Alkitab Mobile SABDA
[VER] : [ABUN]     [PL]  [PB] 
 <<  2 Timotius 3 >> 

1Nan napawa suk gato ji krom ré et, su kam gato karowa bur ré kru, yetu mo bur ré bere ku sukye mwa ndo nde.

2Su kam ne, bere yetu dakai nutbot án dakai, án nutbot ye yi nde, án gro sye wa sugum, án un án dakai gum mo suk gato án ki ne, án bes nggwa kok, án kabor ye yi, án bariwa jammo án bi yenggras, án jam nde án ki ndo mo ye yi mo suk gato ye ne ben, án bariwa Yefun bi suk-i.

3Án bi sukjimnut sye yo kas subot ye yi mo nde, án grem sukmaskwa mo sukibit gato ye yi ben ne pe sor, án ki ye yi ket kwayo-kwayo, án ben án bi suk-i ne krat, án yo mewa nggwa nde, án ben sukot, án bariwa suk mwa gato ndo.

4Án iwa ben suk tepsu yeketut, án ben bi suk-i daret, án yo nutbot nde, án bes nggwa kok wai o re, án iwa ben án bi suk-i ket án í ne sor wai kadit án iwa jammo Yefun Allah bi sukduno-i.

5Án da sok ari e ne, ye nut do, án tepsu ye gato jammo Yefun, sarewo án mit-i tara re, án bariwa Yefun bi suk-i re. Sane nan mu karowa yé gato ben án bi suk-i sane nde.

6Ye gato ben bi suk-i sane mu sok os ibit bot nu pare, ye jam nde re. Án kidar nggon gato bi sukjimnut yo nggi nde. Nggon gato ben sukibit mwa, gato bi sukjimnut kas ram mo suk mwa gato ibit ne, án kidar sane sor nggon ne jammo án bi os-i re.

7Nggon ne ndek gat án wa án duno nggon ne su Yefun Allah bi sukduno, sarewo nggon ne jam nde Yefun Allah bi sukduno gato ri ne ware.

8Yé gato ben bi suk-i ibit ne tepsu Yanes si Yambres, suga kam nyim tuya ye we ne duwer Musa. Sane dom, yé gato ben bi suk-i ibit gane duwer men mo Yefun Allah bi sukduno-i gato sangge ne. Án bi sukjimnut ibit it, án yo onyar kem mo Yefun Allah o nde, Yefun bariwa án re.

9Sane án yo kom mo pe yo nde, bere yé mwa ne misyar án o re, we bere yé mwa ne jam rer do, án jam nde suk, tepsu yé mwa suga nyim tuya jam rer do Yanes si Yambres jam nde suk, ete yé misyar an we dom.

10Sarewo nan sa, nan jammo ji bi sukduno re. Nan jam suk gato ji ben kamdik-kamdik. Nan jam suk gato ji mit wa ji ben mo bur ré re. Nan me su nan gro do, ji onyar kem mo Yesus Kristus sisu sangge, ji jom An bi sukdu-i pe sor. Nan jam do, ji bi sukjimnut sye kas subot ye yi neya sor. Kapre ji ku sukye, ji misyar Yefun nde, wo ji simo An pe sor.

11Nan dakai me nje gu ji mó re, nan me sukye mwa gato ji ku ne. Nan jam sukdu subot sukye mwa gato ji ku mo kota Antiokhia e, kota Ikonium si kota Listra. Sane, nan jam subot sukye mwa gato ji ku mone. Ji ku sukye, sarewo ji yo misyar Yefun nde, wo ji simo Yefun pe sor. Yefun Allah ós ji kadit sukye mwa ne re.

12Ye gato onyar kem mo Yesus Kristus ete iwa ben Yefun bi suk-i, sangge, bere yé gu an, bere an ku sukye mwa.

13Sarewo yé gato ben sukibit bere ben bi suk-i ibit wai kadit nyim ne o re. Sane dom yé gato kidar nje ket kwayo-kwayo, bere kidar nje mwa wai kadit nyim ne o re. Án kidar ye yi neya, or o ye yi waii kidar án dakai dom.

14Sarewo Timotius, nan jowa sukduno gato sangge gato ye duno nan su ne pe sor. Sukduno gato nan onyar kem mone, nan jowa pe. Nan jam men yé gato duno nan, sane nan jowa sukduno ne pe sor.

15Kadit nan ka pawok, nan jam Yefun Allah bi sukdu re. Yefun bi sukdu ne kak nan bi sukjimnut subere nan onyar kem mo Yesus Kristus. Sane anato nan sibot os ndo gato kak os wa nan kem ndo to kapyo mato kapyo it anare.

16Yefun Allah grem An bi sukdu mwa ne sino mo yetu ge bok yo mit si onyar, ete yé bok ne waii krombot. Sukdu ne ndo wa men duno yu su. Sukdu ne ndo wa duyawa men subere men ben suk gato siri kadit Yefun Allah mit nde. Sukdu ne ndo wa kadum os gato ndo, subere men simo os ibit o nde, wo men simo Yefun bi os-i sor. Sukdu ne ndo wa duno men subere men jam suk gato Yefun Allah mit iwa men ben ne.

17Sane Yefun bi sukdu kadum os nai ye gato ben Yefun Allah bi suk-i, subere ye ne jam sukdu subot os ne or sino, kwa dik yo gwet mo nde, subere an nggiwa ben suk mwa gato ndo ne sino.


  Share Facebook  |  Share Twitter

 <<  2 Timotius 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2017
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran