Alkitab Mobile SABDA
[VER] : [ARALLE]     [PL]  [PB] 
 <<  Wahyu 4 >> 

1Tahpana kupahandang bou, aha bumi kuita mesa baba tibuhke yaho di suruka. Pihsananna aha bung yato kamaha sinnoa terompe' ang puha kuhingngi dolu. Yato kamaha naoatee, "Maio done indee anna kupainsangngio didiona ang la dahi dako'."

2Nakuasai siamä' Inaha Masero. Ungngitamä' ohko'ang tomaraya yaho di suruka anna aha mesa tau mohko' yaho.

3Yato tau pangngillo' sinnoa batu masuli' anna maleke, mamata anna malea hupanna. Mesa tahauhe ullikoi yato ohko'ang tomaraya. Inde tahauhe pangngillo' sinnoa mesa batu melälähäng ang mamata hupanna noa lala' upe.

4Di aneanna inde ohko'ang tomaraya aha dompulo uhpa' ohko'ang senga' mallipu'i. Pantang naongei mesa to dipakeangka' umpake kaya' mabusa anna mesongko' bulahang.

5Yato di ohko'ang tomaraya aha kila' anna ma'kundäng-kundängngi. Aha toi pitu ballo ang meleä'-leä', dianto pitu inahanna Puang Alataala ang aha yaho di olona ohko'ang tomaraya.

6Aha toi di olona yato ohko'ang tomaraya noa le'bo' mahändäng mala dipodahammeng. Ohko'ang indee nalipu'i uhpa' hupanna ang menanaha ang napunnoi mata di olona anna di kebo'na.

7Lindona hupanna ang menanaha ang uhuna sinnoa singa. Ang kaderuanna sinnoa saping laki. Katallunna sinnoa lindona tau. Ang kauhpa'na sinnoa sahebaki ang lella' lumolo'.

8Uhpa' inde hupanna ang menanaha pantang unnung pani'na anna napunnoi mata moi ang nasamboi pani'na. Allo bengi dai aha natohhoi ma'penani-nani naoatee, "Masero, Masero, Masero Puang Alataala, To Ma'kuasa, Ang aha, anna ang inang ahang anna ang la sule."

9Inde hupanna ang menanaha umpopenani pampudiang, malimuntu' anna menau-nau pano yato ang mohko' di ohko'ang tomaraya, dianto ang tuho lambi' sapano-panona.

10Lella' menani malimuntu' asammi yato to dipakeangka' pano di olona yato ang tuho lambi' sapano-panona. Mane umpentibeing yato songko' bulahanna pano di olona yato ohko'ang, tandana umpakeangka' puha yato ang mohko' di ohko'ang tomaraya, lella' siang menani naoatee,

11"O Puang Alataala Dehatangki', Dio supu ang sihatang untahimbo pampudiang anna kakeangka'ang aka' ma'kuasao. Aka' dio ang umpadahi ingkänna siamo, anna aka' pa'elo'mu toi nasuhung mala dahi anna tuho."


  Share Facebook  |  Share Twitter

 <<  Wahyu 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel