Dual Panel1Pakalehai santosahanimmu anna malai tuhu'-tuhu'ang pano di to pa'pahenta anna ingkänna pongkaha di umba-umba naongei. Pahallu toi la sadia umbabe ma'kahupa-hupa kamapiaang.
2Sika painsangngi toi nei' anna malai dai sipesalai bahtu' siba'di mesa anna mesa. Ampo' la pahallu makara anna mahempo' inaha pano di ingkänna tau senga'.
3Aka' Puang Alataala, To Pepasalama'ta, umpalanda' pa'kalemunna anna kamapiaanna pano di kita', moinnakato dolu noaingkea' to maho sibaha daingkea' tuhu'-tuhu'ang anna nakuasaiingkea' ma'kahupa-hupa pampemalaang ang tahuhu, sinnoanna ma'kau' karake, ma'sinuhung anna ungkahiri' tau sola.
4(3:3)
5Napasalama'ingkea' tadia aka' puhamingkea' umbabe kamapiaang, ampo' aka' pa'kalemunna pano di kita'. Napasalama'ingkea' umpake kakuasaang Inaha Maserona ang mepadahi sumule anna mebea katuhoang bakahu sibaha umbahahsii ingkänna kasalaanta.
6Nabea liuingkea' Inaha Maserona Puang Alataala yaling di sanganna Puang Yesus, To Pepasalama'ta.
7Napanoa indee anna malaingkea' naangka' maroho aka' mana' pa'kalemunna anna malaingkea' tuho masannang lambi' sapano-panona, aka' inang dianto ang tanaha-naha la tatahimbo.
8Indee ang mane kutula' tahpa' si'da-si'da. Pahallu umpengnginsangngi si'da-si'da indee anna malai ingkänna ang mampetahpa' dai' di Puang Alataala napoinaha umbabe ingkänna pengkähängang ang mapia, aka' la kekuna pano di ingkänna tau.
9Kahaoii kasitelängang ang la dai ma'bahtuang, ma'nene, siba'di didiona atohanna ada'. Aka' ingkänna indee dai aha kunanna anna datoe' aha kauntunganna.
10Monna aha tau ang umpadahi kasiba'diang, kambahoing meämpä' sipendoang. Ampo' monna dao napehingngii, ya' kahaoii.
11Aka' tau ang noa indee, inang danne' ungngakui pepakuhu ang tahpa', anna pembabena ang inang nainsang tahuhu dianto ang mantumäng lambi' ditahungkung.
12Ke haling kusuoingko mating ta Artemas bahtu' ta Tikhikus, ya' baha' poinahai sule umpellambi'iä' di lau' di Nikopolis aka' pahtuyungku la tohhoä' di lau' yaling di uhangngallo indee di tempona masahhu' bombang.
13Poinaha si'da-si'dai undului ta Zenas, dianto to manähäng yaling di pambohtuang kaha-kaha ada', anna ta Apolos ke mengkalaong anna malai dai kakuhangang aka-aka.
14Petauanta pahallu mellaya' si'da-si'da umbabe kamapiaang anna malai umpasundung ang la napokatuhoang. Daa-daa sika tuho takekuna.
15Ingkänna solasohong ang kusibahaing dinne umpalambi' salama' mating di dio. Palambi'ingkang salama'ki' pano di ingkänna santosahaninta ang mekalemui. Puang Alataalarang ang la tontong mambeheingkea' para-para.