Alkitab Mobile SABDA
[VER] : [BALI]     [PL]  [PB] 
 <<  Ulangan 15 >> 

Taun

1“Ring pamuput taun sane kaping pitu, semeton patut malilayang utang anake sane mutang ring semeton,

2sapuniki caranipun malilayang utang punika: Asing-asing anak sane mutangang ring sesamannyane wong Israel, ipun patut malilayang piutangnyane punika. Ipun tan patut malih nagih piutangnyane punika, santukan Ida Sang Hyang Widi Wasa sampun nitahang indik malilayang piutange punika.

3Semeton dados nagih jinah semetone sane kaselang antuk wong sunantara, nanging sane kaselang antuk bangsan semetone ngraga, sampunang tagiha.

4Ida Sang Hyang Widi Wasa pacang ngamertanin semeton ring tanah sane pacang paicayang Ida ring semeton. Tan pacang wenten anak sane tiwas ring pantaran semetone,

5yening semeton satinut ring Ida tur saking sarat nglaksanayang saluiring paindikan sane uduhang tiang ring semeton ring rahinane puniki.

6Ida Sang Hyang Widi Wasa pacang ngamertanin semeton sakadi sane sampun janjiang Ida ring semeton. Semeton pacang maselangang jinah ring bangsa-bangsane akeh, nanging semeton ngraga nenten jaga nyelang punapa-punapi. Semeton jaga nguasain bangsa-bangsa sane akeh, nanging nenten wenten bangsa-bangsa sane jaga nguasain semeton.

7Yening satunggiling kota ring jagat paican Ida Sang Hyang Widi Wasa, Widin semetone ring semeton, wenten semeton Israel sane katunan, sampunang semeton demit miwah tan kayun mitulung ring semetone punika.

8Nanging olasin tur icen ipun nyelang manut ring kabuatanipune.

9Sampunangja tan durus maselangin ipun, malantaran taun palilan utange punika sampun nampek. Sampunangja icena pepinehe sane jaat ngranjing ring pepineh semetone. Yen semeton nenten kayun maselangin ipun, ipun jaga masesambatan, nguningayang indik semetone ring ayun Ida Sang Hyang Widi Wasa, tur semeton pacang kiwangang.

10Wehinja ipun saking suka lila, tur sampunang demit, malantaran puniki Ida Sang Hyang Widi Wasa pacang ngamertanin semeton ring pakaryan semetone.

11Ring pantaran wong Israele setata jagi wenten anak tiwas miwah katunan. Punika awinanipun tiang nguduhang ring semeton, mangda semeton kapiolasan ring semeton punika.”

Indik

12“Yening wenten wong Israel, lanang wiadin istri sane kadol wiadin ngadol deweknyane makadados panjak ring semeton, semeton patut mebasang ipun sasampune nem taun ipun ngayahin semeton. Ring taun sane kaping pitu semeton patut mebasang ipun.

13Yening semeton mebasang ipun, sampunang semeton ngenken ipun makaon saha matalang.

14Icenja ipun saking suka lila arta brana sane sampun kapaicayang antuk Ida Sang Hyang Widi Wasa ring semeton, minakadinipun: biri-biri, gandum miwah anggur.

15Elingangja mungguing semeton sane riin pecak dados panjak ring jagat Mesir, tur Ida Sang Hyang Widi Wasa, Widin semetone mebasang semeton. Punika awinanipun sane mangkin tiang ngaturang pituduhe puniki ring semeton.

16Nanging yen prade panjak semetone punika nenten nyak bebas, sangkaning ipun tresna ring semeton miwah kulawargan semetone, tur lila jagi ngiring semeton.

17Yening kadi asapunika, rarisang ajak ipun ka obag-obagan jelanan umah semetone, tur irika tebek kupingipune, kenginan ipun jaga dados panjak semetone saumur idupnyane. Kadi asapunika taler patut margiang semeton, marep ring panjak semetone sane luh.

18Sampunangja semeton marasa merang ring kayun, yening semeton mebasang panjak, santukan nem taun suenipun, ipun ngayahin semeton, tur pikolihipune wantah atenga yen bandingang ring upah buruhe. Laksanayangja indike puniki. Malantaran punika Ida Sang Hyang Widi Wasa, Widin semetone pacang ngamertanin semeton ring saluiring pakaryan semetone.”

Indik

19Suciangja pabuat Ida Sang Hyang Widi Wasa, Widin semetone, sakancan panak banteng miwah biri-birin semetone sane muani sane lekad jumun daana. Panak bantenge punika sampunangja anggena makarya, miwah sakancan panak biri-birine punika sampunang guntinga bulunipune.

20Nyabran taun semeton miwah kulawargan semetone patut ngajengang panak banteng miwah biri-birine punika ring ayun Ida Sang Hyang Widi Wasa, ring genah pangubaktine sane sampun kaselik antuk Ida Sang Hyang Widi Wasa.

21Nanging yen panak bantenge miwah panak biri-birine punika madaging cantula, upaminipun rumpuh wiadin buta, wiadin cacad sane lianan, sampunang ipun anggena aturan pamantuka ring Ida Sang Hyang Widi Wasa, Widin semetone.

22Semeton dados ngajengang ulam burone punika jumah semetone inggih punika semeton sareng sami yadian sane suci wiadin leteh manut sopacaraning agama dados ngajengang ulame punika sakadi semeton ngajengang ulam manjangan wiadin kidang.

23Sakewanten sampunang ajenga getihnyane, nanging semeton patut ngutang getihnyane ring tanahe, sakadi semeton mriokang toya.


  Share Facebook  |  Share Twitter

 <<  Ulangan 15 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel