Alkitab Mobile SABDA
[VER] : [BUGIS]     [PL]  [PB] 
 <<  1 Tawarikh 9 >> 

1Sininna tau Israélié ridaftar-i situru kaluwargana tungke-tungke. Iyaro daftar-é tarokii ri laleng kitta Arung-ngarunna Israélié. Selaku pahukkungenna dosa-dosana mennang, ritiwii ra’ya’ Yéhudaé ri appalirengngé.

2Polé ri yelle’na mennang iya bunge-bunge’é lisu ri tana appunnangenna ri kota-kotaé iyanaritu tau biyasaé, imangngé, tau Léwié sibawa pajjama-jamana Bolana PUWANGNGE.

3Si bagiyang polé ri suku Yéhuda, Bényamin, Efraim sibawa Manasyé lisuni sibawa monro ri Yérusalém.

4Engka 690 kaluwarga polé ri suku Yéhuda iya monroé ri Yérusalém, muttama’ni wija-wijanna ana’-ana’na Yéhuda iya riyasengngé Pérés, Syéla sibawa Zérah. Wija-wijanna Pérés ripimpingngi ri Utai. Jori wija-wijanna Utai polé ri yawa liyasé iyanaritu Utai, Amihud, Omri, Imri sibawa Bani. Wija-wijanna Syéla ripimpingngi ri Asaya. Aléna ritu kapala kaluwarga. Wija-wijanna Zérah ripimpingngi ri Yéuél.

5(9:4)

6(9:4)

7Sining tau suku Bényamingngé iya monroé ri Yérusalém engka 956 kaluwarga. Kapala-kapala kaluwargana mennang iyanaritu: Salu ana’ Mésulam, eppona Hodawya, néné-nénéna Hasénua. Yibnia ana’ Yéroham, Ela ana’ Uzi, eppona Mikhri, Mésulam ana’ Séfaca, eppona Réhuél, néné-nénéna Yibnia.

8(9:7)

9(9:7)

10Imang-ngimang mangoloéwé monroi ri Yérusalém: Yédaya, Yoyarib sibawa Yakhin, Azarya ana’ Hilkia, toriyolona iyanaritu Mésulam, Zadok, Mérayot sibawa Ahitub. (Azarya iyanaritu kapala pegawénna Bolana PUWANGNGE.) Adaya ana’ Yéroham; toriyolona iyanaritu Pasyhur sibawa Malkia. Masai ana’ Adiél; toriyolona iyanaritu Yahzéra, Mésulam, Mésilémit, sibawa Imer.

11(9:10)

12(9:10)

13Sining imang iya mancajiyé kapala kaluwarga, iya manenna engka 1.760 tau. Maccai mennang pogau’i sininna rupanna jama-jamangngé ri Bolana PUWANGNGE.

14Sining tau Léwi mangoloéwé monroi ri Yérusalém: Sémaya ana’ Hasub; toriyolona iyanaritu Azrikam sibawa Hasabya polé ri appang Mérari Bakbakar, Hérés sibawa Galal. Matanya ana’ Mikha; toriyolona iyanaritu Zikhri sibawa Asaf Obaja ana’ Sémaya; toriyolona iyanaritu Galal sibawa Yédutun Bérékhya ana’ Asa, eppona Elkana, monroi ri daérana kota Nétofa.

15(9:14)

16(9:14)

17Pengawal-pengawalna Bolana PUWANGNGE iya monroé ri Yérusalém silaong kaluwargana iyanaritu: Akub, Talmon, Ahiman, sibawa Salum kapala pengawal.

18Lettu essoéwé sining tau polé ri appanna mennang risuroi monrowangngi Pintu Gerbang Arungngé ri alau. Riyolo sining tau polé ri appanna risuroi monrowangngi pintu-pintu gerbang mattujué ri akkémanna tau Léwié.

19Iya risuroé monrowangngi sumpang muttama’é ri Kémana PUWANGNGE iyanaritu Salum silaong sining tau iya siappangngé sibawa aléna, iyanaritu appang Korah. (Salum iyanaritu ana’ Koré eppona Ebyasaf.) Riyolo toriyolona pogau’ towi jamangngéro wettunna mennang mattumani ri akkémanna PUWANGNGE.

20Pinéhas ana’na Eléazar — tennapodo PUWANGNGE linrungiwi! — engka naengka nakapalaiwi mennang.

21Zakharia ana’ Mésélémya iyanaritu pengawalna towi pintu gerbang Kémana PUWANGNGE.

22Sininna iya napilé untu’ monrowangngi pintu-pintu gerbangngé engka 212 tau. Ridaftar i mennang situru désa-désa onrong naonroiyé mennang. Toriyolona mennang riwéréngngi jabatang-jabatangngéro ri Arung Daud sibawa Nabi Samuél.

23Sipongennaro mennang sibawa wija-wijanna tette’i mancaji panganrowanna pintu gerbanna Bolana PUWANGNGE.

24Engka 4 sumpang: séddi ri manorang, séddi ri yattang, séddi ri alau sibawa séddi ri yajang. Ri tungke sumpangngéro, ritaroi séddi tau Léwi iya mancajiyé kapala panganrowang.

25Sumpulolona mennang iya monroé ri désa-désaé, bantui mennang secara makkaléléng — sises-siseng siminggu ittana.

26Iyakiya iya eppa kapala panganrowangngéro majjamai secara tette. Mattanggung jawa’i mennang ri bili’-bili’é ri Bolana PUWANGNGE sibawa barab-barang iya ritaroé kuwaro.

27Monroi mennang ri seddéna Bolana PUWANGNGE, saba’ harusu’i monrowangngi iyaro bolaé sibawa timpa’i pintu-pintu gerbangngé élé-élé.

28Sibagiyang tau Léwi iya laingngé mattanggung jawa’i lao risining pakkakkasa untu’ assompangngé. Mennang ritu bilangngi wettunna ripassu sibawa wettunna ripalisu.

29Sibagiyassi mattanggung jawa’i lao ri paréwa-paréwa assompangngé sibawa lao ri labbu’é, anggoro’é, minnya zaitungngé, kamennyangngé sibawa rampa-rampaé.

30Iyakiya iya mattanggung jawa’é campuru’i rampa-rampaéro iyanaritu imang-ngimangngé.

31Iya mattanggung jawa’é mébbu pakkasuwiyang iya ripanggangngé iyanaritu séddi tau Léwi riyaseng Matica, ana’ macowana Salum polé ri appang Korah.

32Sining tau polé ri appang Kéhat mattanggung jawa’i untu’ passadiyai patala rotié untu’ PUWANGNGE tungke esso Saba’.

33Sibagiyang tau Léwi iya laingngé mancaji pakkélongngi ri Bolana PUWANGNGE. Kapala-kapala kaluwargana mennang iya monroé risiyagangngaré bili’ ri Bolana PUWANGNGE. Dé’ nariwéréng mennang jamang laing, nasaba majjamai esso wenni.

34Sining tau iya riteppué onna iyanaritu kapala-kapala kaluwarga Léwi situru jori assossorenna. Mennang iyanaritu sining pamimping iya monroé ri Yérusalém.

35Yéiél patettongngi kota Gibéon, nainappa monro kuwaro. Bainéna riyasengngi Maakha,

36sibawa ana’na worowané, iya macowaé riyasengngi Abdon; iya laingngé riyasengngi Zur, Kish, Baal, Nér, Nadab,

37Gedor, Ahyo, Zakharia sibawa Miklot,

38ambo’na Siméa. Wija-wijanna mennang monroi ri Yérusalém silaong kaluwarga-kaluwarga laingngé iya siappangngé sibawa mennang.

39Ambo’na Arung Saul riyasengngi Kish sibawa nénéna riyasengngi Nér. Saul mappunnai 4 ana’ worowané: Yonatan, Malkisua, Abinadab sibawa Esybaal.

40Yonatan mappunnai ana’ worowané riyaseng Méribaal, ambo’na Mikha.

41Mikha mappunnai 4 ana’ worowané: Piton, Mélékh, Tahréa sibawa Ahas.

42Ana’na Ahas riyasengngi Yoada mappunnai 3 ana’ worowané: Alémét, Asmawét sibawa Zimri. Jori assossorenna Zimri iyanaritu Moza,

43Bina, Rafa, Elasa sibawa Azel.

44Azel mappunnai 6 ana’ worowané; Azrikan, Bokhru, Ismaél, Séarya, Obaja sibawa Hanan.


  Share Facebook  |  Share Twitter

 <<  1 Tawarikh 9 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran