke pug teg lit Inggikmu karog simbuk tohon olokon seneg lit heriyegma yet harikik.
15Weregma malaikat winon eke Allah ibamen wilip atisireg ap hina sehelimu heriyeg latisiyon ino fam ele hi roho uruk lit, "Roti anggen kinangma yatuson wirik atisimu paltuk li lahakekma karog olokon Hinggikmu seneg lahenon ino monde fin," uruk latisi.
16Ari uruk latisimu hina sehelimu heriyeg latisiyon inowen anggen palukag ulug karog ino kinangma hik isarisimu anggen kinangma werehon paloho larusa.
17Weregma malaikat winon eke Allah ibamen wilip atisireg aren oho karog simbuk tohon olokon eke inggikmu seneg latisi.
18Malaikat misig eke Allah fahet hubu lahaptuk ambehen waharisireg at indok ngi roho wereg lit malaikat karog simbuk tohon eke seneg latisiyon ino fam ele hi roho uruk lit, "Hele anggur anggen kinangma yatuson wirik atisimu karog ino walug wambimihinteg anggen tahanik wambimihin," irisi.
19Ari irisimu malaikat inowen karog ino kinangma hik isarisireg anggen tahanoho walug ahaluwe pete roho pilapmin ulug kinang fo reg ambeg ino pilabik larisi. Allah indi olok haruken kinang fo reg ambeg ino pilabik larisi.
20O pumbuk sel filen anggen arimano pete harukmen kinang fo reg ambeg inowen mep eneg wilip atisireg wam kuda anggolopma hele loltuk ambeg yenggel arik laharisi. Ik ino yenggeltuk lit ilan fuma-fuma ahuli yat toho yenggel atisi.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel