Alkitab Mobile SABDA
[VER] : [ABUN]     [PL]  [PB] 
 <<  Efesus 2 >> 

1Nin ré, suga nyim nin ben sukdaret, nin ben siri kadit Yefun Allah mit, nin jam nde Yefun Allah, ben sato nin kwop kadit Yefun Allah it.

2Kamdik-kamdik nin ben sukibit, nin simo bur ré bi suk-i sor. Nin jammo yekwesu ge dik gato jom suktinggi ibit gato ok muya-muma subot bur ré re. Su ré, suktinggi ibit ne anato jom yé gato bariwa jammo Yefun Allah bi sukduno-i ne.

3Suga nyim men sino ben sukibit tepsu yé mwa ne mó re. Sukjimnut gato tik men mit wa men ben sukibit jom men sino mó re. Suga nyim men sibot sukjimnut ne sor, men dakai ben suk ket men bi sukjimnut-i, men ben sukibit ket men i sor. Sane men si yé mwa ne ku sukmaskwa kadit Yefun Allah mone.

4Sarewo Yefun Allah bi sukjimnut sye kas subot men ndo nde. Yefun Allah dakai jimnotku men ndo nde anato An yo ben sukye satu nai men tepsu sukibit gato men ben su An ne nde.

5Yefun Allah bi sukjimnut sye kas subot men sye teker, sane kapre ben sato men kwop mo sukibit gato men ben ne, Yefun Allah sun men mbau satu, ete men si Kristus kem ndo it. Men yo ben suk yo nyim wa Yefun Allah nde, wo An dakai bi sukjimnut sye kas subot men yi sor anato An nai men wa men si An kem ndo to kapyo mato kapyo.

6Yefun Allah ben sato sun men mbau satu tepsu An sun Kristus. An bes men gum subere men si Yesus Kristus mo gu tepsu dik wa jom suk mwa ne sino.

7Yefun Allah bes men gum subere su kam sari ne ma men jam subot sukndo mwa yé gato Yefun Allah ben su men ne rer re. Sukndo mwa ne bor mo gato Yefun Allah syo Yesus Kristus ma mo bur ré wa kwop win men.

8Yefun Allah dakai bi sukjimnut sye kas subot men sye teker anato An nai men wa men si An kem ndo to kapyo mato kapyo. Men onyar kem mo Kristus anato An nai men sor. Men dakai yo ben suk yo subere men kem gesyos ne nde, wo Yefun Allah dakai kak os wa men yi sor.

9Men yetu yo nggiwa men ben suk yo gato kak os wa men kem gesyos mo nde, wo Yefun Allah ka dik sor anato nggiwa ós men kem gesyos. Sane ye yo ku os wa an un an dakai mo suk gato an ben ne nde.

10Yefun Allah anato ut men re. An syo Yesus Kristus ma kak os wa men sok mo An bi rus-i. An ben men nggi mone subere men ben sukndo gato An fro wa men ben ne.

11Sane ji bi nji, ji bi nyanggon, nin yé gato sok mo yewis yi ne, nin napawa suga nyim ye Yahudi ki nin gum ibit sare do, "Nin, yewis yi gato ye bisunat nde, nin yo sok mo Yefun Allah bi rus-i nde." Ye Yahudi ki nin gum ibit sane, orete ye Yahudi dakai bes án gum kok, án ki do, "Men sa, yé bisunat men it, sane Yefun nai men gum sok mo An bi rus-i it." (Sunat ré anato suk gato yetu dakai ben mo yetu kaim de nden ne sor re.)

12Suga nyim, nin yewis yi jam Yesus Kristus nde tó, ye Yahudi ki nin gum ibit mo sunat re. Sugane nin gum yo sok mo yewis gato Yefun bes tepsu ye Yahudi ne nde, nin jam nde suk gato Yefun Allah tom su yewis ne. Nin kem mo bur ré, nin ku os nde, nin ku Yefun dom nde.

13Suga nyim ne, nin kem ko kadit Yefun Allah, sarewo su ré, Yesus Kristus bi An nggwa kwop ete An dé sye wa An tot men bi suktot, anato An kak os wa nin sok mo Yefun Allah bi rus-i o re.

14Sane Yesus Kristus dakai anato kak os wa Ye Yahudi si yewis yi bok ne sino kem ndo su yu. An anato ben ye Yahudi si yewis yi kem tepsu yewis dik. Suga nyim ne ye Yahudi ki yewis yi mwa ne gum ibit anato yewis yi bariket ye Yahudi mone, wo su ré Yesus Kristus bi An nggwa subere ye Yahudi si yewis yi ne bi sukye mo mit ne, An nai or wé kadit re. An bi An nggwa tepsu suktot yawa sukmaskwa ne anato kak os wa yewis yi mwa ne si ye Yahudi sino kem ndo su yu it.

15Ye Yahudi bi sukduno-i kwayo-kwayo mwa neya gato án jowa pe ne, Yesus Kristus rus wé re, subere An kak os be wa ye Yahudi si yewis yi ne sino tepsu yewis dik mone. Sane Ye Yahudi si Yesus Kristus tepsu dik, sane dom yewis yi si Yesus Kristus tepsu dik, sane anato Yesus Kristus ben án sino kem ndo su yu tepsu dik sor.

16Yesus Kristus kwop mo kwesukwin ne anato kak os wa yewis bok ne sino kem ndo su yu, ben sato án sino ku os wa jom syim su yu. Sane sor nde, wo Yesus Kristus kwop kak os wa yewis mwa ne sino si Yefun Allah kem ndo su yu, sukmaskwa mo mit ne, Kristus tot or wé kadit re.

17Sane anato Yesus Kristus ma wa ki subot Yefun Allah bi suktaru gato ós men kem ndo su yu ne. An ma wa An ki sukdu ne nai nin yewis yi gato nyim ne kem ko kadit Yefun Allah. An ma wa ki sukdu ne nai ye Yahudi gato karowa Yefun Allah ne sino dom.

18Yefun Allah Gen ka dik ne gwat men subot os gato Yesus Kristus kak wa men sino, ye Yahudi si yewis yi ne, subere men sino karowa men bi Ai, Yefun Allah ne.

19Sane su ré, nin yo tepsu yewis yi o nde. Nin tepsu yedamok o nde. Sane su ré, nin si men ye Yahudi sino sok mo Yefun Allah bi rus-i. Nin anato sok mo Yefun Allah bi rus-i it.

20Yefun Allah bi suktaru gato yerasul si yenabi ki ne anato tepsu i-ke wa men. Suktaru ne ben sato pondasi mo nu dik yo, ete Yesus Kristus anato tepsu jok gato nggi wai wa jom nu ne.

21Yefun Yesus dakai anato nggo nu ne sino, subere nu ne ndo wai o re. An fro nu ne dor tep wa men bi Yekwesu Yesus Kristus dakai bi nu-i ne sor.

22Nin si Yesus Kristus tepsu dik, sane Yefun Allah nai nin si ye yi ne sino wa An nggo An bi nu-i su, orete Yefun Allah Gen dakai kem mo nu ne.


  Share Facebook  |  Share Twitter

 <<  Efesus 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel