Alkitab Mobile SABDA
[VER] : [ABUN]     [PL]  [PB] 
 <<  1 Petrus 3 >> 

1Nin jammo Yefun Allah sor. Sane dom, nin, nggonkra nin waii jammo nin bi ya et, subere kapre nin bi ya deyo yo jambot Yefun Allah bi sukdu nde, bere an brek ma jammo Yefun Allah o re. Nin bi ya do me nin jammo án ete nin ben sukndo mone yo, bere án brek ma jammo Yefun re. Nin yo mitwa nin ki sukdu kwa dik yo dom nde,

2we nin bi ya me nin ben nin bi suk-i ri-roi, ete an me nin jammo an su nin mit dik, sane bere an onyar brek ete kem mo Yefun Allah o re.

3Nin ben nin bi suk-i sane anato nin tepsu nggon gato kur mek sisu sangge anane, wo nggon gato mbrau nggwa mo de nden sor re, subere nggon ne kur mek ne yo, bere siri re. Sagana nggon mbrau nggwa su suk sato ré, nggon jamji mom su e, nggon ji yon e, nggon pis mbre e ne. Nggon mbrau nggwa su suk bok ne subere ye yi nut do, nggon ne kur mek yo, bere siri re.

4Wo nggon gato kur mek sisu sangge anato nggon gato mbrau mom mit su suk sato ré, nggon ne kem not ete ben bi suk-i sisu njep sor. Nggon ben bi suk-i sane bere tepsu nggon ne kur mek mo an mit to kapyo mato kapyo anane. Yefun Allah nut do, nggon gato ben bi suk-i sane anato ndo wai,

5we suga nyim tuya nggon gato iwa án ben Yefun bi suk-i pe sor, nggon ne kwabom kam mo Yefun, nggon mbrau nggwa su suk gato nggon it sor nde, wo ben sato nggon ne mbrau nggwa su suk gato nggon ben ne. Sane nggon gato kur mek sisu sangge anato nggon gato jammo bi ya sor.

6Sara dom ben bi suk-i sane. Sara jammo Abraham, ete mom ki Abraham gum do, mom bi yesu. Sane su ré, nin ben nin bi suk-i ndo tepsu Sara ben ne, ete nin nyuwa ye gato ben sukot is nin nde yo, bere nin gum sok mo Sara bi pá-i it anane.

7Sane dom, nin yebris gato kra ne, nin nutbot nin bi nggon sisu ndo et. Nin bi nggon yo ben bi suk-i nggi saga nin yebris nde. Sane nin nutbot suk gato nin ben su nin bi nggon sisu ndo et. Nin mewa nin bi nggon sisu ndo sor, we Yefun Allah dakai kak os wa nin si nin bi nggon ne sino sok mo An bi rus-i, ete nin sino kem ndo to kapyo mato kapyo. Nin mewa nin bi nggon ne sisu ndo et, subere nin do ki suk su Yefun Allah yo, nin ki suk sisu ndo sor, suk yo yawa suk gato nin ki su Yefun ne nde, wo bere Yefun iwa jam sukdu gato nin ki ne.

8Ji yo krom sukdu mwa ok o nde, wo ji bi sukdu kwa bok yo sor wa nin yé bok ne sino do, nin werwa subere nin mit dik tepsu yu et. Nin bi sukjimnut dik tepsu yu et. Nin mewa yu tepsu yedik et. Nin dakai jimnotku yu sisu nin mit dik si nin onyar dik et. Nin is nin nggwa ga tepsu pa wokgan et.

9Ye yi ben sukibit ma nai nin yo, nin ben sukibit satu nde. Ye yi kabor nin gum ibit yo, nin kabor ye ne gum ibit satu dom nde, wo nin ndekwa Yefun Allah ben sukndo satu su ye ne sor. Yefun Allah fro nin wa nin ben nin bi suk-i sane, subere Yefun Allah waii ben sukndo su nin dom sagato An tom ne.

10Nin benbot sukdu gato ji krom ne, we mo Yefun Allah bi sukdu, ye krom sare do, "Ye to iwa kem not mo bur ré ete ku suk gato ndo yo, an mewa an syokwet ndo kadit an ki sukibit daret nde, an kidar suk daret dom nde.

11An brek kadit os ibit, ete an muket os ndo sor. An werwa an ben sukndo sisu sangge subere an si ye yi kem ndo su yu.

12An ben An bi suk-i sane, we Yefun Allah mewa ye gato ben sukndo tepsu Yefun mit, Yefun jamwa suk gato an ndek mo Yefun ne; wo Yefun on sa ket ye gato ben sukibit."

13Nin werwa nin ben sukndo yo, bere je u anato ben sukye nai nin ne?

14Wo nin do ku sukye mo sukndo gato nin ben ne it yo, nin wi nin ambre sor, we bere Yefun Allah ben sukndo su nin mo koirut o re. Nin nyuwa ye gato werwa ben sukye nai nin nde, nin nutbot sukibit gato an ben ne teker eta dom nde.

15Sarewo nin jammo Yesus Kristus su nin mit dik si nin onyar dik, nin jammo An tepsu nin bi Yekwesu gato gum kok wai o re. Nin fro nin nggwa ndek, sawe ye ndobot nin do, "Suma ben anato nin kwabom kam mo Yesus Kristus ne?" Nin fro nin nggwa ndek su sukdu gato bere nin ki nai ye ne jam, nin fro sukdu ne nyim wé et.

16Sarewo nin do ki sukdu ne yo, nin nutbot ye gato ndobot nin sisu ndo, ete nin ki sukdu ne kom-kem sisu njep. Nin werwa nin ben nin bi suk-i ndo petok, subere nin yo damen mo suk gato nin ben ne nde. Sane bere yé do iwa ki nin gum ibit mo sukndo gato nin ben tepsu Kristus bi yetuge-i ne yo, bere an yo ku os nde, ete ri ma an damen mo sukdu gato an ki nin gum ibit mone.

17Men ku sukye mo sukndo gato men ben tepsu pe gato Yefun Allah imo ne anato ndo wai kadit men ku sukye mo sukibit gato men ben ne.

18Ndo sa, men ku sukye mo sukndo gato men ben ne, we Kristus dom ku sukye mo sukndo gato An ben ne re. Kristus kwop wam dik sor, tep wa tot sukibit mwa gato men ben ne wé re. Kristus yo ben sukibit mo nde. An kwop wa men yé gato ben sukibit, subere An kak os wa men ma sok mo Yefun Allah bi rus-i. An da kridek kwop, wo Yefun Allah Gen sun An kaim gesyos satu kadit sukkwop ne o re.

19Kristus mu su An kaim gesyos, An ki subot Yefun Allah bi sukdu nai yekridek da gesyos gato yé rai mo bur desnak ne.

20Yekridek da gesyos anato ye gato kem mo bur ré suga nyim tuya Nowak ut kwem sye ne. Sugane yé mwa ne bariwa jammo Yefun Allah, sarewo Yefun Allah kem kret án sane sor án kwet ete án onyar brek ma kem mo Yefun ware, án bari re. Sane yé mwa ne rap mo syur sye, wo Yefun Allah kak os wa yetu ge munggwo sor ete sok mo kwem sye mit ne, ye ge munggwo mbau kadit syur syé gato sye ne.

21Yefun Allah kak os wa yetu ge munggwo ne subere án titi fro kadit syur syé ne anato tepsu sukamno subot ye ras yetu mo syur. Su ré, ye ras nin mo syur anato kak os wa nin titi fro kadit sukye gato nin ku ne. Ye ras nin mo syur wa mus sukkwik kadit nin da nde, wo ye ras nin mo syur tepsu nin tom su Yefun do, bere nin jammo An pe sor, bere nin werwa nin sibot nin bi sukjimnut gato ndo mo nin mit ne. ye ras nin mo syur. Yefun Yesus kak os mo gato An sun kadit sukkwop. Sane An kak os wa nin titi fro kadit bot gesyos ete nin sok mo Yefun Allah bi rus-i re.

22Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.


  Share Facebook  |  Share Twitter

 <<  1 Petrus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel